توقعاتكم للسوق ؟ شهر مارس 2023

[مسافر1]

اي والله المفروض يكون الرد بهذا الشكل السهم يستحق اكثر من هذة الأسعار ولايستحق النزول بسبب المشاريع المجزية

[معماري قطري]

نهاية اسبوع موفقة ولله الحمد

محافظنا عاودت الشراء وبقوة معقولة بحدود 31.6 مليون من تداول 139.6 مليون .. وبنشوف من شرى بعد

المحافظ الخليجية بتداول 10.95 مليون منها صافي شراء 5.3 مليون يقارب النص

البقية كلهم بيع وأكيد الرابح من يشتري هذا الوقت

بيع افرادنا 11.4 مليون من تداول 123.45 مليون

بيع الافراد الخليجيين حول مليون وشوي غالب تداولهم بيع

بيع افراد العرب 4.1 مليون من تداول 39.6 مليون

بيع الأفراد الأجانب أقل من مليون وبتداول يقترب من 9 مليون وبيع محافظهم 19.4 مليون

بطل الشراء محافظنا وبطل البيع المحافظ الأجنبية

حصيلة الأسبوع تختلف ولاحظنا بيع محافظنا على 4 أيام وبالتالي المحصلة بيع حول 33.303 مليون من تداول 586.338 مليون

افرادنا كان تداولهم أعلى والسبب سيولة التوزيع 627.792 مليون منها شراء 44.759 مليون وأكيد هم أبطال الأسبوع

الأفراد الخليج تداول بسيط شوي فوق الخمسة مليون وتعادل تقريباً بين البيع والشراء

المحافظ الخليجية طلعت هي البطلة تداول 107.104 مليون منها شراء 70.627 مليون وهي البطلة الحقيقية

ليش محافظنا ما تشتري مثل الخليجية كان بترفع السوق بسهولة وبعدين تبيع لو حبت بغالي مب برخيص

المحافظ الأجنبية بيع فوق ال 74.2 مليون من تداول 571.2 مليون والأفراد حول 14 مليون بيع من تداول 68 مليون .. أحس بيع الأجانب مدروس وجيد وممكن قبل التوزيع لأسهم عديدة وممكن لهم عودة للشراء قريباً

[معماري قطري]

ملاحظ الطبية بدت تتحرك

[ابومبارك]

تم بيع استثمار اليوم بسعر 1.931 والحمد الله حصلت ربح طيب ولا بغيت اطمع بعد المت اب مرتين مثل قبل اسبوعين
قبل اسبوعين خذيت فايده زينه منه بعد بس كنت طمعان اكثر ونزل بسرعه بعته قبل لايطينها الحمد الله ووصل ريال ونص
ورجعت خذيته قبل يومين والحمد الله طلعت اليوم بربح طيب حسيت انه ماقصر معاي قبل والحين . وان طلع فوق الله يبارك لملاكه لانه سهم قوي وخطير وصانعه قوي
اليوم تم الزياده في قامكو زياده قويه من فايده استثمار . لازلت متمسك في سهم قامكو والزياده فيه ههههههههههههه
والله يوفقنا وياكم

[][ الوحيد ][]

ملاحظ الطبية بدت تتحرك

نفسهم اللي يشترون يردون يبيعون في نفس الجلسه ..

[ابومبارك]

نفسهم اللي يشترون يردون يبيعون في نفس الجلسه ..

اليوم الي شرا كميه كبيره رجع وباع
كأن يبي العالم تدخل تشتري ( فخ )

[][ الوحيد ][]

اليوم الي شرا كميه كبيره رجع وباع
كأن يبي العالم تدخل تشتري ( فخ )

صارله فوق الشهرين يسوي هالحركه

[ابومبارك]

صارله فوق الشهرين يسوي هالحركه

الظاهر عنده اسهم وايد يبي يتخلص منها ومش عارف وش يسوي
يبي يرفعه بأي طريقه عشان يتخلص من الي عنده

[معماري قطري]

صارله فوق الشهرين يسوي هالحركه

مشكورين على التنبيه كنت باطيح في الفخ

[ابومبارك]

مشكورين على التنبيه كنت باطيح في الفخ

تستاهل الخير يامعماري