نتائج مزايا للتطويرالعقاري للربع الأول 2023

[معماري قطري]

المبلغ المحجوز حول 55 مليون

اذا صدر الحكم النهائي على مزايا معناته راح يضيفون فوقها 25 مليون ( ارباح ربعيين تقريبا)

اذا حكم لها راح يتم الإفراج عن ال 55 مليون وتضاف للارباح ( ربح سنة تقريبا).

على الحسبتين قارن بسعرها السوقي " وهل يضر الشاه سلخها بعد ذبحها"

كضية والا قضية هذي آخر من يعلم بها انا خاشينها عنا .. بس صحيح شيضر الشاة بيكون وضع السهم بإذن الله في أمان على الأقل مضاربياً بعد معرفة إن فيه مشاكل مالية

اللي مستغرب منه ليش المساهمين مغيبين عن شركات هم دافعين فيها فلوس .. ثرى اللي عنده ملايين وايد ما تهمه مب أولى من اللي عنده 100000 في شركة حاط عليها آمال وهامته وايد المفروض المعلومات متاحة للكل ومحدثة دوم والمطالبات كذلك .. شلون شركة يديرونها مهندسين ( عاد غالبهم اتصالات وكهرباء ) ولا لهم في العقود والبنيان تفادئوا قاعدين على كرسي وتحت يدهم فلوس .. المهم شلون يخسرون الملاك هالمبالغ واحتمالية التلاعب ممكنة لأنهم يوقعون مع شركة عقد فيه ثغرات ويحتمل التقاضي وربح الشركة وتزيد الشكوك لو الشركة محسوبة عليهم حتى لو كانت خارجية وتعاملوا معاها بزيارات وسفرات وخشني وأخشك وحول لي على حساب سويسرا والا القوقاز وأحول لك

[معماري قطري]

‏أعلنت مزايا للتطوير العقاري ، وفقاً لمكتب المحاماة الخارجي ، عن الحكم في الدعوى 78 لسنة 2020.

‏عن صدور حكم في الاستئنافين رقمي 40 لسنة 2020 و78 لسنة 2020 بتاريخ 11/4/2023 قضـى بإلزام شركة مزايا بأن تؤدي إلى شركة ساينوهايدرو كوربريشن لمتد مبلغ 78,465,688.84 ريال وتعويض بمبلغ 2,000.000 ريال وبرفض الدعوى الفرعية المقامة من شركة مزايا، وهو حكم غير بات لجواز الطعن عليه بالتمييز

‏وعليه قد طلبت الشـركة من مكتب المحاماة الخارجي الاستمرار بالطعن بالتمييز.

‏وقد تم حجز ما يقارب 75% من هذا المبلغ ضمن المخصصات والذمم الدائنه في السنوات السابقة.

الظاهر كله شغل خارجي وكله من حلالك يالمساهم

[جابرالخواطر]

حسبي الله ونعم الوكيل شكلي خلاص ببيع حتى بالخساره قبل لاتطيح اكثر

[بوجبر]

دام انه استثمار خارجي راحت فلوسك ياصابر؟؟؟

[كلمة طيبة]

المبلغ المحجوز حول 55 مليون

اذا صدر الحكم النهائي على مزايا معناته راح يضيفون فوقها 25 مليون ( ارباح ربعيين تقريبا)

اذا حكم لها راح يتم الإفراج عن ال 55 مليون وتضاف للارباح ( ربح سنة تقريبا).

على الحسبتين قارن بسعرها السوقي " وهل يضر الشاه سلخها بعد ذبحها"

اتفق تماما معك ، الله يجيب العواقب سليمة السعر الحالي اشوقه مغري، للاسف شركة بالسوق لها ما يقارب ال15 سنة وسعرها اقل من سعر الاكتتاب ب40% شو السبب وليش

[][ الوحيد ][]

مادري شلون يبون يجيبون مستثمرين وهم جذي اصلاً .. معامله شركه مساهمه فالسوق معامله شركه خاصه و عائليه

[داااايم السيف]

ايش فرعنك يافرعون،، قال ماحصلت حد يردني
الشركة يتم ادارتها من قبل جهاز قطر للاستثمار ،، يعني تقريبا جهه حكوميه
على اعتبار انهم يملكون 21% وهي النسبه الي كانت باسم قطر فاونديشن وتم تحويلها باسمهم
بناءا على ذلك تم تعيين رئيس من قبل الجهاز نفسه ونائب له بالتزكية
يعني هم الي يتحكمون بالشركة وباقي 79‎% تحصيل حاصل لانهم افراد مشتتين وبعضهم عنده نسبه ومب داري عنها منتظر يوصل السهم ريالين ويبيع
واغلب التسخط من قبل مضاربين طخة بودرهم ونص
لذلك الوضع بيتم على ماهو عليه لين يدخل عليها مضاربين يرفعونها كم درهم ويرشونها
او يتم سحب البساط من قبل المتحكم الرئيسي في الشركة
الي عاجبه يستثمر في الشركة ياهلا ومراحب به الي مب عاجبه فيه شركات في قطاعات ثانيه يشتري فيها
يعني شعار الشركة الي بيجي حياه الله ومن راح الله يحفظه
عوائد الشركة وسخائها سيكون رواتب للموظفين وحوافز لمجالس الاداره ومصروفاتها الاداريه والعمومية ونحوه والباقي بيكون مخصص للانشطة الرياضية والمسابقات الرمضانيه
المساهمين بامكانهم ينتظرون البوفيه السنوي واتوقع اجتماع العام القادم بيكون البوفيه مميز
هذي الخلاصة

[مسافر1]

لو حاطين الفلوس ورائس المال في بيوت شعبية كل هذة السنيين بيجي ملايين بس بيتلاعبون ويشترون بمصالحهم على حساب الشريكة

[alkaldi]

ثاني شركه عقاريه تعلن عن نتائجها وتكون ناتئج غير متوقعه بالرغم من انه الكل كان متوقع ان الشركات العقاريه في الربع الاول راح تحقق نتائج وارباح راح تكون اول مره تحققها
لان القطاع العقاري كان له دور كبير في كاس العالم
الله المستعان ننتظر الشركات الثانيه ان شاء الله تكون العكس

[][ الوحيد ][]

توقعتها لمت داون اليوم .. بس يمديهم يبيعون من عندهم و يسددون