توقعاتكم للسوق - شهر يوليو 2023

[بوجبر]

أنخفاض ملحوض في الإيجارات المصدر جريدة الراية عدد اليوم

بصراحة الله كبار ملاك الأسهم

[adell]

يعني الاسهم الصغيره كم لمت اب

المفروض في اسهم صغيره لها 2 لمت اب مثل مزايا الايجاره قطر وعمان السلام حسب اذا الموشر انتعش

[معماري قطري]

أنخفاض ملحوض في الإيجارات المصدر جريدة الراية عدد اليوم

بصراحة الله كبار ملاك الأسهم

سوقنا يا بو جبر سوق المآسي الماسي .. عندنا عقار عليه هدم وعندنا عقار أخلوه قبل نهاية العقد والمؤجر يشتكي من الخساير والديون والله يعينه وعاذرينه .. والسوق زانطني في غالبية الأسهم .. الحالة ناشفة بمكن اروح ايران مشي أحس البحر بينشف لين مشيت سوق بهنسي خيلي بهنسي

[مستثمر قديم]

الفدرالي متوعد برفعتين متتاليتين

يعني فوايد البنوك بتروح فوق 6%

الله يعين العقارات والاسهم

أسهم العقار عكست إنخفاض الأسعار الحاصل في الإيجارات والبيع والشراء. رفع الفايدة بكون تأثيرة محدود برأيي لانو الأسواق متوقعة الرفع

[داااايم السيف]

بشكل عام نقدر نقول الف مبروك لملاك الاسهم وان شاءالله سنبحر الى مستوى 10800
بعض الاسهم سيتم تفعيل مبدأ غالي ورخيص قريبا جدا
0.8 غالي ،،،، 1.2 رخيص وفرصة دخول
القادم اجمل ان شاءالله

[معماري قطري]

مبروكين الإرتفاعات الحلوة بسيولة متوسطة

اللي باع اليوم ربعنا محافظ وأفراد .. مستعيلين على رزقهم أفرادنا باعوا 7.71 مليون من تداول 174.2 مليون ومحافظنا باعت شوي أقل من 7 مليون من تداول 67.6 مليون وحلو بيعهم متواضع ومسكوا يدهم عن التداول القوي بس نسبياً بيعهم فوق ضعف بيع أفرادنا نسبة للتداول هم شوي فوق ال 10% وأفرادنا بالضبط حول 4.4%

من باع بعد .. المؤسسات العربية بيع طفيف لا يذكر والأفراد الأجانب حول 1.7 مليون بعد بيعهم بسيط

الشراء جاء أكثره من المحافظ الخليجية حول 7.5 مليون ريال وثاني شيء من الأفراد العرب 4.1 مليون ريال .. المحافظ الأجنبية شراءها تحت 2.8 مليون والأفراد الخليجيين شوي فوق المليونين ريال شراءهم

الله أعلم إن السيولة قليلة لإبتعاد الكثيرين عن السوق وقد تتواصل على هذا المستوى ولازم للسوق عودة للهبوط لكن ممكن أسهم تخالف وتصك لمت أب وبسيولة بسيطة مثل ما شفنا بعضها اليوم

[.:: القيصر ::.]

مبروكين الارتفاع الجميل

صناعات بدعت و القادم افضل ان شاء الله

سهم ذكرته اليوم في الجلسة ( وقود )


دام السوق صحصح و الاسهم طارت اللي برع و يبي يركب الموجة عنده بعد سهم وقود لين الحين متكي



بالتوفيق

[adell]

مجمع المناعي فرصه خصوصا اذا تجاوز ال 67 وال 77 واهم شي 88 بيروح فوق ال 125 والله اعلم طبعا اذا السوق الموشر انتعش

[ابومبارك]

فيه اسهم وقفت عند اسعار محدده مثل استثمار والطبيه والريان والدوليه اثبتت مدري الاسعار الي اثبتت عليها عاليه بالنسبه لهذي الاسهم حاليا

واسهم مزايا والاجاره وقامكو ومستثمرين وامسيعيد يدورون في محلهم مع نزول وعند سعر تحت لاصعود ولا نزول ان شاء الله يستمرون في الصعود هذي الايام
ولو اني شاك في شهر 7 شهر البؤس

[alkaldi]

ان شاء الله يكون شهر اخضر شهر خير
في اسهم ان شاء الله تكون اخذت كفايتها من النزول التدوال العرضي
الريان ان شاء الله يكون نجم هالشهر وفي اسهم بتواصل الارتفاع والمؤشر ان شاء الله يكون رايك لا قام وارتفاعات حلوه
ورب يرزق الجميع ان شاء الله