صناعات قطر تفصح عن الارباح النصف سنوية 2023

[معماري قطري]

تمت الزيادة بنجاح على دفعتين
بين

12.65
12.73

سهم له وزنه في الدولة كلها

وفي المنطقة

يشتغل في النفط و الغاز

سهم ما يخوف باذن الله

زين والله ما تابعت الا بعد الظهر وشفته فوق 13 توقعته ما نزل كلش

[معماري قطري]

وصلوه اليوم اول السوق 12.59
وعقب ردوه فوق ال13 وبارتفاع 1%

توقعك صاب ما شاء الله

[.:: القيصر ::.]

الله يوفقك يالقيصر تستاهل كل خير

اللهم امين اجمعين

[.:: القيصر ::.]

صادق .. هو وصل السبعة في 2017 أعتقد وتم فيها فترة شريت شوي بدون نفس كنت متخوف مع انه كان فرصة وكان الكاش موجود

الحمد لله نسبة جيدة من المحفظة فيه وحول 60% ممكن أكثر في أسهم العوائد .. إنت مميز في تداولك وفي نصايحك وتركز على الفرص والفرص في السوق ما تنتهي سواء في هبوط والا ارتفاع .. وميزتك تعطي حماس مب لين طاح السهم تقول قلت لكم وواحد نصحته يطلع وهو اشترى وخسر وينتف شعره ومن هالقصص المرعبة واللي فيها تشفي في الغير .. الله يجزيك ويجزي كل من هو قلبه أبيض خير وهم كثيرين من ربعنا اللي نحبهم

الحمدلله على كل حال

الخير والبركة في الجميع يا بوعبدالله ان شاء الله واتمنى الخير للجميع دون استثناء

حتى بعض الردود اللي تحبط من عزيمة المتداول و تكسر مجاديفة اطالعها و ابتسم للامانة لان الكل يعرف ولله الحمد اقتصاد الدولة شلون والاسواق تطلع و تنزل لكن في قرارة نفسك تكون عارف و متيقن ان السهم يستحق الاكثر ومرده يجي هالهدف كفكرة عندي لا بجمع و بجمع لان مقتنع ان بعد كل ازمة في رجعة للسوق و راح يمر على سعري و اعلى و باخذ ارباحه ان شاء الله مش بس في صناعات لا في اكثر من سهم مكانهم و ما تحركوا مردهم يطلعون لين متى الضغط !