صبحكم الله بالخير
الظاهرة في إنتشار غريب كلش ولا ليت حتى اللي يسمونها الانارة النهارية ما لها وجود وأظن بسبب قدم السيارات
شفيهم المرور مغمضين هشكل كم مرة أتفاجأ بواحد لاصق فيني ومبند الليتات .. تفسيري إنهم يحسبون السيارة ما تصرف بترول وايد .. شرايكم؟
في 2009 ركبت تكسي في القاهرة في الليل.
لاحظت ان سواق التكسي اذا و صلنا الى شارع فيه اعمدة انارة طفى ليتات الموتر واذا مشينا في شارع مافيه انارة شغلها.
سالته ليش تطفي و تشغل الليتات كل شوي .. قال لي: علشان العمر الافتراضي لليتات و الاصطابات يزيد و ما احتاج الى تبديلها بسرعة!
اياً كان السبب يجب على المرور توعيتهم و مخالفتهم لانه خطر على الجميع.
الحمد السلامه اخوي معماري غايب من فترة فعلا انا لاحظت هالشي يمشي ومطفي الليتات الظاهر الاخ يفكر بيدفع فاتورة كهرباء وماي هههههههه يارجال البعض مايدري وين الله حاشره مثل سواقتهم التعبانه هو يشوف ليتات الطبلون مولعه يفكر الليت شغلالمشاركة الأصلية كتبت بواسطة معماري قطري
سؤالك جوابه من جزئين
الاول هي لعانة السايق و تخلّفه العقلي لأنه ما له رادع و عندنا قوانين ماعطته فوق اللي يستحقه و تضمن له مطلق الحرية حتى لو كانت بكسر القوانين إلا لو شافته الشرطة اللي غالبا ما راح يخالفونه و السبب مجهول!
و الجزء الثاني ان المرور راقدين و أكبر همهم الشباب و صوت السيارات!
الحل إما انك تسوي مثله أو تتكلم عن اللي شفته و في الحالتين ما في شيء بيتغير!
التعديل الأخير تم بواسطة SouthK ; 14-08-2023 الساعة 10:52 PM سبب آخر: خطأ إملائي و اضافة
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
اتوقع انه فهاوه من السائق
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
من قوه النظر عندهم حتى في الليل يشوفك كانه في النهار
ممنوع التدخين التوقيع مكيف
(▓▓▓(̅(_̅_̅_̅_̅_̅_̅_̅_̅_̅_̅_̅_̅()ڪے
جهل وغباء يا اخوي وسذاجة وبنفس الوقت عندنا قوانين كثيرة ما تطبق وتكون خطرة على المجتمع مب بس خطرة مميتة في حالات كثيرة .. من أيام باطلع من البيت في الليل واحد مار جدام الباب مسرع وسيارته هيلوكس جديدة ولا ليت مولع شيء غريب
ويمشون كأنهم سلاحف .. ناقصين رقابة جيدة وألحين بالكاميرات يقدرون يطلعون المخالفين طول سنة راحت ويخالفونهم بس مساكين أجانب يسترزقون وإحتمال يقتنعون بوجهة نظرهم ويسمحون لهم يسوونه قانون
السائق عليه يلتزم بالقوانين ناسي والا مهمل اهماله ممكن يؤدي لكارثة .. بعضهم يقطع من اليمين لليسار ومن اليسار لليمين بشكل قطري وببلادة هذا لازم يحاسب والكاميرات تسهل كل شيء
يستحيل اني أسوي مثله وأوصل لهذا الجهل ولو أشوف سواقي يسوي بامنعه .. تحليلك للشرطة عندنا صحيح والمفروض حتى المتقاعدين لهم الحق في توقيف ومخالفة اللي يقدمون على هذا العمل الغير حضاري .. وهذا مطبق في دول كثيرة شرطة وضباط أمن من كل الجهات بالإضافة لشغلهم عندهم دفتر مخالفات ودورات بسيطة وتعليمات لتطبيق القانون .. بعض السيارات ما فيها ليتات صالحة خير شر ولا لها رخصة وسنين طويلة تمشي بالبركة
ضوابط المشاركة
رد مع اقتباس