توقعات شهر اكتوبر 2023

[معماري قطري]

يوم تداول كئيب ما شفنا من وراه خير وكأن الأمل مفقود .. بهبوط -1.23 في يوم وقبلها أمس شوي و 0.8% نكون تعدينا ال 2% يومين وراء بعض وواضح إن سوقنا ما فيه خير الظاهر هالسنة وإحتمال اللي بعدها

دورت بين أسواق العالم الرئيسية حصلت سوق الفلبين نازل شوي أكثر من سوقنا


PSEi Composite

6,178.60 6,289.67 6,178.60 -119.60 -1.90% 02:50:00

وسوق فيتنام متعادل مع سوقنا في الهبوط


VN 30

1,124.48 1,143.34 1,124.48 -14.06 -1.23% 04:02:03

وسوق تايوان شوي أعلى 1.1% هبوط .. بس باقي أسواق العالم متحركة بعضها فوق 1.35% ارتفاع وكثير حول 1% والأغلبية خضراء .. الداو المستقبلي أحمر بس أسواق العالم ما اهتمت له والنفط ركعوه الأمريكي وبرنت


Crude Oil WTI
82.62 -1.60 -1.90%
Brent Oil
84.28 -1.53 -1.78%

خسر من قمته حول 12 دولار .. السوق السعودي هبوطه ما يوصل نص هبوطنا والإماراتي حول ربع هبوط سوقنا

[معماري قطري]

ما شاء الله شراء افرادنا اليوم يقترب من 35 مليون ريال .. وأفراد الخليج حول 1 مليون .. ومحافظ الخليج 9.8 مليون وحول 50% نسبة الشراء للتداول .. أفراد العرب شراء بسيط كلش يصل ل 60000 ريال من تداول فوق 51 مليون .. والأفراد الأجانب شرائهم 4.2 مليون

يبقون عندنا محفظتين اللي يبيعون الأجانب بيعهم يقترب من 48 مليون ومحافظنا الوطنية والمحبة لرفعة الوطن باعت اليوم شوي فوق 2 مليون ريال

التداول الأُسبوعي أهم

بابدأ بالأعلى تداول وهم محافظنا 933.727 مليون منها شراء 14.467 مليون وبنسبة دخول تساوي 1.549% وايد ضئيلة وشفنا شلون ما سوت شيء

الثاني أعلى تداول أفرادنا 676.996 مليون منها 36.034 مليون شراء وبنسبة دخول تساوي 5.322% وكنت أتمنى محافظنا تكون عندها نفس النسبة وزود ما ادري ليش ما عندهم جدية

الثالث أعلى تداول المحافظ الأجنبية 325.340 مليون منها بيع 90.988 مليون .. وبنسبة خروج تعادل 27.967% نسبة صريحة وقوية

الرابع أعلى تداول أفراد العرب 229.225 منها شراء 1.317 مليون وبنسبة دخول بسيطة جداً تعادل 0.5745%

الخامس المحافظ الخليجية 78.287 مليون منها شراء 37.432 مليون .. أعلى من محافظنا ومن أفرادنا كقيمة شراء وبنسبة دخول تعادل 47.8138% وايد جيدة متى نشوف محافظنا توصل نص هالنسبة؟

السادس الافراد الأجانب 58.68 مليون تداول منها شراء 6.717 مليون وبنسبة 11.4468% نسبة تبيض الويه لا أفرادنا ولا محافظنا وصلوها

السابع الافراد الخليجيين 18.4349 مليون وبيع 5.249 مليون وبنسبة خروج تعادل 28.4732% وهم الأعلى في نسبة السيولة الخارجة

تبقى المحافظ العربية لا شراء ولا بيع

[alkaldi]

الظاهر نعم بوعبدالله صحيح خلاص هالسنه بتعدي على هالحال ويمكن نروح نزول اكثر الله المستعان
الامل في الله ان شاء الله الامور تتحسن السنه الجايه

[معماري قطري]

الظاهر نعم بوعبدالله صحيح خلاص هالسنه بتعدي على هالحال ويمكن نروح نزول اكثر الله المستعان
الامل في الله ان شاء الله الامور تتحسن السنه الجايه

الحمد لله راضين بقسمة الله والتوزيع مهما يكون ظالم بعد يعطي دافع للصبر

[فيصل ع]

الله يستر بكره

[mohamed9933]

ما شاء الله شراء افرادنا اليوم يقترب من 35 مليون ريال .. وأفراد الخليج حول 1 مليون .. ومحافظ الخليج 9.8 مليون وحول 50% نسبة الشراء للتداول .. أفراد العرب شراء بسيط كلش يصل ل 60000 ريال من تداول فوق 51 مليون .. والأفراد الأجانب شرائهم 4.2 مليون

يبقون عندنا محفظتين اللي يبيعون الأجانب بيعهم يقترب من 48 مليون ومحافظنا الوطنية والمحبة لرفعة الوطن باعت اليوم شوي فوق 2 مليون ريال

التداول الأُسبوعي أهم

بابدأ بالأعلى تداول وهم محافظنا 933.727 مليون منها شراء 14.467 مليون وبنسبة دخول تساوي 1.549% وايد ضئيلة وشفنا شلون ما سوت شيء

الثاني أعلى تداول أفرادنا 676.996 مليون منها 36.034 مليون شراء وبنسبة دخول تساوي 5.322% وكنت أتمنى محافظنا تكون عندها نفس النسبة وزود ما ادري ليش ما عندهم جدية

الثالث أعلى تداول المحافظ الأجنبية 325.340 مليون منها بيع 90.988 مليون .. وبنسبة خروج تعادل 27.967% نسبة صريحة وقوية

الرابع أعلى تداول أفراد العرب 229.225 منها شراء 1.317 مليون وبنسبة دخول بسيطة جداً تعادل 0.5745%

الخامس المحافظ الخليجية 78.287 مليون منها شراء 37.432 مليون .. أعلى من محافظنا ومن أفرادنا كقيمة شراء وبنسبة دخول تعادل 47.8138% وايد جيدة متى نشوف محافظنا توصل نص هالنسبة؟

السادس الافراد الأجانب 58.68 مليون تداول منها شراء 6.717 مليون وبنسبة 11.4468% نسبة تبيض الويه لا أفرادنا ولا محافظنا وصلوها

السابع الافراد الخليجيين 18.4349 مليون وبيع 5.249 مليون وبنسبة خروج تعادل 28.4732% وهم الأعلى في نسبة السيولة الخارجة

تبقى المحافظ العربية لا شراء ولا بيع

هذا يعطي دلالة ان البيع على المكشوف عبارة عن كارثة
ان كان هذا البيع من المحافظ الوطنية عبارة عن بيع هامش

وفي ظل غياب الشفافية من هيئة قطر للاسواق المالية
وعدم وجود افصاح ووجود تقرير يومي عن عمليات البيع ع المكشوف تبقى التكهنات والضبابية عن بيع المحافظ الوطنية المتستمر من فتره واسبابه

[adell]

المفروض الموشر يرتفع يومين او 3 ارتفاع جيد واغلب الاسهم ترتفع شوي مو معقول شهور في نزول

[معماري قطري]

هذا يعطي دلالة ان البيع على المكشوف عبارة عن كارثة
ان كان هذا البيع من المحافظ الوطنية عبارة عن بيع هامش

وفي ظل غياب الشفافية من هيئة قطر للاسواق المالية
وعدم وجود افصاح ووجود تقرير يومي عن عمليات البيع ع المكشوف تبقى التكهنات والضبابية عن بيع المحافظ الوطنية المتستمر من فتره واسبابه

هم المتحكمين في السوق بيع فعلي والا على المكشوف هم ما يهمهم شيء ولا يخسرون .. غالب أسهمهم من التأسيس وبعض أسهمهم مجانية ووايد صفقات قديمة ربحهم فيها كبير .. بعضهم دخلوا مضاربات سريعة وخروج يطلعون ب 10% أو حولها منهم البنوك .. المشكلة خانقين السوق ما يخلونه يتنفس

كميات الأسهم عندهم هي الأعلى والسيولة عندهم عالية وفي يدهم يرفعون أو ينزلون أفرادنا متشتتين بس شراءهم أكثر لكن غالبهم مضاربين أقل والبقية مهما يكون عندهم وقوتهم ما يقدرون على التأثير القوي في السوق الا أوقات سيولة المحافظ الأجنبية تأثر تأثير قوي وشفنا غالبها بالسالب في الفترة اللي راحت بعد ما ككانوا يجابيين وايد فترة 2022 والسلبيين هم محافظنا .. في 2023 المحافظ الخليجية اشتغلت شغل قوي على الشراء وما زالت وغالب تداولها شراء وسيولة داخلة

خلاص آخر السنة قرب وبنشوف النسب السنوية للبيع والشراء وأتوقع هذي السنة المحافظ الخليجية اشترت كثير وبعدها ممكن الأجنبية والأفراد العرب والقطريين والباقي بيع وممكن محافظنا شراء يفشل قليل كلش والا بيع نصبر ونشوف

[معماري قطري]

المفروض الموشر يرتفع يومين او 3 ارتفاع جيد واغلب الاسهم ترتفع شوي مو معقول شهور في نزول

الحرب في فلسطين الحين عذر جديد وهبوط أسواق كثيرة .. كتبت الجملة وراجعت أسواق العالم حصلت 35 سوق مرتفع من 45 وغالب المرتفعين فوق 1% والنفط رجع فوق 84.4 .. طلعت مخطيء في ان أسواق كثيرة هبوط وبكرة لو زادت الحرب وهو المتوقع سوقنا بيكمل في العسل الأحمر

[Abjalsulaiti]

اتوقع ارتفاع النفط بقوه

الغاز عند اعلى سعر خلال 6 اشهر