إزدان الله يسلمك سهم قتلته إدارة السوق .. كانوا كبار ملاكه يرفعونه بشغل احترافي وقوي ويبيعون شوي مما يملكون ونسبتهم فيه كبيرة جداً جداً حاسبوهم ادارة السوق على أمور ما يحاسبون عليها المحافظ الحكومية ذيك خارج التغطية .. تشتري من لندن على إنها محفظة أجنبية ومن دبي على إنها محفظة خليجية .. شفيها لو ملاك أنشئوا محفظة في موزمبيق واشتروا من أسهمهم ورفعوها؟المشاركة الأصلية كتبت بواسطة alkaldi
إحتمال كبير إزدان خلاص انتهى وقته
إدارة السوق وقفت عاجزة أمام طوفان الطبية لأن الدخول عليها من شلة كبيرة ويضبطون العملية بسبب قلة أسهمها .. أما يرضون كل الأسهم ترتفع حسب شراء كبار ملاكها ووين يكونون والا يسكرون السوق والا يخلونه مثل هالحال حال العانس اللي فاتها قطار العمر مثل ما فاتنا قطار العمر مع أسهم كثيرة
فوق هذا تخبط كبير عندنا على مستويات الإدارة المالية العليا .. فجأة نسمع عن خساير واختلاسات وبالأحرى عدم تدقيق والمام بعقود خارجية لحصاد ينعكس على ودام ويشيلون الدعم فجأة وينزل السهم من 10 لتحت ال 2 .. نفس الشيء حصل مع الخليج الدولية بس بمنافسات خارجية وطاح السهم من فوق العشر لتحت الريال .. هذي بعض الأمثلة وغيرها كثير
نسمع عن خبر مساعدة لدولة ما لتبني طرق وطرق فرجاننا حالتها سيئة وما خلصناها ولا بنخلصها لأسباب عديدة .. حتى آليات الحفر للمناطق اللي فيها دبلوماسيين وناس غير عن الكائن القطري نحصلها صامتة وما تزعج ومشاريعهم تخلص بسرعة وجودة عالية مناطق غالبيتها طبقة عادية من المواطنين لا طقطقة ليل ونهار ولا يخلصون الشغل كل يوم حفريات وشوارع متهالكة
نسمع عن مليارات الدولارات تطلع ودائع حتى تدعم البنك الفلاني والعلاني خارج قطر ودعم بسيط للبورصة ما نشوف بالعكس نشوف 13 مليار سيولة طالعة .. يعني هذي محتاجينها والفائض اللي كل شهر تعلنون عنه وين يروح
|
