توقعات شهر فبراير 2024 (شهر الاعلانات والجمعيات العمومية)

[السيلاوي]

السلام عليكم ورحمة الله وبركاته
للاسف سوقنا كان اسوأ الاسواق في شهر يناير وهبط هبوطا كبيرا
وهذا الخبر منقول من موقع مباشر

كانت البورصة الكويتية هي أفضل الأسواق الخليجية أداءً خلال الشهر المنصرم بمكاسب بلغت نسبتها 6.6%، مسجلة بذلك أعلى معدل نمو شهري منذ نحو 5 أعوام، وانعكست المكاسب واسعة النطاق على كافة قطاعات السوق.

وجاءت البحرين ودبي في المرتبة التالية بمكاسب شهرية بلغت نسبتها 4.9% و2.7% على التوالي، وجاءت المكاسب في دبي على الرغم من أن المؤشر شهد مكاسب بنسبة 21.7% في عام 2023.

في المقابل، شهدت بورصة قطر أعلى معدل تراجع خلال الشهر بنسبة 6.8%، كما سجلت أبوظبي والسعودية انخفاضات هامشية خلال الشهر، وجاء الانكماش في مؤشرات السعودية وأبوظبي مدفوعاً بتزايد العوامل الجيوسياسية الإقليمية بالإضافة إلى إعلان "أرامكو" عن الحد الأقصى لإنتاج النفط.

[Abu-khalid]

سلام عليكم بعد غياب وعوده


صراحه البورصه الي يصير فيها شي مب طبيعي

في حركة هبوط من شهر 9 او 10 يقابله ارتفاع ابدا غير مجزي

حتى لو دخل الواحد عند قاع وطلع عند قمه ، شي لايسمن ولايغني

تتكلم عن انحسار الارتفاع والتداول اصبح شبه ممل

ليش والله ما اعرف مع ان كل المعطيات سواء العالميه ايجابيه حتى الاسواق العالميه مرتفعه وترتفع وتهبط وتتحرك تحرك جميل الا عندنا

السوق تطفيش بشكل مب طبيعي !!

انا كل شهر اقول لعل هالشهر شهر ارتفاعات لكن حتى لو شفنا ارتفاع فرضاً كمستثمر

بتحصل نفسك الشهر الي عقبه رجع السهم لسعرك الشرائي واقل !!

انا مستغرب ليش طول سوقنا حتى بعض الدول فيها مشاكل اقتصاديه تحس في مردود ايجابي في اسواقهم


وبعدين شنو هالاعلانات الي اكثرها غير ايجابيه

مابي اقول حرام لان هاي كله اسواق ماليه وفي ارتفاع وهبوط

لكن اسهم تربح فوق 10 ريال وتوزيع توزيع بسيط !

واسهم خسرانه من سنين " جد اسهم من سنين خسرانه " ؟؟؟

واسهم تربح وماترضى توزيع ع المساهمين وطبعا الحبايب موزعين حق نفسهم ومجلس ادارتهم والمساهمين يقولون لهم انتظرو احنا بنرتب الوضع

انا وصل فيني الحال اني افكر اروح اتداول في اسواق عالميه مع اني اشك في شرعيتها بس لان مافي بديل

الي يصير هنا يخليك تشك اصلا في شرعية الشركه بكبرها لان مافي حرص على نمو وتطور الشركه

خاصه بعد بكره تتغير الاداره وهات سنين يقولون لك احنا نعدل

صراحه هذا وانا من سنين في البورصه وحتى ايام الكورونا وبعد كورونا شفنا تداول وحركه مب طبيعيه خلت الناس تربح واسعار طيبه حتى لو مضاربيا

الحين لا ماتقدر والله لو تشتري سهم بالغلط ثاني يوم خسارتك الوف مايقدر السهم يقولك ها يالله ارتفعت مره ثانيه عوض خسارتك


انا مب عارف اي شركه الي اصلا ممكن تخليك تشتري فيها اراهن على اكبر المحللين اذا يقدر يعطيك شركه نفس العالم والناس ، فوق 40 شركه تتداول كلهم يخوفون !!

حتى الشركات الكبار تربح ربح كبير ووزنه كبير وثاني يوم من الاعلان ينزل وينزل السوق معاه بسبب توزيعه الشحيح الي مايوصل حتى 4‎%‎


يالربع كلام في الخاطر واكيد نتامل هالشهر تتحرك الاسهم وكل شهر نقول يالله خيره

[alkaldi]

شهر جديد وامل جديد صراحه انا مااتوقع يكون في ي حلو هالشهر
بيكون يمكن اسوء للاسف ماابي اتشائم بس الوضع يقول لين الحين السوق مب وقته
يمكن نشوف هناك نزول يحبها للمؤشر ونروح لخانة 9 السوق وادائه ماخلا لنا مجال للتفائل
الله يزينها هالشهر ان شاء الله وانشوف الوضع يتغير

[alkaldi]

يمكن انشوف اسهم عاد باقي لها نزول وانشوفها توصل لنص ريال
يوم رحنا اسعار كرونا

[معماري قطري]

بعد بكرة بنشوف المستثمرين رجع لسعره القديم ويمكن ينزل تحت ريال ونص بعد كله عادي في سوق الطماط الخربان

[معماري قطري]

سلام عليكم بعد غياب وعوده


صراحه البورصه الي يصير فيها شي مب طبيعي

في حركة هبوط من شهر 9 او 10 يقابله ارتفاع ابدا غير مجزي

حتى لو دخل الواحد عند قاع وطلع عند قمه ، شي لايسمن ولايغني

تتكلم عن انحسار الارتفاع والتداول اصبح شبه ممل

ليش والله ما اعرف مع ان كل المعطيات سواء العالميه ايجابيه حتى الاسواق العالميه مرتفعه وترتفع وتهبط وتتحرك تحرك جميل الا عندنا

السوق تطفيش بشكل مب طبيعي !!

انا كل شهر اقول لعل هالشهر شهر ارتفاعات لكن حتى لو شفنا ارتفاع فرضاً كمستثمر

بتحصل نفسك الشهر الي عقبه رجع السهم لسعرك الشرائي واقل !!

انا مستغرب ليش طول سوقنا حتى بعض الدول فيها مشاكل اقتصاديه تحس في مردود ايجابي في اسواقهم


وبعدين شنو هالاعلانات الي اكثرها غير ايجابيه

مابي اقول حرام لان هاي كله اسواق ماليه وفي ارتفاع وهبوط

لكن اسهم تربح فوق 10 ريال وتوزيع توزيع بسيط !

واسهم خسرانه من سنين " جد اسهم من سنين خسرانه " ؟؟؟

واسهم تربح وماترضى توزيع ع المساهمين وطبعا الحبايب موزعين حق نفسهم ومجلس ادارتهم والمساهمين يقولون لهم انتظرو احنا بنرتب الوضع

انا وصل فيني الحال اني افكر اروح اتداول في اسواق عالميه مع اني اشك في شرعيتها بس لان مافي بديل

الي يصير هنا يخليك تشك اصلا في شرعية الشركه بكبرها لان مافي حرص على نمو وتطور الشركه

خاصه بعد بكره تتغير الاداره وهات سنين يقولون لك احنا نعدل

صراحه هذا وانا من سنين في البورصه وحتى ايام الكورونا وبعد كورونا شفنا تداول وحركه مب طبيعيه خلت الناس تربح واسعار طيبه حتى لو مضاربيا

الحين لا ماتقدر والله لو تشتري سهم بالغلط ثاني يوم خسارتك الوف مايقدر السهم يقولك ها يالله ارتفعت مره ثانيه عوض خسارتك


انا مب عارف اي شركه الي اصلا ممكن تخليك تشتري فيها اراهن على اكبر المحللين اذا يقدر يعطيك شركه نفس العالم والناس ، فوق 40 شركه تتداول كلهم يخوفون !!

حتى الشركات الكبار تربح ربح كبير ووزنه كبير وثاني يوم من الاعلان ينزل وينزل السوق معاه بسبب توزيعه الشحيح الي مايوصل حتى 4‎%‎


يالربع كلام في الخاطر واكيد نتامل هالشهر تتحرك الاسهم وكل شهر نقول يالله خيره

حياك الله إخوي بو خالد صحيح لك غيبة طويلة

وصادق شركات سرقة ذي مثل اللي يتصلون لك يقولون استسمر معانا وعادي ثرى يحق لنا نقولها بالإسم مثل لشا ومثل المتحدة اللي ما اتوقع خسايرها مبررة ومثل دلالة ومثل بنك الدوحة ومثل شركات ثانية كانت توزع زين قبل تغيرت مجالس ادارتهم واستوى التوزيع شحيح منها ملاحة وما ننسى السلام وازدان شباعد وشباخلي .. يمكن ازدان وضعه السوق عطاه تقييم عالي وربحيته كلش ما تغطي والشركة عليها ديون كبيرة

[معماري قطري]

شهر جديد وامل جديد صراحه انا مااتوقع يكون في ي حلو هالشهر
بيكون يمكن اسوء للاسف ماابي اتشائم بس الوضع يقول لين الحين السوق مب وقته
يمكن نشوف هناك نزول يحبها للمؤشر ونروح لخانة 9 السوق وادائه ماخلا لنا مجال للتفائل
الله يزينها هالشهر ان شاء الله وانشوف الوضع يتغير

يبين لي هذا مثل السابق بالعكس ممكن الضغط يزيد ونتحرك عرضي وكلامي عن الشهر ككل .. لكن التوزيعات شيء حلو وأحلى من العام للآن

البنوك كلها محققة نمو زين الا الإجارة وباقي لنا دخان يوم الأحد ومتوقع اعلانه جيد .. عن التوزيعات الوطني والمصرف والأهلي زادو التوزيع شوي وعندنا الدوحة والريان نفس التوزيع وكذلك انماء مع إن ربحها يغطي توزيع أعلى وكان ممكن يوزعون 0.08 ريال ويخلون السهم يتحرك شوي .. الإجارة على هبوط ربحها الا موزعة نفس العام .. باقين قطر وعمان ودلالة حتى ما حددوا متى اعلانهم ومشكوك في موضوعهم

عندنا قطاع الخدمات وقطاع الصناعات هالقطاعين خصوصاً الصناعات بيخربون ربحية السوق ككل هي للحين ايجابية بس بتنزل بتنزل ( كتوقع ) بسبب نزول هالقطاعين .. باقي القطاعات أتوقعها ايجابية وجيدة خصوصاً الإتصالات

الأُسبوع الجاي من 4 لين 9 فبراير بيكون عندنا اعلان ملاحة الأثنين وصدمة لو وزعوا نفس العام والمفروض زود بمقدار كبير .. وعندنا يوم الأحد بنك إدخان والخوف يوزعون علينا دَخان .. يوم الثلاثاء المتحدة اعلانها .. ويوم الأحد بعد التحويلية وعندنا ميزة والطبية تاريخ 7 وتاريخ 8

[معماري قطري]

خلال الشهر كله محافظنا ضخت سيولة حول 150.11 مليون والباقي كلها تدويرية وبمبلغ اجمالي من ضمنه ال 150 يساوي 5.210 مليار ريال يعني نسبة المبالغ الداخلة للتداول تساوي 2.88% شكلها تحاول تجمع برخيص والا أداء واجب ملزومة به وبعد ممكن تسوي تغييرات وتنقلات من سهم لسهم استعداد للتوزيعات وبعدها تشتغل على رفع السوق والله أعلم

أفرادنا شرائهم متواضع 29.445 مليون من تداول 2501.435 مليون وبنسبة 1.177% النسبة وايد ضيئلة

الثالث أعلى تداول المحافظ الأجنبية ب 2201.466 مليون منها بيع بسيط بعد بحدود 13.53 مليون وبنسبة 0.6146% حول نص نسبة افرادنا

الرابع هم الأفراد العرب بمبلغ تداول 950.390675 مليون منها شراء بسيط ب 23.1513 مليون يوصل نسبة حول 2.4%

الخامس المحافظ الخليجية بتداول 542.252 مليون منها بيع قوي بحدود 199.2 مليون وبنسبة بيع 36.7357%

الافراد الأجانب يجون سادساً شرائهم بسيط بحدود 11.3 مليون بس مؤثر لو قارناه بشراء افرادنا

[مسافر1]

هذا سوق لاتتوقع ولا تحلل كلشي عكس
السوق الامريكي من قمة إلى قمة

[معماري قطري]

هذا سوق لاتتوقع ولا تحلل كلشي عكس
السوق الامريكي من قمة إلى قمة

طول وايد وهو أما عرضي مايل لإرتفاع بسيط أو عرضي مايل لهبوط والهبوط يكون أقوى ومزعج يهز كل اللي في السوق وطول وايد

لازم تدخل الحكومة بمحفزات وبرقابة مشددة خصوصاً على شركات التلاعب مثل بنك لشا العام ربحيته 7 وشيء درهم وموزع 0 والسنة ربحيته 8 وشوي وموزع صفر هذي وقاحة عينك عينك .. شيفرق عن المستثمرين اللي العام رابح 15 وزعها كلها والسنة ما رضى يوزع أقل من 15 وهي كل ربحه .. مالنا خص في ديون وفي أموال استثمار بيشترون بها شيء رخيص الشركتين استثماريتين والمساهمين يبون مردود وبوم يقولون ربح يعني هذا مطلعينه صافي بعد كل المصروفات والمفروض يوزع والا يقولون حققنا خساير ويفكونا