افضل استثمار في هذا الوقت

[CH Engineer]

السلام عليكم

شباب ابي رأيكم بافضل استثمار بهالوقت ؟
1- عقّار وتأجره
2- اسهم
3- ذهب ومعادن
4- عملات
5- شئ آخر

[معماري قطري]

أشوف العقار مضمون أكثر بس توافيق لازم تتوفق في عقار مناسب وبسعر مناسب وموقع مناسب

الأسهم سعرها بعد مناسب ما تدري شتخبي لنا شركات عريقة مثل صناعات ومسيعيد والريان وانا اتكلم عن أسعار مناسبة جداً مقارنة بقوة هذي الشركات حتى بنك لشا ممكن يرجع صوب ال 1.5 .. قامكو ممكن تجيه هبة قوية تطيره لل 3 مثل قبل .. السلام والاجارة بعد ما اظن يبقون على هذا السعر حتى لو مضاربياً

الزبدة تقدر تشوف تشكيلة مما لذ وطاب من الأسهم وتصبر عليها ممكن تهبط بس بعد ممكن ترتد الأوضاع ما تبقى مثل ما هي والمهم يكون عندك وقت للصبر ومدخول يغطي احتياجاتك قول لفترة 3 سنين

[بوجبر]

السلام عليكم

شباب ابي رأيكم بافضل استثمار بهالوقت ؟
1- عقّار وتأجره
2- اسهم
3- ذهب ومعادن
4- عملات
5- شئ آخر

وعليكم السلام


عندك الأسهم او الذهب وبس،،،العقار ما وراه الا عوار الراس ومشاكل مع المستاجرين من هشكل بعت العقار اللي عندي بلا رجعة له وحولت مرة أخرى للأسهم

[قطر 2030]

افضل العقار وفلوسك ما تخسر فيها ابد

الأسهم يبي لك متابعة ووجع القلب وتعليقة سنوات اتضيق على نفسك واتقول اعيالي أبدى في المبلغ اللي راح واتناهد بروحك ويلعبون بحلالك بكيفهم ومتى ما عجبهم هم يرفعون وينزلون ، باختصار الماكرون متواجدون ومتربصون في سوق الأسهم

والذهب لا خسارة فيه الى الأمد الطويل وهلك يتمتعون فيه وقدامك حلالك

شخصياً ارجوا الله وحده لا غير اعوض خسارتي في الأسهم

وسلام عليكم

[معماري قطري]

طول ما نسمع إحباط كبير من سوق الأسهم هذا أفضل وقت للشراء والتوزيعات قريبة وبعض الأسهم بتعطي توزيع يعادل لسعرها الحالي 7% هذي بتحصلها خلال شهر أو 2 وبتستفيد غير إن بعضها متأسس صح وماشي صح مثل سهم مقدام والمستثمرين وتاريخ توزيعهم آخر سنتين أو ثلاث جيد وكانوا فوق قبل وعادي يرجعون فوق