مزايا ،،،،،،،

[معماري قطري]

توزيع 0.025 لسعره الحالي 0.702 ريال يعادل 3.561% ولمعدلي انا 1.2367 يعادل 2.021% نسبة ضئيلة .. كربح اللي ربحته من ربع الكمية اللي طلعت منها ورحت الطبية عطاني أكثر للحين .. يعني مبلغ ربع الكمية اللي بعته مدخوله السوقي يعادل ويزيد بنسبة معتبرة عن ربح التوزيعات من باقي الثلاث أرباع اللي بقت

السهم صار عليه تقليص وقبل نهاية السنة والمفروض مثل ما يقولون مسحوا خسايرهم ما يطلعون لنا بخساير باقية وربح ضئيل وبيع مشاريع ما ندري شكثر نسبة الربح أو الخسارة فيها .. زين بعتوا فندق ب 135 مليون كم مكلفكم وكم كانت تكلفته الجارية والإدارية وربحه طول الوقت ان وجد وكم رابحين أو خسرانين في الصفقة

[جابرالخواطر]

السلام عليكم ورحمة الله وبركاته
ولاعليكم امر كيف طريقة الحسبه وشكرا لكم

[معماري قطري]

السلام عليكم ورحمة الله وبركاته
ولاعليكم امر كيف طريقة الحسبه وشكرا لكم

عليكم السلام ورحمة الله وبركاته

يا اخوي ماخذ حاسبة كاسيو اللي أزرتها ما تخطيها شكبر وبالطاقة الضوئية لا بطارية ولا خرابات .. والعملية سهلة كم سهم شريت وكم تكلفة السهم .. مثال تكلفة السهم تكون محسوبة لك لين نتف من الدرهم يعني انا عندي كمتوسط 1.23670825 ريال .. يمين النقطة هي الدراهم 23 درهم والباقي هذي أجزاء من الدرهم .. هذا سعر السهم وعندك التوزيع 0.025 ريال تقسم التوزيع على سعر السهم وتضرب في 100 تطلع لك نسبة ربحك المئوية

طريقة ثانية تطلع تكلفة أي سهم تبغي تحسب توزيعك فيه مثال سهم مكلفك مليون ريال وهو مستحيل لازم فيه كسور وأرقام كثيرة .. وعدد الأسهم 100000 سهم .. وتوزيع السهم 0.1 ريال تحسب مدخولك من التوزيع يطلع 0.1 ضرب 100000 سهم = 10000 ريال وبعدين لو تحب تعرف نسبة ربحك تقسم مدخولك السنوي 10000 على قيمة الأسهم 1 مليون تطلع النسبة 1% .. وفوق هذا فرضاً إنت سويت حركات مضاربية في هذا السهم وربحت ربح سوقي 90000 يستوي اجمالي ربحك 90000 + 10000 على قيمة أسهمك 1 مليون تطلع 10% .. أكيد حسب حساباتك وأرقامك بدقة وتطلع لك خانة عشرية وكسور

[معماري قطري]

فيه حسبة ثانية لو تبي تحسب جميع أسهمك في السوق وتطلع رقم معين .. وتحسب إجمالي تكلفة محفظتك وهذي محسوبة لك من الوسيط بعدين تحسب متوسط سعر أسهمك لنفترض عندك 8 مليون سهم متنوع من كم سهم وتكلفتها 15 مليون تقسم 15 على 8 تطلع تكلفة السهم المتوسطة 1.875 .. انا حاسبها عندي قبل بين 2.5 و 3 ما اذكر بالضبط كم وهذا يعني اني عندي كفاية من الأسهم الثقيلة بعضنا يمكن تطلع له حول ال 1 وتحت ومعناها غالب أسهمه سعرهم تحت الريال

[معماري قطري]

صورت مقدمة حساب دلالة للمحفظة



مفصل تفصيل حلو وفي النهاية يعطيك مجموع ربح اليوم أو خسارة اليوم والحقيقة هي مجموع القيمة السوقية المكتسبة أو الناقصة لأنك ما بعت لا تعتبر خسارة أو ربح

[معماري قطري]

فيه جدول ثاني يعطيك الارباح المحققة أو الخساير لكل سهم من بديت تتداول للحين ويعطيك وضعك الحالي في السوق كخسارة أو ربح جديد في حال البيع الجديد

[جابرالخواطر]

ماقصرت الله يجزاك خير ويرحم والديك

[محارب مداري]

متى التوزيع؟

[معماري قطري]

متى التوزيع؟

12/3/2024 أو بعدها بأسبوع

[سكتون]

في احد جاته الارباح عن طريق ايداع ؟
والتوزيع عن طريق اي بنك ؟
الله يجزيه خير اللي يفيدني