توقعات شهر مارس 2024 (مبارك عليكم شهر رمضان المبارك)

[السيلاوي]

السلام عليكم ورحمة الله وبركاته

تداول موفق للجميع

وان شاء الله رمضان كريم على الجميع ونشوف ارتفاعات لسوقنا في هذا الشهر الفضيل

وطبعا جميعات عمومية كثيرة في هذا الشهر وطبعا عوائد ممتازة لاغلب الشركات مقارنة مع اسعارها الحالية

[alkaldi]

السلام عليكم ورحمة وبركاته
نتمنى يكون شهر خير مصاحب بالاخضرار وارتفاعات تسر باذن الله
هالشهر يمكن يكون فيه تصحيح نرجع فيه لين 9 الآلاف
وبعدها انطلاقه إلى اعلى وقويه والله اعلم توقع مني فقط
لكن نتمنى خلاص مايكون في ي تصحيح وانروح لين اعلى
ورب يرزق الجميع في هالشهر الفضيل

[mubarak2006]

اعلى اغلاق للمؤشر في شهر فبراير كان يوم الثلاثاء 27 فبراير2024 وهو( 10496 )
خل نشوف شهر مارس ايش بيصير …………..

[معماري قطري]

إن شاء الله يكون شهر خير وبركة على الجميع

في ال 30 منه بإذن الله بادخل الستين وباودع سنين الطفولة الخمسينيات والله يعطينا معاكم طولة العمر والصحة

إن شاء الله يكون شهر الرشاقة لي بديت أنزل وزني (أوفر لي حتى ما اكل وايد ) نزلت شوي قمت أشوف أوقات ال 82 وكنت متمني أشوفها في رمضان أو في نهاية رمضان باقي بس 4 واوصل الوزن المثالي .. أرفع سقف الطمع لين - 4 كيلو بنهاية رمضان .. عاد البركة في المونجارو تخليني اكل قليل كلش .. هرمونين هرمون الشبع وهرمون تضبيط السكر بالقضاء على ما يسمى مقاومة الأنسولين يعني أقلل الأنسولين وحتى الحبوب استويت آخذ قليل كلش والحمد لله الصحة في تحسن لدرجة اني قمت آكل سكريات .. البارحة كلت اسكريم وفطاير قطعتين وغلطت خذت كمية انسولين شوي زيادة قلت فطاير بتزيده بس ما قدرت أكمل وقلت أعوض بالأسكريم كلت كمية والسكر ولا تحرك .. قلت بينهضم ويطير السكر كعادته كل مرة ونمت صحيت الا 59 .. المونجارو تخلي الواحد محتارو

عاد بما إننا نتكلم عن أسعار الأسهم سعر الإبرة الوحدة حول 700 ريال الله يكثر خير حكومتنا وكرتون 2800 حق شهر كل اسبوع ابرة بس تأثيرها سحري اللي يبي يخف ياخذها

[معماري قطري]

واحد سكراب مثلي تصرف عليه الحكومة أدوية وعلاج يمكن يومياً توصل 200 ريال لو بابيعني كم اجيب تتوقعون

[جعران]

واحد سكراب مثلي تصرف عليه الحكومة أدوية وعلاج يمكن يومياً توصل 200 ريال لو بابيعني كم اجيب تتوقعون

اطال الله بعمرك وعافاك ربي من كل سوء ومكروه
والستين سنة مرحلة عمرية جديدة فيها خبرة
السنين الماضية وما يحسها ولا يشعر بقيمتها الحقيقيّة
إلا من عاصر ها فالستين سنة جميلة جداً تتصرف فيها
بحكمة وصبر وهذه عصارة السنين الماضية
—— اما بالنسبة للسوق عادتاً في الشهر الفضيل
يكون متقلب نوعاً ما والمؤشر بأذن الله تعالى
يكون مستقرأ على ماهوا عليه يزيد أو ينقص قليلاً
—— مبارك عليكم الشهر الفضيل مقدماً

[alkaldi]

إن شاء الله يكون شهر خير وبركة على الجميع

في ال 30 منه بإذن الله بادخل الستين وباودع سنين الطفولة الخمسينيات والله يعطينا معاكم طولة العمر والصحة

إن شاء الله يكون شهر الرشاقة لي بديت أنزل وزني (أوفر لي حتى ما اكل وايد ) نزلت شوي قمت أشوف أوقات ال 82 وكنت متمني أشوفها في رمضان أو في نهاية رمضان باقي بس 4 واوصل الوزن المثالي .. أرفع سقف الطمع لين - 4 كيلو بنهاية رمضان .. عاد البركة في المونجارو تخليني اكل قليل كلش .. هرمونين هرمون الشبع وهرمون تضبيط السكر بالقضاء على ما يسمى مقاومة الأنسولين يعني أقلل الأنسولين وحتى الحبوب استويت آخذ قليل كلش والحمد لله الصحة في تحسن لدرجة اني قمت آكل سكريات .. البارحة كلت اسكريم وفطاير قطعتين وغلطت خذت كمية انسولين شوي زيادة قلت فطاير بتزيده بس ما قدرت أكمل وقلت أعوض بالأسكريم كلت كمية والسكر ولا تحرك .. قلت بينهضم ويطير السكر كعادته كل مرة ونمت صحيت الا 59 .. المونجارو تخلي الواحد محتارو

عاد بما إننا نتكلم عن أسعار الأسهم سعر الإبرة الوحدة حول 700 ريال الله يكثر خير حكومتنا وكرتون 2800 حق شهر كل اسبوع ابرة بس تأثيرها سحري اللي يبي يخف ياخذها

الله يعطيك الصحه والعافيه ويكون الباقي لك اصح واسلم لك من اللي راح
الستين سنه مع العارض الابيض والغتره والثوب الابيض والجوتي الاسود اون رنينج وتتمشى في الفستيفال بتبين رزه
شنو اسم الابره بوعبدالله والواحد ياكل بس بحذر ومايرد اللي في خاطره
شهر رمضان باذن الله يكون شهر خير طبعا بيكون التداول الناس يمكن للمضاربه بتوفر فيه حق رمضان وقريب العيد

[alkaldi]

تعلن بورصة قطر إخطاركم بأن يوم الأحد الموافق 2024/03/03م سيكون عطلة رسمية لبورصة قطر، على أن يستأنف الدوام الرسمي يـوم الاثنين المـوافـق 2024/03/04م.
وذلك بناءً على تعميم هـيئة قطـر للأسـواق المـالـية رقـم م ر ت/65/2024 وتعـميم مـصـرف قـطـر المـركـزي رقــم 0001432/ 2024 بشأن عطلة يوم البنوك بدولة قطر

[معماري قطري]

اطال الله بعمرك وعافاك ربي من كل سوء ومكروه
والستين سنة مرحلة عمرية جديدة فيها خبرة
السنين الماضية وما يحسها ولا يشعر بقيمتها الحقيقيّة
إلا من عاصر ها فالستين سنة جميلة جداً تتصرف فيها
بحكمة وصبر وهذه عصارة السنين الماضية
—— اما بالنسبة للسوق عادتاً في الشهر الفضيل
يكون متقلب نوعاً ما والمؤشر بأذن الله تعالى
يكون مستقرأ على ماهوا عليه يزيد أو ينقص قليلاً
—— مبارك عليكم الشهر الفضيل مقدماً

وعمرك طويل بالخير يالشيخ والله يجعله شهر خير

انا متفائل شهر رمضان شهر خير واوقات لو السوق ممل ونازل او عرضي مثل وضعه الحين يتحرك في رمضان

[معماري قطري]

الله يعطيك الصحه والعافيه ويكون الباقي لك اصح واسلم لك من اللي راح
الستين سنه مع العارض الابيض والغتره والثوب الابيض والجوتي الاسود اون رنينج وتتمشى في الفستيفال بتبين رزه
شنو اسم الابره بوعبدالله والواحد ياكل بس بحذر ومايرد اللي في خاطره
شهر رمضان باذن الله يكون شهر خير طبعا بيكون التداول الناس يمكن للمضاربه بتوفر فيه حق رمضان وقريب العيد

الله يعافيك ويبقيك إخوي الخالدي

إسمها مونجارو ويعطونها مستشفى حمد للسمنة وللسكر النوع الثاني أو الأول .. صراحة عجيبة لا وللسكر توازن تقدر تاكل حلويات لو تحب وجسمك يحرق السكر ما يرتفع مثل قبل طيران عالي .. انا اللي عندي النوع الأول بس مع مرور العمر 43 سنة ألحين متفاهم معاه أوقات نتزاعل شوي استوى عندي مزيج بين الأول والثاني اللي يسمى مقاومة الأنسولين يعني في جسمي سكريات وأنسولين وايد مثل السيارة المحترق الكلج في طلعة تحصلها تحن وتدخن ويالله يالله تركب .. مع المونجارو كأنك صلحت الكلج وقويت المكينة والأهم خففت وشلت الزوائد حتى ويهي ضعف صراحة تسوى 700 ريال للوحدة و 2800 للشهر