اليوم كان اداء السوق مثل ما ذكر اخونا مضارب
باذن الله الاشهر الجايه السوق بيكون احلى وانشوف اسهم تتألق نتمنى من الله ذلك
ورب يرزقنا جميع
اليوم كان اداء السوق مثل ما ذكر اخونا مضارب
باذن الله الاشهر الجايه السوق بيكون احلى وانشوف اسهم تتألق نتمنى من الله ذلك
ورب يرزقنا جميع
واضح يا اخوي ما يبونه يرتفع .. تذكر آخر يوم في 2023 شلون رفعوه غصب حتى ينهي السنة على ارتفاع هزيل 1.4% بس قدروا يرفعونه .. هم لو حبوا يعرفون الطريق وأكيد لو حبوا في اسهم معينة بعد يعرفون الطريق وبدوا مع أسهم توزيعاتها هزيلة مثل الملاحة والمصرف وميزة وممكن نشوف غيرهم بس السوق كمؤشر متحكمين فيه محافظ معينة اسمها الوطنية وهي شغلها بس بيع
وألحين مقربين نخلص الربع الأول وشوفة عيونكم السوق نزل فوق الإرتفاع الصوري 1.4% نزل لحدود
-5.29 % للحين يعني المسافة اللي قطعها نزول حول 6.7% وهذا في أقل من 3 شهور
بوعبدالله توقعي والعلم عند الله الأشهر الجايه بيكون فيها خير باذن الله
الذهاب إلى 11 مسالة وقت توقع بدون تحليل والله اعلم
أتنمى انشوف هالرقم قريب
بعد اعلانات الربع الاول بيبان شنو بيكون وضع السوق اما الذهاب إلى اعلى او نستمر سنه زياده على هالوضع
كلام بس ما احلل
هل انعقدت جمعية التكافلي وتم اعتماد التوزيع؟
اذا تم استلام ودام مبلغ التعويض الذي أعلن من قبل وتم تغطية الخسائر باقي المبلغ بيكون عائد جيد لان أسهم ودام قليل
في هالحالة عيل ذيلا يقلبون في ملفات قديمة معلقة أو منتهية ما لها أساس وبإذن الله ما فيه أي شوشرة علينا .. انا ودي بالخير لبلادي ولكل الدول الإسلامية بس العالم مليان شر وحتى بعض اللي نساعدهم شريرين ويضرونا المفروض أي تعاون يكون بمقابل واضح وبندية .. انا بافتح مشروع في بلادك ابغي ضمانات وأي عمل خيري المفروض يمر بضوابط ويتم توجيهه للناس المستحقين في قطر قبل الخارج
في قطر كثير متعففين ووايد منهم مسلمين في حالهم من دول كثيرة وأعمالهم بسيطة استغرب مجموعة كبيرة سياراتهم منتهية الصلاحية لا ليتات تشتغل ولا تسجيل ولا حتى تأمين .. غير الكم الهائل اللي جاي ببطاقات زيارة ويلف على العالم يدور شغل أو مساعدة .. أمس طالع من البيت وجنب بيتي مدرسة وسيارة المدرسة باص صغير ميني فان واقف فوق الرصيف هذا ما نتوقع فيه شنطة فلوس والا ذهب .. نازل واحد يتفحصه ويتطلل فيه وواقف جنبه تكسي اللي بيج ومكتوب عليه أُجرة .. بغيت أبلغ الشرطة بس قلت بيسوون لي قصة وتحركوا أول ما شافوني بس يبينون عصابات منظمة وشكلهم مريب .. القصد يجمعون فلوس التبرعات والزكاة ويعطونها كل واحد داخل البلاد سياحة مصروف جيب ويقولون له لو خلصت فلوسك تعال بنعطيك
تداول أمس كان شراء الأفراد القطريين 4.7 مليون تقريباً .. وشراء الافراد الخليجيين فوق 0.4 مليون .. وشراء الأفراد الأجانب 2.9 مليون والمحافظ الأجنبية هي الأعلى 14 مليون
اللي باعوا معروفين أولهم محافظنا الفتية 12.3 مليون .. والمحافظ الخليجية قريب ال 6 مليون .. والافراد العرب 3.8 مليون .. والتداول الفعلي حول 22 مليون فقط في سوق تداوله الكلي 495.583 مليون يعني مثل اللاعب اللي يركض في مكانه 22 خطوة جدام من 495 خطوة غالبها في مكانه