شرايك بهذا المهر !

[ROSE]

وش تبي بالأسهم؟

بدال ال 100,000 او 150,000 تاخذ مني 500,000 وتسوي الي تبية ، تشتري اسهم ، اثياب ، شماطيط ، صبغ حق وجهها ، تحرقهم ، ابراحتها و عليها بالعافية ..

على فكرة انا متزوج و الحمد لله و عندي اعيال و اموري تمام و عرسي كان على اعلى مستوى .. بس الحمد لله اني مقتدر .. بس وش اسوي الي على قد حالة؟ .. من اولها تقول له مهري اسهم؟ .. لا الاه الا الله .. هذا لا يرضي لا الله ولا رسوله ..

خليها على الله اختي ، اعرف شباب زي الورد و في وضايف محترمة و اخلاق عالية و يبكون بدل الدموع دم من ورى غلاء المهور و خرابيط الزواج الي مالها حد .. شباب حطوا على راسهم ديون و تزوجوا و من كثر لديون واحد اعرفه جاته حالت اكتئاب و "عجز جنسي" ، هذا الي تبونة؟ خليها على الله ..

قال ايش ، وحده جايها عريس ، تقول له ابي مهري اسهم !!

بس و بلاش كلام فاضي ..

:

اخوي اسلوب التفاهم والنقاش يكون افضل من هالالفاظ


ثاني شي



هو ماذكر كم سهم مجرد لو طلب 10.000 مهرها بدل الفلوس جيب اشتر لها اسهم هل هالشي بيضايقك


ولا تبي تتزوج ببلاش يعني



واذا كان الشخص على قد حالته ماعتقد انه راح يتقدم حق وحده اعلى من مستواه ،، واذا صار وتقدم



وابوها رضى بيكون راضي عن قناعه تامه ان هالشخص ماعنده علشان يشتري حق بنته اسهم
فمااعتقد انه راح يطلب منه هالشي



والمناقشة باسلوب الاقناع افضل بكثير من الغضب والعصبية

[البرنس]

هو ماذكر كم سهم مجرد لو طلب 10.000 مهرها بدل الفلوس جيب اشتر لها اسهم هل هالشي بيضايقك

شوفي يالغالية ..

اولاً: ركزي على مشاركتي عدل الله يهديك و يهدينى ..

وش تبي بالأسهم؟بدال ال 100,000 او 150,000 تاخذ مني 500,000 وتسوي الي تبية ، تشتري اسهم ، اثياب ، شماطيط ، صبغ حق وجهها ، تحرقهم ، ابراحتها و عليها بالعافية ..

ثانياً: ليش ما تشرط و تقول ابي 10,000,000 ريال .. والله اذا عندي ما اقول لا .. و اذا قالت لي ابي 10 اسهم في ناقلات بقول لا ..

السبب بسيط جداً ، اذا عقلها وصل لدرجة انها تطلب اسهم و الأسهم شيئ مش من اساسيات الزواج و لا له دخل في اساسيات الزواج ابداً ..

انا اشوف ان من حق العروس تشرط و اتقو ابي بيت 20,000 متر مربع في مشروع لؤلؤة الخليج و ابي عرسي يكون في جزر الخرافات على كوكب زحل و ابي فستاني يصممه فرساجي و هو في القبر و سيارة رولزرويز عليها رنجات عراوي الخ الخ من اساسيات الزواج .. لا مانع ابداً .. تاخذ من مهرها و تشتري الي تبيه و خلااااااااااااااااااااص .. اما اسهم اشوف ان مش من حقها تطلب ..

ولا تبي تتزوج ببلاش يعني

طبعاً لا و الف لا و لو ركزتي يالغالية على المشاركة كان عرفتي ..

وش تبي بالأسهم؟

بدال ال 100,000 او 150,000 تاخذ مني 500,000 وتسوي الي تبية

هذا اكبر اثبات على كلامي ..

على فكرة انا متزوج و الحمد لله و عندي اعيال و اموري تمام و عرسي كان على اعلى مستوى .. بس الحمد لله اني مقتدر .. بس وش اسوي الي على قد حالة؟

عرفتي انا محروق قلبي على من؟


على العموم ، راح تعرفين معنى كلامي اذا لا قدر الله صار الموقف هذا لأحد من اخوانك ..

[المخلب]

هدو اعصابكم

ترى السؤال هو شرايك في هذا الكلام ؟ !

مو يعني هواش بين الاعضاء

وبصراحه لو طلبت مهرها اسهم بقدم لها اسهم السلام لانها هل يوميين خسرانه !

[عزيز]

السلام عليكم

أخوي المخلب وأختي روز, محد تمصخر بالتمر!!أستغفر الله مجرد ذكركم لكلمه مصخره علي نعمه الله يخليني أستغرب أكثر من ردكم؟؟

كفايه أنه أكل ونعمه من رب العالمين سواء كان يقدم للزواج ولا لا(علي كلام أختي روز )

وبصراحه معلومه جديده علي أنه التمر كان يقدم كمهر للزواج ومشكوره أختي روز علي المعلومه المفيده

بس أنتي قلتيها بطريقه خليتيني أضحك

بس لاأكثر يالغاليه

ولاتأخذين بخاطرج نمزح معاج أنا وأخوي البرنس

وبصراحه أنا فعلا ماستبعد أنه خلال السنوات القادمه راح يطلبون مهور كأسهم ؟؟ ويمكن حاليا صارت بس مانتشرت؟؟

والله أعلم

بس بصراحه مثل ماقلت سابقا أطقع حق أبوها وأطلع من بيتهم ورافع راسي بعد

مب معقوله توصل للأسهم ؟؟ بتقولي مبلغ نقدي أوكي بس أسهم ؟؟ شدعوه هو يايب بنت علشان يبيعها؟؟ بنظري الخاص أشوف هالطريقه محرمه (والله أعلم)!!

علي العموم سوري علي الأطاله

وكل واحد يصلح موتره ويمشي

ووسعوووووووو خاطركم

ياهلا فيكم جميعا ى

[ROSE]

اخوي العزيز عزيز والبرنس والمخلب


انا ان ناقشت فهذي مب معناتها اني معصبة او ماخذه على خاطري




والنقاش لا يفسد للود قضية




تحياتي لكم جميعا

[مهل]

عروس تطلب مهرها اسهم

ما اضن فيه بنت راح تسويها لانها بأختصار راح تكون خارجه عن العرف المتعارف عليه
ولو كنت شاب وصادفنى هالموقف راح احط عليها اكس على طول

[قطر]

والله مهر عجيب

ماراح ارفضه دام ماحددت كم سهم ...
بس اول شي بشترط عليها ان القاعه وتجهيزات العرس عليها

وعقب

بعطيها 5 اسهم من كل شركة وخلاص

ولا اخسر اللي بخسره في القاعات اللي هالايام ماتجيك الا ب 80 وطالع
وتأمين عليها 50 الف ورايح ..

وطاولات مدري كم سعرهم بس سمعت ان الطاولة الوحده اتكلف 1800 عاد انتوا احسبول لو الف شخص يعني 100 طاولة × 1800 = 180000

والله مايسوى ارفض هالشرط الصغير وادفع كل هالمبالغ باخذها على قد عقلها ان كانت تستاهل ..

وخل فلوسي عندي ....

ويقولك في كل قانون فيه ثغرات ... وشرطها فيه ثغره وهو عدد الاسهم


سلام عليكم

[ROSE]

والله مهر عجيب

ماراح ارفضه دام ماحددت كم سهم ...
بس اول شي بشترط عليها ان القاعه وتجهيزات العرس عليها

وعقب

بعطيها 5 اسهم من كل شركة وخلاص

ولا اخسر اللي بخسره في القاعات اللي هالايام ماتجيك الا ب 80 وطالع
وتأمين عليها 50 الف ورايح ..

وطاولات مدري كم سعرهم بس سمعت ان الطاولة الوحده اتكلف 1800 عاد انتوا احسبول لو الف شخص يعني 100 طاولة × 1800 = 180000

والله مايسوى ارفض هالشرط الصغير وادفع كل هالمبالغ باخذها على قد عقلها ان كانت تستاهل ..

وخل فلوسي عندي ....

ويقولك في كل قانون فيه ثغرات ... وشرطها فيه ثغره وهو عدد الاسهم


سلام عليكم

تصدق احس انك انت الوحيد اللي وصلت لك الفكره












واخيرا لي مداخلة اقولها ،،



انا مب مع هالشرط بس لو تفكرون فيه نفس مافكر فيه اخوي قطر كان فهمتوا شنو معناتها

[مالك امـــــــــل]

اقول ........................ مالكم امــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــل

وانا مالي امل اتزوج خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخ

[عزيز]

ألي الله كاتبه بيصير ولكل حادث حديث