لاند مارك 2

[x5x5]

سمعنا في مشروع مركز تسوق لاند مارك 2 في منطقه جنوب دحيل
هلا هذا الكلام صحيح افيدونا
ولو الكلام صحيح متى بيبدون في المشروع

[سوبر سهم]

اللي اعرفه ان المجمع جنب حياة بلازا واوشك على الانتهاء

ويسمونه لاند مارك 2 نسبة لمالك الاند مارك الاساسي
بس اللي سمعته ان اصلا مالك الاند مارك تشاركوا معاه مستثمرين
غير قطريين


واللي سمعته بعد انه بيكون مجمع متخصص واغلب محلاته تأجروا قبل لايكتمل البناء
من شركات المانع

ومايعطون محلات حق اي حد لازم ايعرفون ايش بتفتح

يعني صادو اللي بيلعبون ببيع المحلات وسالفة الخلو


وبس

سلالالالام

[Qatary]

المجمع اسمه Vilaggio

بين استاد خليفه وحياة بلازا

وسموه اللاند مارك 2 لانه نفس الشكل تقريبا من برى

بس اللي سمعته بيكون تصميمه خيالي

وأرقى من مستوى محمع ماركاتو في دبي

[قـطـريـه]

المستقبل مجمع لكل مواطن

من كثرنا
كل يوم مسوين لنا مجمع

الله يبارك لهم,,,,,,,,,,,

[qatar_moon]

صحيح المجمع جنب حياة بلازا

بس الي تقول عنه ولا مره سمعت فيه

[بنت قطر]

صح قتري انا قريت ذا الأسم عليه

بس صراحه انا اعتبر مجمع حياة بلاز فاشل

علشان يفتحون مجمع جنبه؟
خله هو ينجح بالأول

==========
شكلهم كذا اختي بالمستقبل كل مواطن مجمع يتسوق فيه بروحه وعلى راحته وبلا ازعاج

======

و لا يقولون لكم ان كارفور اللي بيفتح فيه اكبر من كارفور اللي في الستي سنتر
سمعت اللي يشتغلون في كارفور يقولون
امي اتقول من كثر الناس اللي يجون المخازن الكبرى الحين
اتقول بعد ما يفتحون كارفور هناك بيطيح كرت المخازن الكبرى موليه

=========

واخابر ان الاند مارك حق اعيال الربان مع بعض الشيوخ

==========

[سوبر سهم]

حق وحده من ال ثاني زوجها من الربان

[بنت قطر]

والله مب متاكده

بس المتاكده انه اصحابه فيهم عايلة الربان وآل ثاني ذا الأكيد

[الغشمري]

السلام عليكم يا جماعة المجمع الي بالقرب من ستاذ خليفة وحياة بلازا
راح يكون كارفو في لوحة كبيرررررررررررررررررررررة معلقة

كاتبين عليها قريبا كااااااارفوا

[eXpert*]

بس صراحه انا اعتبر مجمع حياة بلاز فاشل
علشان يفتحون مجمع جنبه؟
خله هو ينجح بالأول

و لا يقولون لكم ان كارفور اللي بيفتح فيه اكبر من كارفور اللي في الستي سنتر
سمعت اللي يشتغلون في كارفور يقولون
امي اتقول من كثر الناس اللي يجون المخازن الكبرى الحين
اتقول بعد ما يفتحون كارفور هناك بيطيح كرت المخازن الكبرى موليه

هم متعمدين يفتحون جنب الحياة بلازا :

1) علشان يصكرون المجال امام الحياه بلازا .
2) يصكون على المخازن الكبرى (( لانه لاند مارك 2 بيحتوي على كارفوور بدل من ميجا مارت )) .
3) استراتيجيه الموقع هناك (( لاتنسون هناك العديد من الاجانب يسكنون في المجمعات السكنيه مثل البيفرلي هيلز الخ ،،،، ومع قرب اسياد ال 2006 بتزيد المجمعات السكنيه اهناك وبيزيد عدد السياح اللي بيقطنون تلك المنطقه .


وعلى فكرة كان المقرر بناء اللاند مارك 2 جنب اللاند مارك القديم بس كان اهناك فيلا تعرقل المخطط وعرضوا على صاحب الفيلا مبلغ 4 ملايين ريال قطري علشان يتنازل عن الارض والفيلا بس صاحبنا طلع عنيد . وتفركش الموضوع (( هالكلام واصلنيّ من مده على لسان احد مسؤوليّ قسم العلاقات العامه في اللاند مارك )).


ودمتم