أرض فى أم صلال علي 60x100m =6000m2 وعلى شارعين.
الأرض لورثة 3 أطفال قصر (ولد و بنتين) ووالدتهم والأرض مسجلة بأسم عمهم.
أفكر فى الأتى:
1)تجزئة الأرض الى 10 قطع (20x 30) علشان كلما أحتاجو فلوس نبيع بالقطعة.
2)أبيع نصف الأرض وأستثمر المبلغ فى منزل ويستفيدون من أجاره.
3)أترك الأرض فى حالها مادام سعرها يزيد.
أريد منكم نصيحة أو تعقيب على الأفكار المطروحة وشكرا.
قسمها وبيع جزء
وشتر بيت وبالاجار ايعيشون
او تبني بيت على قطعه من القطع نفسها وتئجره
بدال لاتشتري بيت جاهز يكون غالي عليك
والارض موجوده
وانت كيفك شوف الاصلح ... لاني ماعرف الاراضي كم اتجيب لك
التعديل الأخير تم بواسطة حمد ; 07-06-2005 الساعة 12:18 AM
الأرض على يمين شارع الشمال ..لا يوجد منازل قريبة منها..فقط عزب.المشاركة الأصلية كتبت بواسطة حمد
سعر الأرض 20-30
يقولون قيمة الأرض كقطعة واحدة أعلى من قيمتها بعد التقطيع ب 5 ريال.
والله اخوي اذا هم ما يحتاجون للماده يعني للكاش
اقترح عليك تبيعون الارض وتشترون لكل ولد وبنت منهم على حسب حصته الشرعيه
اسهم في المصرف الاسلامي او الدولي الاسلامي
لانهم ذخر وضمان لكم . . ولما يكبرون هالعيال ان شاءالله بيلقون مبالغ محترمه لهم
وممكن لو حبيت تشتري ناقلات من الآن كضمان لهم ثابت لأن سعرها ارخص ويجيب اسهم اكثر
والله يوفقك ويعينك على حسن إدارة اموالهم
أخوى أنتعاش
هم لا يحتاجون الأن للكاش الا للكماليات وأتوقع يحتاجونها لدخول الجامعة بعد 3 سنوات.
فكرتك ممتازة بس المشكلة فيني لأنى أعتبر أن
"الأسهم مغامرة .... بس مو مستعد أخسر فلوس غيري فيها."
أحسنت على طرحك ولازلت أنتظر مشاركة القراء.
مرحبتين اخوي
كيف الحال؟
اذا لهم نية يبيعون الارض انا ممكن اشتريها منهم كاش
بس اخوي ممكن تقول لي وين موقعها بالظبط؟؟
مرحبا البرنس
نية البيع مب موجودة الأن على الأقل حتى نحدد كيفية أستثمار المبلغ للأطفال القصر.
هلا اخوي الله يرزقك لانك تفكر بيتاما أخوي انا من رايي أنك تجزئ بدل 10 قطع 5 قطع قطعتين تبيعهم وتشتري بويت حتى لو صغير بس يكون وراه مدخول و قطعه تبيعها وتشتري أسهم لأن الاسهم مافيها خساره أذ بتخليها للمدى البعيد بالعكس تتكاثر لهم وقطعتين خلهم لاتسوي فيهم شي لان الاراضي بتغلى بعدين
والله يعينك أخوي
أخوي بعيد الدار..تحياتى
فكرتك جيدة تقليل المخاطر عن طريق تنويع الأستثمار.
أنتظر مزيد من الأفكار من بقية الزوار.
هلا فيك اخوي الحبيب
احترم رايك وحرصك الشديد على المحافظه على اموالهم
ولكن حبيت اقول لك لو انا مكانك
سأقوم بإستئذانهم لبيع الارض بالسعر المناسب
وسأقوم بعدها بتوزيعها على اسهم شركتين الآن
( المصرف الاسلامي ، الاسلاميه للتأمين )
بقصد الاستثمار وليس بقصد المضاربه الي تخوف او ما تريح الواحد وتخليه قلق دائما ً
والسبب اللي خليتك تختار هالشركتين هو :
1- اسلاميه ، ففلوسهم في مكان آمن من الناحيه الشرعيه
2- الاسعار : فالآن يعتبر وقت جيد جدا للشراء والابقاء عليهم قبل الارتفاعات المتوقعه
3- القطاع المختار: وهو معروف : بنوك وتأمين . . لأن البنوك والتأمين تعني وبكل بساطه
شديده : فلوس x فلوس . . والسهم اللي تشوفه بـ 300 الآن . .
بتشوفه بعد 3 سنوات ان شاءالله متجاوز الـ 1000 ريال
بإذن الله وحده . .
وهذا كان مجرد راي والله لا اكثر
وللعلم انني أمر في نفس حالتك وهي ادارة اموال القصر
وقد وضعت استرتيجيه لهم في توزيع نقودهم ما بين :
مصرف قطر الاسلامي
الدولي الاسلامي
الاسلاميه للتأمين
صناعات قطر
ناقلات
الاسمنت
المتحده
وان شاءالله سأقوم بالبدء في تنفيذ الاستراتيجيه من الاسبوع القادم
وأسأل الله التوفيق لي ولك ولجميع من يهمه الآخرون ويسعى إلى مافيه
خير وبركه لهم . .
اللهم آمين
وشكرا لك
ضوابط المشاركة
رد مع اقتباس