ارتفاع سهم السلام الى 30 ريال فما فوق

[السفير]

يعتبر سهم السلام من اقوى الاسهم في سوق الدوحه للأوراق الماله من حيث العائد المالي يحث يقوم بتوزيه 10 بالميه ارباح نقديه اي مايعادل ريال لكل سهم ،وبما ان القيمه الدفتريه للسهم تعتبر عاليه فلذلك يشجع على الاستثمار فيه دون خوف،ولقد ظل هذا السهم لسنوات سابقه يتأرجح عند سعر 9 ريال وعشر ريال ولم يكن يعرف المستثمرون قييمته الفعليه ، اما اليوم فنلاحظ ازديا الطلب على هذا السهم الذهبي حيث وصل سعرة لغايه الامس الى 28 ريال ،وانا اتوقع ان يكسر هذا السهم حاجز العشرينات ليبدأ بوضع خط امامي جديد عند الثلاثينات ،واذا قمنا بأخذ مقارنه سريعه بين السلام والصناعات من ناحيه المضاربه فهو افضل من الصناعات بكثير لان ارباحه متناسبه مع قيمته السوقيه اما الصناعات فقد بالغ الكثيرون فيه فحصل عليه عمليات المضاربه الامر الذي جعله يرتفع الى سعر لايتناسب مع قيمته الفعليه وتوزيع ارباحه 3 ريال ونصف،واتوقع نزول هذا السهم الى سعر 110 الى 120 ريال هذة الفترة

السفير

[خليفة]

الاخ الفسير اما كلامك عن السلام اعتقد انه صحيح اما الصناعات من الصعب جداً النزول الى الحد الذي ذكرته

[boabdullah]

السفير ,,,,,,,,,, كلامك صحيح السلام راح يعدي سعر 30 وأكثر والسبب واضح هو 10% ارباح نقدية وهناك توجه لزيادة رأس المال عن طريق أكتتاب بنفس النسبة التي يملكها المساهم وفي أعتقادي الخاص وهوأن سعر السلام في الفترة الحالية سعر قليل وجيد وذلك عند دخول الأجانب والله أعلــــــــم ,,,,,,,,,,,,,,,مع تحياتي للجميع

[حمد]

اصلا الاجانب داشين في السلام من زمان .....

الا اذا ارتفاع الاسهم الاخرى راح يسحب معاها سلام .... الله اعلم

حمد

[الجوري]

مرحباااااااااااااا

يعني اشتري ؟

[sulai6i]

الجوري

الحين سعره 29.60

تلاحقي قبل ما يشقح الثلاثين

وانتظري اجتماع الجمعية العمومية .. بإذن الله في اكتتاب للي عندهم اسهم السلام

والسلااااام

[الجوري]

تدري ياواحد في حاله


تدري اني خايفه ---وشرايك بكم اشتري ؟


تراني مبتدئه ياطويل العمر


وابي اتعلم 00بس خايفه مررررررررررررره


وجزاك الله خير

[sulai6i]

الجوري


البورصة يبيلها قلب قوي

وحطي في بالج انج ممكن تربحين وممكن تخسرين

يعني لازم تهيئين نفسج للأمرين


وبخصوص التعليم .. ما شاء الله المنتدى متروس مواضيع تعليمية للمبتدئين

من الحين لين يوم الأحد اخذي لج فره على هالمواضيع

وكوني لج فكرة

وتوكلي على الله

دشي باللي تقدرين عليه .. بس لا تحطين اكثر من نص راس المال اللي عندج


وبالتوفيق يارب

[الجوري]

الله يجزاك خير

وعلى الله التوفيق

صار لي ثلاث ايام وانا بذا المنتدي والله استفدت تقريبا النص والباقي الخوف

[almazam]

الاسلام عليكم

نصيحتي الابتعاد عن سركة السلام
انا كنت فيها من يوم الااكتتاب من اربع سنوات طرشولي ربح 170 ريال عن 2000 سهم
اصلا الشركه يديرونها خير قطريين ومشاريعهم خارج الدوحه
وال170 ريال طرشولي شيك بنك الاهلي فرع الصناعية رحت وصرفت الشيك طحت في حفرة اخترب التاير
شريت واحد جديد ب180 يعني خسرت 10 ريال


لحد يتطنز لو سمحتوا
تحياتي لكم