أخطاء صارت في حفل الاختتام .. تعالوا نفصلها ..

[المخلب]

السلام عليكم

هنا بوضح لكم بعض الاخطاء الي صارت في حفل الاختتام .. طبعا الاخطاء الي لاحظتها انا بس ! .. (( والي عنده زياده يزيد ! )) ..

1- بدايه الافتتاح كان السلام الاميري ماجاء مضبوط مع اللحن !! (( واستغربت من هذا الشئ )) ..

2- المصور ماكان ذكي مصور لي فلبينيه - مادري وش اصلها -من البنات الي يمثلون البنت القطريه ! على الاقل حطيت الكميرا على بنت ملامحها قطريه !!

3- نجي للجبال الرمليه ( الي على شكل جبال ) المصور ماطلع محترف نفس الي في الافتتاح !! كان واضح وضوح الشمس الناس الي كانوا يرتبون الجبل ! المفروض مايطلعهم على الهواء !! علشان تكتمل الصوره ومايخترب المشهد ! ..

4- نجي للولد !! .. ماعجبني ابد ! عكس القديم !! .. وهذا الي مسكته عليه :

أ- ماعرف كيف يركب حلجه على الصوت ! ..

ب ـ ماعرف كيف يولع الشعله لاحد الخياله ( الي يمثلون العرب ) ..

ج ـ كان متردد في مشيته وكان اول مره يأدي هل الدور ! ..

د - ماعرف كيف يفك الحبل الي انربط من ورى ظهره لما نزل من البساط السحري ! والمصور كملها وصور الثوب وهو مشقوق من ورى ! ..

ه - يوم يفتح الكتاب المفروض يفر الصفحات بشكل صحيح !! مادري ما ركب يده صح مع المشهد ! ..

و - ابتسامته ما عجبتني .. وطاقيته تفشل !

ز - قام يرقص يوم لبس ثياب الوالي رقص غبي ! كانه مهرج !! ..

5- المفروض دام الليله عربيه !! يكون الكلام بالعربي ! او على الاقل العربي يسبق الانقليزي !! .. اشوف انا العكس ! ..

6- أعجبني القزم الي يجر الحمار - الله يعزكم - وزوجته ( صايره قمر ! وهذا يمكن احسن شئ جابوه ) .. اما الباقي دورهم مب مفهوم !! ماعرفت من علاء الدين من علي بابا من السندباد ! ؟

7- يوم يراقعون السيوف ويتهاوشون !! السيف يطلع جراغي من نفسه قبل !! مع ان المفروض يكون راكب مع العرض !!

8- الحراميه !! ... المفروض الحراميه يكونون أشكالهم عرب ! .. أو على الاقل يعني مستعربين ! مو صيني ! بس الصيني عجبني خاصه برقبته !! صاير فله !

9- يوم جابوا الجني ( بسم الله ) عيونه فيها نجمه اسرائيل !! يمكن غلطان ! بس كأني لاحظتها !! ...

10 - يوم دشوا الصينين ! .. في واحد منهم الانوار الي في لبسه ! كانت خربانه ! تنور وتطفي !! ..

(( صحيح في شئ نسيته ! وهو التعليق !! على قناه الكاس كان التعليق للاسف سئ جدا ! يسبب النعاس !! وحتى التعليق على قناه الجزيره !! للاسف المذيع ماعرف كيف يضبط نفسه ! .. يوسف سيف عقب الانتقادات الي جاته في الافتتاح قلل من الكلام !! (( بسبب ان كان كثير الكلام ! وخرب على المشاهد سماع الاصوات ! .. )) ولكن للاسف في حفل الاختتام اشوف الثاني مسك بداله !! عور راسنا بالتعليقه ! المفروض وقت السكوت في الملعب يكون في تعليق ! اما ان كان هناك مشاهد فيها كلام مافي داعي يعلق !! مع أحترامي للجميع ))


هذا أغلب الي لاحظته ! .. بس الحفل حلو .. مهما قلنا عنه !! بيبقى شئ تحفى ومجهود جبار ! ..

[حمد1977]

زين اني ماشفت الختام

وتسلم على الاخطاء

[التيما]

زين اني ماشفت الختام

وتسلم على الاخطاء

ودي يوم اقرا شي يعجبك

[Abu Deeb]

اعتقد لان التدريب كان قليل على حفل الختام ولذلك كان فية اخطاء وايد
ويعطيك العافية على التعليق على الاخطاء وعدها

[أبوتركي]

النجمـــة

[المخلب]

بو تركي يعني ماكنت احلم !!!!!!!!!!!!!!!!!!!!

[أبوتركي]

بو تركي يعني ماكنت احلم !!!!!!!!!!!!!!!!!!!!

لا .... بالعكس كنت منتبه وايد ولاحظت اللي الكثير ما لاحظه

[وطن]

أعجبني القزم الي يجر الحمار - الله يعزكم - وزوجته ( صايره قمر ! وهذا يمكن احسن شئ جابوه ) .. اما الباقي دورهم مب مفهوم !! ماعرفت من علاء الدين من علي بابا من السندباد ! ؟

هاهاهاها
عجبني هالتعليق
القزم = علي بابا

واللي لابس مخطط المفروض انه سندباد

علاء الدين نسيته اي واحد



والولد وهو مربوط في البساط السحري شفته اليوم ركزت عليه
صج وايد واضح
شدعوه
صج المصور هالمرة مو اوكى

[شاهيناز]

المخلب سمعت مابيعزمونك على افتتاح وختام الالومبياد

ماخليت شي
اليهال مسكين مالومه من الي شافه يطيروه على السجاده
ونزلوه بعدين على النجمه
انهد حيله المسكين
النجمه يوم شفتها قلت نجمه دواد محد يصدقني

الحمدلله نظري 100 ميه

[Muslim Investor]

همممم .. على تحفظاتي على حفل الختام .. لكن ما اظن ان العين مقصود فيها نجمة إسرائيل

أظن الرمز اللي في العين هو: الشمس الآسيوية..

تحيتي