بشتري موتر و محتار بكم أسومه؟؟؟.. للمساعده الله لا يهينكم

[Index Signal]

Audi A8

2006

وارد الدوحه

ماشي حوالي 40 الف

طلبيه خاصه من حيث اللون الخارجي و من الداخل شموا وبعض المواصفات الاخرى

ضمان 5 سنوات مفتوح

الموتر نظيف و عيبه الوحيد ان صاحبه راعي خط و مسافر عليه اكثر من مره

بكم تسومونه لو كنتو مكاني؟ رايكم يهمني جدا

بإنتظار ردودكم الكريمه

[إنتعاش]

اخوي ياريت تجاوبنا على هالاسئله اول عشان تسهل عى الاعضاء الاجابه :


1- لون الموتر الخارجي والداخلي

2- هل الموتر 8 سلندر او 6 سلندر ؟

3- الموتر وارد بوزوير للسيارات او الدرويش سابقا ً ؟

4- حالة الموتر الخارجيه كـ لمعان الليتات و الصبغ من الخطوط والسفر

===========

كل هالامور تلعب دور في التثمين

[Index Signal]

اخوي ياريت تجاوبنا على هالاسئله اول عشان تسهل عى الاعضاء الاجابه :


1- لون الموتر الخارجي والداخلي

2- هل الموتر 8 سلندر او 6 سلندر ؟

3- الموتر وارد بوزوير للسيارات او الدرويش سابقا ً ؟

4- حالة الموتر الخارجيه كـ لمعان الليتات و الصبغ من الخطوط والسفر

===========

كل هالامور تلعب دور في التثمين

اخوي انتعاش شاكر لك تفاعلك السريع معاي

بالنسبه للون الخارجي هو وحيد بالدوحه و ارجو انك تعفيني عن ذكره لأسباب عديده

8 سلندر

وارد الدرويش

حالة الموتر ممتازه من النواحي اللي ذكرتها حضرتك

و أتمنى تعطيني تثمينك الكريم الله لا يهينك

[إنتعاش]

اخوي الكريم ما ودي اني اظلم السياره او يعني اعطيك سعر عالي فيها

لكن انا في عام 2005 شريت نفسها اودي من الوكاله بـ 325 الف ريال قطري

مشت وياي يمكن 5000 كم فقط . . بعتها يالغالي بأقل من 220 الف ريال قطري للأسف

الاودي عيبها النزله القويه في السعر من الوكالة للسوق . .

لكن عقب اتمنى تمسك سعر للي يحبون يغيرون كل فتره . .

عموما ً اتوقع السياره بيكون لها حضور غير ورغبه في السوق لو الوكيل الجديد بوزوير للسيارات قدم خدمات تكون حسب رغبات الناس وتتحسن سمعة الكراج التعبان الاولي الدرويش


لذلك . . تقييمي يالغالي

وفقا ً للمعايير هاذي :

1- ماشي كثير جدا 40 الف كم
2- وارد الدرويش يعني احتمال اتوهق فيها ما تدخل صيانة الوكيل الجديد
3- اودي ما عليها قوة شراء في السوق حاليا ً


= 200 إلى 250 الف ريال


وعلى فكره . . سمعت انه في الوكالة الجديده عندهم سيارات المؤتمر ماشيه فقط 200كم

شيك وياهم شوف يمكن تحصل شي يعجبك


و موفق يالغالي


همسه : في خاطري اودي مره ثانيه شوف سعره وراسلني عقب

[Index Signal]

اخوي الكريم ما ودي اني اظلم السياره او يعني اعطيك سعر عالي فيها

لكن انا في عام 2005 شريت نفسها اودي من الوكاله بـ 325 الف ريال قطري

مشت وياي يمكن 5000 كم فقط . . بعتها يالغالي بأقل من 220 الف ريال قطري للأسف

الاودي عيبها النزله القويه في السعر من الوكالة للسوق . .

لكن عقب اتمنى تمسك سعر للي يحبون يغيرون كل فتره . .

عموما ً اتوقع السياره بيكون لها حضور غير ورغبه في السوق لو الوكيل الجديد بوزوير للسيارات قدم خدمات تكون حسب رغبات الناس وتتحسن سمعة الكراج التعبان الاولي الدرويش


لذلك . . تقييمي يالغالي

وفقا ً للمعايير هاذي :

1- ماشي كثير جدا 40 الف كم
2- وارد الدرويش يعني احتمال اتوهق فيها ما تدخل صيانة الوكيل الجديد
3- اودي ما عليها قوة شراء في السوق حاليا ً


= 200 إلى 250 الف ريال


وعلى فكره . . سمعت انه في الوكالة الجديده عندهم سيارات المؤتمر ماشيه فقط 200كم

شيك وياهم شوف يمكن تحصل شي يعجبك


و موفق يالغالي


همسه : في خاطري اودي مره ثانيه شوف سعره وراسلني عقب

اخوي انتعاش شكرا مره ثانيه على الرد السريع و الوافي

اولا الله يعوّض عليك في البيعه اللي ذكرتها

بصراحه نزله قويه مقارنه بالممشى 5000 بس

لكن صدّقني الاودي سياره مظلومه بالخليج والسبب عدم صرامة المصنع مع الوكلاء

لكن الحمدلله اخيرا انتبهوا للسبب و تم تغيير اغلب الوكلاء بالخليج و من ضمنهم قطر

و بإذن الله هالشي يكون بدايه جديده تستاهلها هالسياره

انا عن نفسي من سنة 98 الى الحين ما غيّرت عن الاودي

اغيّر من موديل الى ثاني لكن اتم على الاودي

جرّبت اسوق غير الاودي لكن ارجع احن لها و لسياقتها

ياخي يكفي فزّتها عالدوّار تطمر ما شاء الله عليها

طبعا اتكلم عن ال8 سلندر كواترو (S)

و سيارتي الحاليه بعد اودي لكن هالموتر دخل خاطري وإذا هو خير لي الله يجعله من نصيبي

بالنسبه لسيارات المؤتمر عندي فكره عنهم يالغالي لكن مافيهم مواصفات مميزه وهالشي يهمني

و أخيرا وليس آخرا شاكر لك سومتك الطيبه و راح آخذ بالاعتبار السلبيات اللي ذكرتها بالموتر و بستفسر عنها إن شاء الله وبعطيك خبر عن اي شي يستجد بهالخصوص

صرخه: روح شوف الS8 الجديده عند بو زوير احتمال كبير ما تطلع منهم الا ماخذها

[alwahesh]

بالتوفيق

[Index Signal]

بالتوفيق

ويّاك اخوي الوحش ما قصّرت على مرورك الكريم

[إنتعاش]

صرخه: روح شوف الS8 الجديده عند بو زوير احتمال كبير ما تطلع منهم الا ماخذها

افا عليك


شفتها وسقتها بعد ودعست فيها

موتر روعه وياخذ العقل


بس همستي : يمدحون الـS8 بس مب من الوكالة
ننطرها في المعارض ماشيه 5000 والا 10.000 كم
يمدحون توفير 100 الف ريال او اكثر

^
^
^
^
^
^
^
^
^
^
^
^

ما ذكر اعلاه من اعراض خسائر البورصه القطريه

[أكتتاب]

والله الs8 احسن حجم بالاودي

شي عجيب وخاطري اخذ لي وحده

كم سعرها ؟ اتوقع انها غاليه فوق 300

الاودي a8 اشرايكم فيها ؟ غير عن الاس ات بس الماكينه ولا كل شي ؟

يالربع انا من المعجبين بالأودي .. وايد احبها من زمان وربي .. ياليت انكم تقنعووني زوود

وانا معاكم ان هالمواتر لا تقدر في الخليج وماادري ليش

[Index Signal]

بس همستي : يمدحون الـS8 بس مب من الوكالة
ننطرها في المعارض ماشيه 5000 والا 10.000 كم
يمدحون توفير 100 الف ريال او اكثر

^
^
^
^
^
^
^
^
^
^
^
^

ما ذكر اعلاه من اعراض خسائر البورصه القطريه

LOL

لا يلدغ المؤمن من جحر مرتين

واللي يتلسع من الشوربه ينفخ في الزبادي

هاذي كانت خطتي بالنسبه للS8 وانت صدتها

بغيتك تاخذها و بعدين ادوخك عالخاص كل يوم لين تزهق و تبيعها لي

إن شاء الله تتوفق في هالموتر وبالسعر اللي تبيه بعد

و تتعوّض كل خساراتك لأنك تستاهل كل خير يا اخوي انتعاش

يقول القايل ( سماتهم على وجوههم )

لكن انت سماتك باينه من اسلوبك الراقي في ردودك علينا.