حلقة الحوار العقاري(1) : المكاتب الاستشاريه

[إنتعاش]

,
,
,
,
,
,
,

هلا وغلا فيكم اخواني الكرام

والله حبيت افتح موضوع يكون لكم

وايضا تفيدونا فيه يا اهل البنيان والخبره

عن المكاتب الاستشاريه والمصممين

سواء تفيدنا عن مكاتب معينه جيده جدا



وتعطينا المميزات اللي شفتها من خلال تجربتك الشخصيه

رغبة منا في معرفة الخبرات وتبادلها بما بيننا

عشان نبي اللي يبي يبني او ما يعرف

يدخل قسم العقار عندنا ويتعلم منه من الألف للياء

واقترحت من خلال هالموضوع نبدأ بالخطوه الاولى

( المكاتب الاستشاريه )



اتمنى منكم اخواني الكرام ما تبخلون علينا بإضافاتكم القيمه

ومعلوماتكم الهامه والنافعه

ومن بعد ما نخلص من حلقة المكاتب الاستشاريه

ونحس اننا فرغنا الحلقه وجمعنا كل النقاط اللي نبي نعرفها

نروح إلى الحلقة الثانيه والثالثه وهكذا

وطبعا بعد اخذ رايكم فيها وبشنو نبدأ بعد المكاتب الاستشاريه

وشاكر لكم



ويالله يا اخوان

نبي الهمه

نبي نسد الفراغ الحاصل في الانترنت وعدم معرفة الكثيرون في اولى الخطوات

في البنيان وكيفية التعامل مع المكاتب الاستشاريه

والنصائح المتعدده والمتعلقه بهذا الجانب



معكم انتم

نبدأ هذه الحلقه الحواريه المفتوحه للجميع

ونشوف اول مشاركه للاخ اللي يبي المايك

[sulai6i]

السلام عليكم ..

هلا وغلا اخوي انتعاش

فكرة جميلة .. وبإذن الله بتخدم فئمة كبيرة من منتسبي المنتدى وغير المنتسبين اللي مقبلين على بناء بيت العمر

بالنسبة لي تعاملت كثير مع مكاتب الإستشاريين وبحاول احدد الخطوات المهمة للي بيروح لأول مرة لمكتب استشاري

1- حدد السعر اللي ناوي تبني فيه البيت :
كثير من الناس يسوون لهم بيت كبير وغرف كبيرة وتلاقية وقت البناء يوقف في نص المرحلة والسبب عدم توافر السيولة .. فيجب عليك انك تعرف سعر المتر المربع للبناء وبناء عليه تحدد مساحة البيت بحيث تكون على قد الفلوس اللي عندك عشان ما تتوهق ونت تبني

2- حدد عدد الغرف اللي محتاجها :
لا تسوي غرف كثرة ما تستعلمها حاول تقتصد قد ما تقدر ونت تبني لأن عقب البنيان بتحاتج سيولة للتأثيث

3- وزع الغرف على رغبتك انت :
توزيع الغرف والممرات والمجالس مهم جدا .. لا تخلي الإستشاري يوزع على كيفه .. حاول ترسم مخطط بسيط لبيتك وعطه الإستشاري وهو بيبني عليه الرسومات المعتمده

4- اذا كنت ترغب في ناحية جمالية :
اذا عندك سيولة وكنت ترغب في ان بيتك يكون حميل مر على متخصص ديكور قبل ما تروح للإستشاري لأن هو بعطيك نظرة ثاقبة لبيتك على مزاجك من ناحية توزيع الإضاءة والنوافذ وكل شي تحس انه مش مهم ( بس ترى هالشي مكلف كثير )

5- اذا بدأ الإستشاري في عمل الخرايط :
لا تخليه وتنساه ولا تحط في بالك انه خلاص بمر عليه اول ما يخلص كل شي .. لا مر عليه كل اسبوع مرة وشوف مراحل الخرايط شلون .. توزيع الكهربا / توزيع المكيفات / توزيع اجلّكم الله الحمامات ... كل هالنقاط الصغيرة لازم تفكر فيها وفي توزيعها

هذا اللي حضرني الحين وذكرته لكم .. واذا طرى على شي ثاني ان شاء الله بكتبه لكم

وخذ المايك ياللي بعدي

[الجرناس]

السلام عليكم
الأخ / إنتعاش

شكراً على طرح مثل هذا الموضوع وهو فعلا مهم ويحتاج الكثيرين لمثل هذه الإستشارات ، نظراً لما يتصف به المواطن القطري من طيبه زائده فطريه وثقه زائده للأسف اصبحت تستغل استغلال خاطىء من بعض الوافدين لتحقيق مكاسب على حساب المواطن الطيب .

الأخ / واحد في حاله

اتفق معك في كل ماطرحت ، خاصه النقطه الخامسه .
وأود ان أضيف أن البعض يبحث عن الإستشاري الرخيص وهنا يكمن الخطر وفيه مثل يقول ( من تراخص اللحمه خانت به المرقه ) يعني انه سوف يخسر فيما بعد لظهور عيوب كثيره في مخططات الإستشاري الرخيص ، والخطوره تأتي أيضاً حين يتولى البناء مقاول جاهل او نصاب فلن ينبه صاحب البناء الى الأخطاء والكلام في ذلك يطول .
كما انه يجب التنبه الى عدم تسليم الإشراف على البناء الى نفس الإستشاري الذي صمم المبنى لإنه لن يكشف عن الأخطاء التي سيكتشفها في الخوارط لأن ذلك يسيء له .

[بويوسف]

هلا وغلا .. يه يه يه شهالمواضيع الحلوة والردود الاحلى ..............

فعلا موضوع مهم جدااا وكبير جدااا وممكن نبتدي فيه ونقول علاقة المالك اللي هو الزبون بالمكتب الاستشاري

كيف هي العلاقة وكيف نعرف حقوقنا وواجباتنا في هذا الموضوع يعني اللي لك واللي عليك ...

موضوع كبير ولي رجعة ان شالله فيه

وبعدين ياخي انتعاش اثارتني نقطة وهي : ----------

,
,
,
,
,
,
,



نبي نسد الفراغ الحاصل في الانترنت وعدم معرفة الكثيرون في اولى الخطوات

في البنيان وكيفية التعامل مع المكاتب الاستشاريه

والنصائح المتعدده والمتعلقه بهذا الجانب



معكم انتم

نبدأ هذه الحلقه الحواريه المفتوحه للجميع

ونشوف اول مشاركه للاخ اللي يبي المايك[/SIZE]

وانت سبقتني لاني انه قاعد اشتغل على موقع يسد هالفراغ ويكون متخصص في التصميم الداخلي وتقنية البناء وكل الامور اللي يحتاجها الشخص اللي يبني بيته من معرفة بالعقود والامور الاساسية المتعلقة سواء مع المكتب الاستشاري (المصمم) الى المقاول الى المشرف على المشروع .. بطريقة بسيطة وسهلة يستطيع ان يستوعبها الشخص غير المتخصص في هذا المجال.

تحياتي

[بويوسف]

السلام عليكم ..

هلا وغلا اخوي انتعاش

فكرة جميلة .. وبإذن الله بتخدم فئمة كبيرة من منتسبي المنتدى وغير المنتسبين اللي مقبلين على بناء بيت العمر

بالنسبة لي تعاملت كثير مع مكاتب الإستشاريين وبحاول احدد الخطوات المهمة للي بيروح لأول مرة لمكتب استشاري

1- حدد السعر اللي ناوي تبني فيه البيت :
كثير من الناس يسوون لهم بيت كبير وغرف كبيرة وتلاقية وقت البناء يوقف في نص المرحلة والسبب عدم توافر السيولة .. فيجب عليك انك تعرف سعر المتر المربع للبناء وبناء عليه تحدد مساحة البيت بحيث تكون على قد الفلوس اللي عندك عشان ما تتوهق ونت تبني

2- حدد عدد الغرف اللي محتاجها :
لا تسوي غرف كثرة ما تستعلمها حاول تقتصد قد ما تقدر ونت تبني لأن عقب البنيان بتحاتج سيولة للتأثيث

3- وزع الغرف على رغبتك انت :
توزيع الغرف والممرات والمجالس مهم جدا .. لا تخلي الإستشاري يوزع على كيفه .. حاول ترسم مخطط بسيط لبيتك وعطه الإستشاري وهو بيبني عليه الرسومات المعتمده

4- اذا كنت ترغب في ناحية جمالية :
اذا عندك سيولة وكنت ترغب في ان بيتك يكون حميل مر على متخصص ديكور قبل ما تروح للإستشاري لأن هو بعطيك نظرة ثاقبة لبيتك على مزاجك من ناحية توزيع الإضاءة والنوافذ وكل شي تحس انه مش مهم ( بس ترى هالشي مكلف كثير )

5- اذا بدأ الإستشاري في عمل الخرايط :
لا تخليه وتنساه ولا تحط في بالك انه خلاص بمر عليه اول ما يخلص كل شي .. لا مر عليه كل اسبوع مرة وشوف مراحل الخرايط شلون .. توزيع الكهربا / توزيع المكيفات / توزيع اجلّكم الله الحمامات ... كل هالنقاط الصغيرة لازم تفكر فيها وفي توزيعها

هذا اللي حضرني الحين وذكرته لكم .. واذا طرى على شي ثاني ان شاء الله بكتبه لكم

وخذ المايك ياللي بعدي

اخوي واحد في حاله نقاطك جدا مفيدة ويدل على خبرة في التعامل مع المكاتب ..

بخصوص اول نقطة وهي تحديد السعر اللي ناوي تبني فيه البيت فهذا صحيح اخي العزيز وهي بشكل اكثر تحديدا وضع ميزانية للبيت قبل كل شي .. ثم على اساسها تبدأ باعطاء المصمم فكرة عن هذه الميزانية حتى يبدأ التصميم .. وبعد الانتهاء من التصميم تطلب من الاستشاري عمل تقدير للتكلفة cost estimation مبدئي ويفضل ان يتظمن العقد bill of quantity فواتير الكميات حتى تحصل على فكرة كافية لما سيصرف وماهي البنود اللتي ستتطلب تكلفة اكبر وهذا سيفيد في اذا كانت التكلفة عالية فتستطيع ان تقلل منها بالغاء البنود غير المهمة ..

تحياتي