السلام عليكم يالربع..
في بنات ودهم يسون حفلة عيد ميلاد بستايل غربي بمبلغ معقول شامل المكان والأضاءه والديجي
والمعازيم بيكونون حول 90 الى 100 بنت
وعشان ماياخذ الجو فقط جو ديجي وأغاني فقط...فهم ودهم يدخلون فقرات في الحفله كمسابقات ممتعه مايتحرج المعزوم بالمشاركه فيها وبالأخص ان هناك الكثير من المعازيم ونصهم ما يعرفون بعضهم..
وأنتوا المشكله تعرفون فئه بنات هاليومين يالله برستيجها
فأنتوا أيش تقترحون من ناحية الفقرات؟؟
يعني فقرات تكون ممتعه وفي نفس الوقت خفيفه وعليها هدايا حلوه وبسيطة؟
عني أنا أقترحت عليهم مسابقة الكاريوكي الي مثل الأفلام الأجنبيه الي يحطون فيها خلفيه موسيقيه مع كلماتها ويجي شخص من الحضور ويقرى الكلمات في الشاشه ويغني مع اللحن وأذا أضبطت معاه يفوز.....عاااد الي اعرفه يأجر هالكاريوكي ب1500 وأذا حد فيكم يعرف حد يأجر بأرخص منه أتمنى يفيدنا
ومن ناحية الهدايا..وشرايكم شتقترحون
ومن الأشياء الي أيضآ أقترحتها سالفة دفتر الزوارالي عند الباب والكل يحط رايه في الحفله ويهدي كلمه لصاحبة عيد الميلاد
المهم أنا مراح أطول عليكم بس ودي أنكم تشاركوني بكذا شي
1- مطلوب دي جي ممتاز وسعره جيد وأغانيه تكون شامله الأجنبي والعربي والخليجي شرط تكون
(( أمرأه))
2-مطلوب محل ممتاز ومضمون ورخيص لتأجير أضاءات حلوه للمكان الي راح تكون فيه الحفله
3- مطلوب مكان شرح وملموم وحلو وسعره جيد لأقامة الحفله غير القااعات المعروفه والغاليه
4- شاركونا بأفكاركم وأقتراحاتكم الله لايهينكم لأن:
مطلـــــــــــــــــــوب تقلـــيعــــات وأفكـــــــــــــــــــــار عجيـــــــــــــــــــبه غريبـــــــــــــــه للحــــــــــــفلـــة
ورجاءآ الي بيضيع وقتي بأستهزاءه وطماشته أتمنى أنه مايشاركنا