صناعات الاسبوع القادم .. بعد ارتفاع النفط ~~~~~~~>>

[عبدالله الهاجري]

بعد ارتفاع النفط ..
وبعد الاقبال الكبير على السهم وبكميات كبيره ايضا

وزيادة في سعر البرميل اكثر من ذلك اليوم وملامسة ال 60 ويتوقع الخبراء ان هناك ارتفاع في اسعار النفط بسبب الاقبال الشديد على النفط ..
(( فكم تتوقعون سعر سهم الصناعات الاسبوع القادم ؟ )) .

" ياخبراء لا تبخلون .. "


مودتي واحترامي لكم جميعا ..

[بورصة نت]

توقعاتي والعلم عند الله انه يوصل 180 حسب خبرتي المتواضعه

[عبدالله الهاجري]

مستثمر قطري

شكرا لمرورك الطيب
180 .. جيد " واتمنى ان يصدق توقعك وتزيد خبرتك ويزيدك الله
من فضله ..

[بورصة نت]

مشكور اخوي عبدالله والله يوفق الجميع

[qshark]

ماله تأثير ، الناس يتأثرون بحركة الهوامير ، اذا شروا بكميات كبيرة شروا معاهم ، واللي ما لحق يبيع عليه الهامور السهم بزيادة 10% ويرد يشتريه من المستثمر الصغير بأقل بـ10% علشان يكسب 20% في اسبوعين ، وعند البيع يبيعون الصغار ، طبعاً الهامور يبيع قبل لما له من صلات ، ويتم العرض بدون طلب والناس يترقبون اي احد من الهوامير يشتري علشان يشترون وراه ، وترد الدائرة من أول .

عند بعض صغار المستثمرين موب ماخذين مسألة الاستثمار جد ، صراحة انا اعتبر الاستثمار بدون وعي نوع من انواع المقامرة ، لأنها حرام دورا حل ثاني يعتقدون انه حلال ونسوا ان اموالهم مؤتمنين عليها ، وينتظرون ان يوم من الايام يربحون من ورا البورصة التعبانه ، الله يستر من اللي جاي ، والحلول جاية في الطريق ، بس بعد ما خربت مالطه .

ولادارة السوق شيلوا الـ 5% وحطوا مره ثانية الـ 10% ، موب يعني لأن لكم أسهم بالسوق تبون تتطمنون عليها ، وتدشون بأسامي زوجاتكم وأمهاتكم وبناتكم وأبنائكم ، باتت المسألة مكشوفه . لأن واحد من الشباب رأى بأم عينيه اكثر من واحد منهم في ......... يبيع حق زوجته على ما سمع (( موب ناقلات )) وجاي ياخذ الشيك اللي بـ ( ؟؟؟؟؟؟) .

رقم من 5 أرقام . الرجاء من وزارة الاقتصاد التحقيق في الموضوع للتجاوزات .

[باسل الفارس]

لامستحيل يوصل 180 منظمة الاوبك ماتسمح فوصى الدعوة
بس اتوقع يوصل ل70 او 80 بس لان اعلى سعر وصله تقريبا 54

[Maxetor]

لايوجد تأثير لإرتفاع أسعار النفط على سعر سهم الصناعات.

التأثير يكون على الإقتصاد القطري بشكل عام وهو تأثير إيجابي بلا شك بإرتفاع الواردات وإنخفاض العجز التجاري ومقدره أكبر على سداد الديون.

[كحيلان]

باسل الفارس وين ياخوي الناس تكلم عن سهم الصناعات كم يوصل. مو كم يوصل سعر برميل النفط ههههههههههههههه

[كويتي فهمان]

مشكورين على هالموضوع




انا اقول 180 زين سعره


انا بشتري بكره ان شالله

[المراقب]

توقعاتي الشخصية، بلوغ السهم 180 واستقراره بين 170 - 180 ريال، يرتاح قليلا لفترة، ثم لينهض من جديد، كما رأينا الخميس لقد كان الطلب عليه شبه جنوني، واستمر بالصعود في وقت نزول معظم الشركات.