السلام عليكم ورحمة الله وبركاته
جاتني هالفكرة في تجميع اغلب الامثال الشعبية المتداولة بين دول الخليج من خلال لعبة اختي مريديان يزاها ربي كل خير فقلت احطها لكم هني واللي عنده مثل مش مذكور ياريته مايبخل ويضيف لنا اللي عنده
بسم الله نبدأ
إذا دعتك قدرتك على ظلم الناس ، فتذكر قدر الله عليك
. من كبر لقمته غص
. موب كل شي يلمع ذهب ولا كل مر ينعاب يطلع من المر دوه ويطلع من الذهب كذاب
. اسأل مجرب و لا تسال طبيب
. شاللي حادك يا المسمار ، قال المطرقة
. أعط الخيل خياله
. أبو طبيع ما ييوزعن طبعه
. كل شارب وله مقصه
.اللي يبينا عيت النفس تبغيه، و اللي نبيه عيا البخت لا يجيبه
. المأخوذ حياء كالمأخوذ قهرا
. اللي ما عنده كبير ما يصير كبير
. اللي ما يعرفك ما يثمنك
. أم الطرمان تعرف لغة عيالها
. إن لبست البس حرير، وان عاشرت عاشر أمير
. نام مظلوم و لا تنام ظالم
. تعلم التحسونه بروس القرعان
. تموت الدجاجة و عينها بالسبوس
. الصيت عالي و البطن خالي
. الصدق يبقى و التصنف جهالة
. صبرك على نفسك و لا صبر الناس عليك
. الشمس ما تتغطى بمنخل
. يا جبل ما يهزك ريح
العين ما تعلى عن الحاجب
اللي في الجدر يطلعه الملاس
الله في قلبه صلاه ما تفوته
اللي ما يعرف الصقر يشويه
اللي ما يعرفك ما يثمنك
اللي يده في النار مب مثل اللي يده في الماي
النار ما تحرق الا رجل واطيها
ياك الموت يا تارك الصلاة
يود مينونك لا اييك اين منه
حلاة الثوب رقعته منه وفيه
مداح نفسه يبي له رفسه
يا دهينه لا تنكتين
يا غافلين لكم الله
يا من شرى له من حلاله عله
اصابع يدك مهي بسوى
اللي اكبر منك بيوم افهم منك بسنه
الشيفه شيفه والمعاني ضعيفه