فال الله ولا فالك اخويالمشاركة الأصلية كتبت بواسطة عقاريون
انت عبالك كل اهل قطر قاعدين على بنك
في ناس اخوي ساكنين في بيوت ايجار وراتبهم كله طاير عالايجار الله يكون بعونهم
واذا ارتفعت انت ايش راح تستفيد !!!!!!!!!!!!!!!!!!!!!!!!!!!!!!!
|
فال الله ولا فالك اخوي
في ناس اخوي ساكنين في بيوت ايجار وراتبهم كله طاير عالايجار الله يكون بعونهم
واذا ارتفعت انت ايش راح تستفيد !!!!!!!!!!!!!!!!!!!!!!!!!!!!!!!
أنا ماراح أزيد على الشباب ألي ردو والله كفو ووفو بس أحب أقولكم نكته واقعية أنا صاحب مكتب عقارات وأدور على شقه صغيرة على قدي والله مهب قادر حتى لو في الوكرة ومالقيت بالسعر ألي يناسبني وتبيهم بعد يرفعون الأجارات الله يلعن أبو االفايدة ألي بتجي على أحساب ذو الدخل المحدود وألي الله مكثرهم خاف ربك يارجال لأن ما أعتقد أنك راح ترضى بهذي الأسعار لو أنت واحد منا يا أصحاب الدخل المحدود وأسمحولي على الأطالة
mnqash007@hotmail.com
الموضوع جميل وانا ارى ان سوق العقارات يخضع للعرض والطلب
وان اغلب العقارات عبارة عن قرض من البنوك بمعنى ان الشخص يقترض من البنك ويسدد من ايجار العقار وذلك للطلب الزائد اى ان العقار يستأجر قبل ان يكتمل وهذا ماكان ....
ومنذ فترة بدأ الطلب يتلاشى تدريجيا واصبح مالك العقار مضغوط من البنك لسداد اقساطه التى كان يتوقع المالك سدادها من الايجار واصبح بين نارين اما يخفض قيمة الايجار ليتمكن من سداد القسط او يكون اكثر ضغطا من البنك ويضطر للايجار بقيمة مخفضة وبالتالى يأتى المستاجر واصله يسكن لكنه يجد العقار الاقل ايجارا فيذهب اليه ليضطر صاحب العقار الخالى لتخيض النسبة اكثر وهكذا
من وجهة نظرى الخاصة ان الايجارات بالذات فى مقبل الايام حاتطيح بصورة رهيبة لكمية العقارات الجاهزة للسكن وعدم الاقبال على ايجارها وضغط البنوك على ملاكها
ولكم الشكر
من السبب في ارتفاع الايجارات في قطر
صراحة أنا ترددت كثيراً في الدخول في هذا الموضوع لأني كنت اسمع فقط إن السبب صاحب العقار ، وإن المستأجر لاحول له و لاقوة حتى الأسبوع الماضي ، حيث أن لوالدي عقارات مؤجة ومل ما أنتو عارفين كان بداية الشهر و الوالد رايح ياخذ الايجار منهم ويدق على أول مستأجر (هنديويعمل بشركة من شركات البترول وبدل السكن له 6000ريال ) ويطاع واحد ثاني ويسأله الوالد من يكون و الهندي يرد عليه أنه مستأجر من الباطن ويدفع للمستاجر الأصلي 4000وللعلم الوالد مأجر على الجماعة بـ2000 لأن البيت قديم ولأنهم مساكين .....!!!!!
ونفس الحال تكرر للوالد مع مستأجر ثاني وقع العقد مع الوالد بـ6000 وقسم اللبيت المستأجر إلى قسمين قسم روضة أطفال و القسم الأخر ماجره على واحد من جماعته بـ4000
وطبعاً المستأجر الأصلي كذلك أجنبي و المصيبة إن حضرته طاع ساكن في فيلا في مجمع سكني فاخر ..............
في الحالتين سؤال طرحته على الوالد ... ايش الحل .... وياريت رايكم ياجماعه ... خاصة وإن العقد لمدة سنة .....
والفايده إني والدي لأنه شفقان على الجماعه و وإنهم مغتربين ومانزل الايجار هذا كان الجزاء و طبعاً الوالد بعد اللي صار حط بباله إنه يرفع الايجار للضعف في العقود الجديدة
اخوي الوليد خل الوالد الله يحفظه يشوف اسعار السوق ويحطها .. واذا كان في حد محتاج ايجار البيت بمبلغ بسيط وهو متأكد انه بيسكن فيه مابيأجره من الباطن فجزاه الله خير .. صحيح في ناس ماتستاهل تتعامل معاها بالحسنى بس هذا مو معناه انه مافي حد يستاهل الخير .. والله يوفقكم للحلال
الحمد الله سوقنا ارحم الاسواق بالخليج
اخوى الوليد كتر خير الوالد وفعلا فى مجموعة من المستأجرين كثيرين يؤجرو من الباطن
ويمكن للوالد رفع قضية لانهم استأجرو من الباطن وهى قضية مضمونة واحتمال يطلعو بمجرد مايعرفو انكم رفعتو قضية
لك وللوالد العافية
والله يا بو حمد أعتقد انه كان أرحم
شكرأ لكل من رد على مشاركتي ، و لكن المشكلة ليست فقط عند والدي ..... ولكنها أصبحت ظاهرة في أي منطقة من مناطق الدوحة تسمع عن هذا الوضع المزعج حيث أن صاحب الملك يكون مأجر بقيمة ويتفاجأ أن اللي وقع العقد معاه مأجر لجماعته من الباطن .... ولاثبات الحالة كما تفضلت لرفع قضية يستلزم بالضرورة اثبات وعلى ما لا تلاقي من يرد عليك سواء من الشرطة أو المحكمة يأخذ وقت لدرجة أن الطرف المستأجر يعدل الوضع مما ينفي ماحدث ... في النهاية أنا أفضل يكون هناك نص صريح في عقود الايجار يسمح بتقييد هذا الوضع الجديد ومن الناحية القانونية يكون هناك عقوبة تصل للغرامة أو السجن ... وكذلك تكون هناك ادارة سريعة الاستجابة تكون مخصصة فقط لاثبات الحالة ( الايجار من الباطن ) من دون علم صاحب العقار
لأن في حالة والدي صراحة ما اعتقد أنه بيروح لمحاكم ومحامين ... ويفضل التنبيه الشفوي والله العالم من يسمعه ... لحين ما الجماعه يخلصون عقدهم (سنة )
وشكراً مرة أخرى للجميع ....
من الممكن تضمين العقد بعدم التأجير من الباطن
ضوابط المشاركة
رد مع اقتباس