شاتنصحوني في

[سراب الامل]

السلام عليكم ورحمة الله وبركاته


اخواني بغيت منك استشارة ونصيحه حابه اشتري لي سيارة فور ويل والصراحه راح تكون اول سيارة لي بس لا تخافون تراني فنانه بالسواقة خذت الليسن بامتياز لا واسطة ولا شي

انصحوني اي نوع اخذ ، انا حاطه عيني على ثنتين ومو عارفه اختار اي وحده


لكزس او بي ام دبليو x5

وانتو اخبر وادرى عطوني رايكم

اختكم
سراب

[Bint Qatar]

بورش كيان

[كويتي فهمان]

والله يا اخت سراب انا اقول

لو تاخذين طوارق فعلا راح تكونين مميزه عن الناس

والاخت بنت قطر تقول كيان

اختاري بس لا تاخذين لا نكروز ولا نيسان

وتحملي تدعمين ترا اميبن عليج للحين اعليميه

وانا اتوقع انج راح تدعمين

الشباب ما يخلي احد
خخخخخخخخخخخخخخخخخخخخخخخخخخخخخخخخخخخخخ
اتغشمر معاج
بالمبارك والله يوفقج وما تشوفين شر يارب






عشان ما تقولين كويتي عينه حاره

[الخفوس]

كروزر = كشخة + بر + بحر + أقتصادية بمعنى الكلمة + قطع غيار رخيص

لكزس = كشخة ورزة + بر + بحر + أقتصادية بمعنى الكملة + قطع غيار رخيص

X5 = كشخة وزقرت + مب عملية للبر + مب عملية للبحر + قطع غيار غالي


والخيار لج أولا وأخيرأ وبتوفيق

[دنيا الاسهم]

السلام عليكم
اختي سراب اعتقد المنتدى للاسهم والاقتراحات اللي تفيد الناس
مو لاخذ راي وش تبين تشترين وش تخلين
اعتقد لو تاخذين فوكس واجن ولا بيكم ام غمارتين واجد عملية واقتصادية حق شوارعنا
واني ابخص اللة يهديج بس

[shared]

اقولك نصيحة انطر شوي لان اللكزس شكاها بيتغير ...................
و خلك علي الياباني احسن لك من اي سيارة ثانية ..................
عندك النيسان مثلآ انفنتي ؟؟؟؟؟؟؟؟؟؟؟؟؟
شكله توه نازل وما بتتغير بعد سنة او سنتين

[سراب الامل]

السلام عليكم
اختي سراب اعتقد المنتدى للاسهم والاقتراحات اللي تفيد الناس
مو لاخذ راي وش تبين تشترين وش تخلين
اعتقد لو تاخذين فوكس واجن ولا بيكم ام غمارتين واجد عملية واقتصادية حق شوارعنا
واني ابخص اللة يهديج بس

دنيا الاسهم مشكورة اختي على الكلام الطيب وجزاك الف خير

انا عارفه ان المنتدى للاسهم بس الموضوع مكتوب بـــــ (( بمنتدى الوسيط التجاري ،

قسم السيارات )) بمنتدى شبكة الاسهم القطرية طال عمرك ولو ابي اناقش بالاسهم او اخذ مشورة تخص الاسهم هناك المنتدى النقاش الاقتصادي ولو عندي مشوره تخص التحليل الفني هناك منتدى التحليل الفني ومو محتاجه اكمل اكثر .


على العموم الف شكر لك على المرور الطيب

اختك
سراب الدوحه

[سراب الامل]

اختي بنت قطر

اخوي كويتي فهمان

اخوي الخفوس

اخوي شارد

اشكر لكم مروركم وكلامكم الطيب لي وجزاكم الف خير

والظاهر اني باصبر على الكزس الجديدة مثل ماقترح علي اخوي شارد لاني خاطري فيها

ويعطيكم الف الف عافيه

اختكم
سراب

[أمة الله]

الله يوفقج يارب وصج شوارعنا مال فور ويل والا الصالون قلبج يعورج عليها والله

[دنيا الاسهم]

لا تاخذينا اختي
اللة يحفظك من سرعة السيارات وانتبهي لنفسك ما وصيك