أسمع رسول أشواق قلبي يناديك
وترقص أماني نشوتي لأجل أشوفك
وآخــذ من ظروف الرخا وقت واعطيك
عســــى الأمــان يبدد شكوك خوفك
تغل ياسيد الغـــنـــادير وأغليك
وأجيب لك عمــر الهناء في كفوفك
يجوز لي يازين منك تغليك
وأفهم وأقـــــدر ياحبيبي ظــــروفك
واحذر حكي عذالة الحب يغويك
عســـاك تصحى للحكي مـــايـطوفك
أنا على قربك شفوق وبرجيك
رجـــوى أملها بالوصــال مـعروفك
ياروح روحي بالغلا كله أعنيك
الله يجلي بالــهوى عـــن كســــوفك
مانيب والله طول الأيام نــاسيك
حلـــف علي ماأنسى دقايق وصوفك
(الســــــــــــــــــــامر)