فلوسي في المجموعة كيف احولها للناقلات؟؟؟

[الالكترونى]

بعدين انا ما عندي حساب في قطر وطني يعني ما له داعي اروح المجموعه صح؟ اروح الوطني تخلص كل شي هناك؟ ا يعني اتصل بمجموعه يحولون المبلغ الى وطني واروح بنك اسسدده لناقلات؟ ولا شلون اسمحوا لي على الازعاج

[superstaar]

بل اشفيكم الله يسامحكم انا ابي اعرف شنو الاجراءات فقط لان ما عندي وقت لا فتره صباحيه ولا مسائيه قلت اعرف الاجراءت بالضبط شنهي حتى استفيد من الوقت، لو حنا في دول متقدمه جان اجراءت سهله، بس الظاهر مكتوب على دولنا التخلف للأبد قلنا تمسكوا بالقران والسنه لن تذلوا بعدي ابدا يقولون لا على العموم مشكورين واسفين للازعاج

[ANONYMOUS]

جسوم.. مب علينا هالحركات...

بيع اللكزز

وخلص امورك

[زعيم البورصة]

ما يبلها شي الله لا يهينك رح للمجموعه خلهم يحولون الفلوس عن طريق الوطني وعقب بيطرشون لك مسج تروح تاخذ من اي فرع من فروع الوطني

[Clueless]

سوبر ستار حبيبي انت روح حق شاطر عباس هو في معلوم كيف يحول فلوس مال انت

هههههههههههههههههههههههههههههههه
قاعد اقول نفس الكلام في خاطري

[عـ حزينة ـيوني]

مـــرحبا اخــــوي " سوبر ستـــار "
ماله خص التقدم او التاخر بالسنة والقران
اخوي ماعليك
الا انك تروح للمجموعه وتطلب منهم شيك .. وتروح بالشيك لاي فرع من فروع بنك قطر الوطني كل الفروع فاتحه الصبح ... واذا ما تقدر الصبح ... تروح بالليل للفروع مثل الستي والمول ... وهناك هم بيعلمكنك كل شيئ ...
او تقدر تحطه في حسابك الخاص ...
مثال حسابك في بنك الدوحة ... تحط الشيك في حسابك اللي في بنك الدوحة ... وتروح بنك قطر الوطني ... وتكتب لهم شيك عااادي ... انه لناقلات .. وهم ان شاء الله بعد ماراح يقصرون معاك
واذا في اي استفسار ... تقدر تتصل لبنك قطر الوطني " خدمة العملاء "
اتمني انه شرحي ما يكون معقد
والله يعينك ويوفقك يارب