الى عضوات المنتدى .. لو تقدم لك واحد من اعضاء هذا المنتدى! وشو بيكون ردك عليه ؟؟؟؟؟؟؟
السلام عليكم
تعددت الاسباب والزواج واحد ..
بهذه العباره أبتدي طرحي للموضوع الذي خوف الكثيريين ! .. بل ربما كان سببا في قطع البعض من عده منتديات ! ..
1- كلنا نعرف الزواج على الطريقه الكلاسيكيه ! ( امي تروح بيوت معارفها وتخطب من بناتهم الي تشوفها تناسب للولد ! ) ..
2-وفي طريقه ثانيه الولد يقول لأمه أنا شفت بنت _( يا رفيجت أخته !)_ او _ (وهو متمشي بالفريج شافها - بنت الجيران نقول - ) ودشت قلبي ( وهذي تقريبا طريقه قديمه ! بس مازالت موجوده ! وتروح الأم وتخطبها .. ) ..
3-ودخلت علينا طريقه صارت مثل التجاره ! بعد أزدياد ظاهره العوانس في بعض الدول !! وهي الخطابه ! .. ( تروح لها مع بطاقتك الشخصيه ورقم تلفونك وصورك ! وتعبي أستماره ! فيها مواصفات شريكه حياتك من أول لون شعرها لـ متن أصبع رجلها ! وهي تطابق طلباتك مع البنات الي يبون الستر وأن الله كتب تزوجتوا وعطيتوها كروتها ! ) ..
4-وفي طريقه أعتقد انها غبيه ! (( كأنك طالب وظيفه مو زوجه ! )) وهي عن طريق المجلات ! مثل زهره الخليج وطختها .. وهذي غير مضمونه ! لان الواقع شئ والي في المجله شئ ثاني !
لكن مع تطور الحياه شفنا التكنلوجيا دخلت علينا عرض بمسأله الزواج ..
5-فكان لمواقع الانترنت ( المتخصصه بالزواج والتعارف ) دور سلبي ! وبنفس الوقت ايجابي .. فلا يمر علينا شهرين الا ونسمع واحد تزوج وحده بالنت ! .. من هل المواقع ! لكن كم واحد طلق الله أعلم !! - يمكن زحمه - ..
6-وحتى عن طريق الدردشه ! .. سمعنا ناس تكلموا ودردشوا بالمسنجر وتزوجوا ! .. وكان المسنجر والشات أحد أكبر الأسباب في أنجاح بعض الزيجه ! وكان في بعض الاحيان من أهم أركان هدم البيوت ! والتسبب في خلخله التوازن الاسري ! ..
لكن الموضه الجديده ! .. والي طرت على هواه الزواج ! .. او ما يسمونهم عشاق الشاشه .. طريقه جديده .. وهي الزواج بعد فهم طريقه التفكير لدى الطرف الاخر من خلال المنتديات ! ..
فعن طريق بعض المواضيع ( وخاصه المواضيع المكتوبه بيد الشخص نفسه - علشان كذا اقولكم كتبوا ولا تنسخون - ) سببت هذه المواضيع ردت فعل أيجابيه لفهم طريقه وفلسفه العضو الاخر سواء الرجل ام المرأه .. وذلك لأن القلم يعبر عن العقل وعن رجاحته او جنونه ! .. وكذالك عن الاحساس المدفون !! وربما يزيد عن ذلك ! .. فقد يتصور الأخرون شكل العضو من خلال قلمه وأبداعه ! او من خلال فشله وسوء اخلاقه ! ..
والأن بعد هذه المقدمه الطويله العريضه ..
نسأل السؤال الصريح .. دون مجامله ومثاليه ! ..
لو تقدم لك أحد الاعضاء في هذا المنتدى ! ( او ) طلبت منك أحدى العضوات أن تكون شريك لحياتها ! فما هو ردك ؟ وهل توافق وتوافقين بالزواج منه ( منها ) !! ام لاء ؟
|
المشاركة الأصلية كتبت بواسطة ريانة العود
