سؤال بخصوص : عمليه الليزك للعين .. وين احسن مكان ؟ وبكم ؟ وكم وقتها ؟واحسن دكتور؟؟؟؟

[المخلب]

أنا سويتها في مصر القاهرة .. مركز ومستشفيات مغربي للعيون والبصريات

العمليه يلزمها كشف لتحديد قصور العين ..(لغاية -5 ) ممكن تعمل العملية غير كذا صعب ..
العملية مدتها 5 دقائق لكل عين .. ويجب الامتناع عن النظر للضوء مباشرة أو الغبار لمدة اسبوع بعد العملية.. مع الافضلية للنوم والبقاء بغرفة خالية الإضاءة ..

تكلفة العملية 4000 جنيه مصري بدون سعر التذكرة .. والدكتور / محمود اسماعيل .. من كبار الدكاترة هناك .. والمركز معترف به عالميا وبأمريكــا ..

اي ما يعادل 2561 ريال قطري للأثنتين معا بدون سعر تذكرة السفر ..
سعر التذكرة 2000 ريال ذهاب واياب ..


ولو رغبت بالاستشارة ممكن تسأل الدكتور فهد القحطاني عن الأفضل وسيخبرك حسب مجال تخصصه .. (عيادة الدكتور فهد بشارع النصر .. المركز الطبي للعيون) .

ولد خالي مسويها بالمغربي في السعوديه ! على 8 الاف ريال !! .. شامل الفحص وغيره !

ولكن المغربي يقولك لازم تراجع ويانا لمده سنه !! ..

هذا الشئ يخلي الواحد يستغرب من العمليه ؟

[لجين]

السلام عليكم

انا سويت العملية عند الريفي سنة 2001 .. و 12 شخص من معارفي بعد سووها عنده

والحمدلله محد اشتكى من شي غير وحدة من الاهل قالت ان قل نظرها شوي والظاهر (على

ماقالت) من الكمبيوتر .. اما الباقي تمام وكلنا سويناها في نفس الفترة تقريبا

والعملية اقل من ربع ساعة .. راح تحس بالألم بعدها مباشرة بس مايطول كثير.. وماراح

تتضح لك الرؤيا عدل الين ثاني يوم ..

اما بالنسبة للسعر فعلى ذيك السنة تقريبا 5000 ريال

وبالنسبة للفحص انا فحصت عند الدكتور (..... العريض )في البحرين لانه فحصه احسن

من الريفي ..الريفي نرساته يفحصونك بعيلة .. وبالنسبة للمراجعة لازم يشوفك ثاني يوم من العملية .. ويقولك اذا تقدر تجيه بعدها بشهر بس .. وما يحتاج تروح له بعدين

وللأسف رقمه مو عندي !

ماظنتي في شي بقى ماقلته

تحياتي وبالتوفيق : )

[بوخالد911]

هلا بكم


العام الماضي سويتها عند د/خالد الشريف بالدوحة - مركز العيون التخصصي ( بين اشارات السينما وانت رايح لاشارات المنتزة المركز على اليمين

سعر الفحص = 650 ريال
سعر العملية = 9000 ريال
مدة العملية = حوالي 8 دقايق والله

تاريخ اجراء العملية = 4/2006م

يعني الحين اشوي وباكمل السنة والنظر ولله الحمدوالمنة تمام %%

ومسألة المراجعة هي للكشف على عيونك ومتابعة أي أعراض قد تطرأ عليها
يعني من باب السلامة

ولما كنت اراجعهم طوال العام ؛ المراجعة كانت مجانية %%%


والدكتور/ خالد مب هو اللي يتابع حالتك !!!
لا

هو يسوي العملية وثاني بوم يساقر ع طووول للأردن


والمتابعة عند دكتور أو دكتورة اللي بالمركز

((((( لاتتردد اعقلها وتوكل وسووها وانت بين ديرتك واهلك أبرك لك ))))


وحاضرين لأي توضيح بعد

[Qa6ar]

الريفي .. سامع عنه لكن سؤال اخوي بالنسبه للفحوصات بعد العمليه ( المتابعه ) محتاج متابعه وله خلاص مجرد انك تسوي العمليه خلاص الحمد لله ! ..

وياريت الرقم ماعليك امر ..

وسؤال ثاني ان شاء الله مايزعجك .. بكم سويتها ؟ وكم سعرها حاليا ! .. ؟

تحياتي لك .

سويتها انا واختي بنفس التاريخ الواحد مع الفحص تقريبا 5250 ريال قطري

اما السعر الحالي مدري والله

وهذي رقم موبايله الدكتور مؤمن الريفي

9739638822+

[ahmed jasim]

97339638822+

ناقصة 3 قبل ال9

[alshobaki7]

ولد خالي مسويها بالمغربي في السعوديه ! على 8 الاف ريال !! .. شامل الفحص وغيره !

ولكن المغربي يقولك لازم تراجع ويانا لمده سنه !! ..

هذا الشئ يخلي الواحد يستغرب من العمليه ؟

تسعيرة مغربي القاهرة ..غير تسعيرة مغربي السعودية ... حتى مغربي الدوحة غير تسعيرته اللي في مستشفى الأهلى التخصصي ..

ويكون في علمك أن نظرك ما راح يثبت إلا بعد 3 شهور من العملية ..واحتمال لو قصر النظر عندك كبير شوي لاسمح الله يعني سالب 5 أو سالب 4 راح يكون بعد العملية من الممكن يصير سالب واحد أو سالب نص ..

المهم في الموضوع اثناء الكشف التأكد من الانحراف ..هل لديك انحراف أم لا ؟؟
الانحراف يظهر اثناء الكشف ..

وهل القرنية جافة وسميكة أم لا ..؟؟؟ أذا كانت كذلك : تكون بالعادة بسبب انسداد القنوات الدمعية لديك ... ويجب عمل فحص للقرنية بجهاز يقيس سمك القرنية ..

وهل الشبكية عندك سليمة أم لا ..؟؟

وهل العين اليمنى تختلف عن اليسرى ام لا ؟؟؟

المراجعة التي يطلبها الطبيب ويطلبها كل طبيب بالعادة هي فترة بعد الثلاث شهور وبعد سنة ويكون ذلك كفحص دوري للأطمئنان على حالة المريض من باب الاعتناء بالزبون ... وليس للتأكد من صحة ودقة العملية .. فكل مكان ستعمل به العمليه سيطلب منك الحضور ايضا بعد تلك الفترة ويمكنك الاستعاضة عنها عند الدكتور فهد القحطاني بالدوحة وهذا يكفي ..

اما بالنسبة للسعر فقيمة الكشف فقط 50 جنية لرؤية الطبيب في عيادات مركز مغربي بالقاهرة بالقرب من نادي الصيد ...
وتصوير القرنية لمعرفة سماكتها 85 جنية .. والفحوصات الاخري كلها تكون 200 جنيه مصري .. 100 دولار امريكي = 570 جنية مصري .

اما العمليه فتكون في احدث مستشفى بحي السيدة عيشة حيث مستشفى مغربي المشابه لما بالسعودية من مستشفيات مغربي ..واطباء على اعلى مستوى كانوا يدرسوننا بالجامعة..
التكلفة النهائية للعينتين معا كانت قرابة 4200 جنية مصري لا تشمل سعر التذكرة والتنقل ..

هذا الكلام نهاية اكتوبر العام الماضي ولم أشتكي بعد العملية ابدا ..

والله الموفق ..

[برنس قطر]

سلام وسلامات مقدما انا عند لاهل مسوين اليزك من اكثر 10 سنوات عند الريفي الي في البحرين ومافي احسن منها واليوومك عال العال واله الحمد

[nooora]

يقولون في دكتور اردني شاطر والله اعلم شسمه وكله يجي زيارات للدول الخليج

[خبير البورصه]

يقولون في دكتور اردني شاطر والله اعلم شسمه وكله يجي زيارات للدول الخليج

خالد الشريف يزور مركز العيون في بناية الجبر الدائري الثالث

[المخلب]

انا ضيعت الرقم بس ان شاء الله بسأل عنه وبجيب لك الرقم قريب ..

تبي الصراحة انا من سويت العملية راجعته مره وحده بعد العملية باسبوعين وقال كل شي تمام ..

ووصف لي قطرات استخدمها ..

وانا حاضر اذا عندك اي استفسار ..

اخوي الله يحفظك سؤال بخصوص القطرات .. هل للحين تستخدمهم وله فقط لمده شهر او شهرين وبعدين خلاص 100% .. .. ؟

وماعليك أمر ان حصلت الرقم طرشه لي على الخاص ..

ماتقصر يا محمد ..