أقدم لكم هذه القصيده .. وهي من كتاباتي .. وبإذن الله إنها تصل
إلى ذائقتكم الشعريه .. وإنشاء الله إنها تنال على رضاكم 
0000000000000000000
تمنيتك تكوني حلم ، واحقق فيك غاياتي
00 وتمنيتك معاي العمر اذا الله راد يحييني
تراك انت الوحيد اللي تربع في حشا ذاتي
00 ولا غيرك بهالدنيا ملى قلبي وملى عيني
كتبت الشعر انا لجلك ولك أسمى تحياتي
00 ولك أجمل حكي قلته وصغته في دواويني
انا مابيك للغربه .. أبيك لعمري الآتي
00 انا جيتك وانا
(صادق) وشوف البعد يضنيني
كثر ما كنت أصوّت لك لساني يحرق لهاتي
00 وإلا من حد حاكاني توهمتك تناديني
مشيت الدرب انا لجلك معاك بطيب نياتي
00 وكنت أضحك على عمري واقول انك تحبيني
((حسبت ان الغلا كلمه تلملم باقي شتاتي
00 لقيت ان
الغلا جمره تشب وتحترق فيني
))
أشوفك في نظر عيني واحسك ضمن عبراتي
00 على بالي تكون قريب واثاري منت بيديني
وكاد إني عشقتك صدق وخانتني حساباتي
00 ولكن طاري الفرقا تراه الحين يغريني
حرام اني من اسبابك أعاني جرح آهاتي
00 سنين العمر قد ضاعت وانا ماعاد يمديني
أعيش الحب مع ثاني واسطّر له عباراتي
00 إذا الاول رخص حبي ، أجل الآخر بيشقيني
نسيت ان العمر لا راح مع الايام ماياتي
00 وعرفت ان الغلا جمره تشب وتحترق فيني
سلامتكم 
المشاركة الأصلية كتبت بواسطة The Edge
