انا كنت مسافر لندن ادرس
كان عمري 17 سنه
ومسافر بروحي
كان معاي شنطه دبلوماسيه
اللي يشوفني يقول عني رجل اعمال وهي مافيها الا مجلات وكتب
المهم خبركم حطيتها فوقي
اول ماطارت الطياره
و وزعوا علينا العصير
اللي وراي خذ له عصير برتقال وحطه على الطاوله اللي حذاه
لان الكرسي اللي جنبه فاضي ونام الحبيب بدون مايشرب العصير
انا قمت من مكاني ابي الشنطه بطلع منها شئ اقراه
اول مافتحت الصندوق مال الشنط اللي فوقي
طاحت شنطتي على راسه
وهو من الخرعه كب العصير على نفسه
شوفوا انواع الاحراج اللي صارت لي
انا اعتذرت منه ورديت قعدت على الكرسي
من الفشيله تميت متسمر في مكاني 6 ساعات وزياده بدون ما اتحرك لين مانزلنا في لندن
وبس
الله لايعيده ذاك اليوم
والموقف الثاني صارلي معا شرطة لندن
كنت اسوق سياره على الموترواي اخر الليل
والسياره اللي اسوقها عليها 3 مخالفات
شوي الا وشوف سياره تقرب مني
قلت في نفسي الحين هالحمر العطر الخايس بيلحقني
مايصير
واردها رابع وادوس
بس مافيه فايده
شوي الا ويلحقني
طلعت الشرطه اللي وراي
وقفني
وطبعا شيك على رقم السياره وطلع المخالفات
وبعد كنت مسرع ومب رابط الحزام
توقعوا ايش سوى فيني
خلاني ابات في السجن
وعقبها توبه حرمت
|
المشاركة الأصلية كتبت بواسطة بو عبد الرحمن
