1+1=2

[مضارب دوسري]

(في هذا الوقت)
وفي هذه الموجات
اياك ان تلتفت للاسهم المضاربيه المتضخمه سعريا مقارنه بعوائدها
بل ان الاسهم الخسرانه واللي اسعارها تحت 9 ريال ابرك منها

غلط تشتري سهم سعره متضخم مقارنه بعوائده

ما اقول ان الاسهم المتضخمه ماراح ترتفع حتى ولو مضاربيا
ولكن اقول في حال خوّن السوق لا سمح الله بتكون هالاسهم في خبر كان لانها متضخمه
عكس الاسهم الرخيصه حتى وان كانت شركات خسرانه فهي اكثر امانا من المتضخمه
================

اما اسهم العوائد الجيده فهنا لي وجهة نظر ربما تعتبر شبه تناقض بس لكل شخص فلسفته فالتداول

الاسهم الجيده كعوائد واللي ما تاثرت سعريا مع السوق فالفتره الماضيه اشوفها مثل الاسهم المتضخمه حتى وان كانت عوائدها جيده
والاسهم اللي حققت تراجع بسيط او قوي في نتائجها
وتاثرت سعريا بقوه بل انها وصلت لاقل سعر بعضهم اقل سعر خلال اخر 5 سنوات وبعضهم وصل الى اقل سعر خلال 8سنوات

هي افضل من الاسهم اللي حققت عوايد جيده ولكن سعريا ما تاثرت !
لان فنيا اي سهم يفتح لقيعان فهو ماشي مع مؤشر السوق العام
هل يعني ذلك ان الاسهم اللي محققه عوايد جيده ستنخفض ؟
لا
بل لن تعطي ارتفاعات كما يعطي المؤشر والاسهم اللي تاثرت بشكل كبير خلال الفتره الماضيه
يعني ممكن يعطيك 2% ويراوح بينها
في حين ان اسهم اخرى ممكن تعطيك 10% او اكثر

نسبه وتناسب


هذي وجهة نظر شخصيه لا اكثر