يوتيوبيات البناء .. مقاطع تثقيفية متجددة

[معماري قطري]

سؤال .. كيف تحسب كمية المونة المناسبة؟ او اشلون تعرف ان المونة الموجودة تكفي؟؟

البعض يقول لك 2 سم لازم سمكها والبعض يقول 1 سم والبعض يقول ما فيه داعي تنوجد في الفراغات الرأسية .. اللعب كثير على هذا الوتر

المونة عبارة عن خلطات بنسب معينة .. والله لتركيب الطابوق ما اذكر النسبة المناسبة بس اتوقع 1 اسمنت ل 2.5 رمل خشن مغسول .. وعادي لو تم خلط نسبة من الرمل الناعم مع الخشن .. نسبة المياه للخلط تكون بحدود نص كمية الاسمنت .. وفي الغالب عامل التركيب يضبط النسب حسب خبرته وهذا للطابوق العادي

لكل نوع طابوق مونة تختلف ونسب تختلف .. السيبوريكس يستعملون له لاصق خاص ومسحة رقيقة حول 2 ملم .. الطوب الصغير اللي مثل الانترلوك 1 سم كافية له .. أما الطابوق العادي بين 2 الى 1.5 سم سمك المونة مناسب .. طبعاً بعد ما تتركب الطابوقة تضغط المونة شوي وتنزل بس نزولها ما يكون لاصق في الطابوقة اللي تحتها تشوف المونة واضحة .. في الاتجاه الرأسي بعضهم يركبون الطابوقة بدون مونة نهائياً وهذي طريقة العرب .. وعن العين والنفس يمسك السكين يحط عليها شوية مونة ويمسحها من الخارج .. هذي تكتشفها لو جبت سكين والمونة طرية دفعت بها الطرف تحصل المونة تطيح وداخل بين وجه الطابوقة واللي جنبها بدون مونة فراغ خالي .. كذلك تكتشفها لو نزعت الطابوقة اللي في الطرف

[معماري قطري]

حتى تعرف المقاول الجيد مر أثناء مراحل البناء وشوف شغله .. ركز في هذي الحيثيات .. بعضهم تحصله دجال يقول لك انا طريقتي الشعبية والشعبية أفضل ويمدح في بضاعته .. قليل تحصله حقاني ويقول الحق وينفذ حسب المطلوب

بعضهم تشوف شغل الصب ما يستخدم الهزاز ويصب بدون اختبارات ولو تشوف الحديد بعضه لاصق في فورم الخشب بدون بسكوتات أو بسكوتات قليلة الحديد منحني ملامس للخشب

الطابوق بالنظر انا الحمد لله اقدر اقول اذا تركيبه زين أو لا .. زرت بيوت شفت الطابوق منحني كأنه كرشة رجال واقف .. استغربت كيف ممشين البنيان ونبهت المالك والمالك كان يبيني اقول له كل شيء زين .. تضايق من رايي .. زرت بيت توه مسكون وطلعت فيه شلوخ على شكل درج في المطبخ حتى البلاط تكسر .. طلعت برا حصلت عمود زاوية من تحت عليه اسمنت .. رفسته بريولي ( أيام ريولي صاحية ) طاح الاسمنت وطلع حديد العمود .. شفت الحديد مركب بدون توصيل مع راس العمود يعني عمود شكل بس .. البيت كان دور أرضي والله يعين راعيه .. بانيه مسئلة ثقة وعقود كلامية

[معماري قطري]

صاحب البيت الطابق المقاول يقول له الأرض ريحت وهذا مصطلح مصري يقطون به وصاخة شغلهم على الأرض

[معماري قطري]

فيه طريقة بناء أقوى للطابوق ومقاومة للشلوخ وكذلك للزلازل .. هذي مب ضرورية عندنا بس اللي يحب يسويها ما تكلفه وايد كل خمس صفوف طابوق يحط مع المونة شبك بالطول وكل متر يحط صيخ حديد ويملي فراغ الطابوق بالمونة .. مب مهم سمك الحديد حتى 8 ملم يمشي الحال .. مكان الفتحات ضروري تعبئة الطابوق حولها بالمونة

[معماري قطري]

تصميم ثري دي وهذا اعتقد ثري دي استوديو .. ياخذ وقت اطول بس مسرع هنا

[sweet qatar]

مقطع جميل لطريقة تعامل مكتب التصميم مع طلبات المالك ودراسة الارض صح

[معماري قطري]

مشكورة على المساهمة الطيبة اختي ولازم اتابع على فراغة لاحقاً واعلق على الفيديو

لاحظت التكييف المعلق في السقف وايد حلو وعملي وبديل ناجح للدكت والمركزي

[sweet qatar]

العفو .. عجبني المصمم في تعامله مع طلبات العميل و احترام الارض و الشارع

في معماري امريكي بعد اتابعه عنده قناة عاليوتيوب 30*40 design workshop

الحلو فيه مهما كانت طلبات العميل يلقون لها حل او بديل

مب مثل الي تعاملت معاهم هني .. انا ماتكلم عن احترافية في العمارة والله اشيا بسيطة من اول جلسة يقول لك ما يصير مانقدر بكل بساطة لانه ما يعرف ولا يبي يعور راسه

[معماري قطري]

العفو .. عجبني المصمم في تعامله مع طلبات العميل و احترام الارض و الشارع

في معماري امريكي بعد اتابعه عنده قناة عاليوتيوب 30*40 design workshop

الحلو فيه مهما كانت طلبات العميل يلقون لها حل او بديل

مب مثل الي تعاملت معاهم هني .. انا ماتكلم عن احترافية في العمارة والله اشيا بسيطة من اول جلسة يقول لك ما يصير مانقدر بكل بساطة لانه ما يعرف ولا يبي يعور راسه

هنا العيب في اللي يتابعونهم ويرخصونهم

وأي شيء إختي يعجبج خلينا نشاركج فيه

اليوم مريت صوب شغلي القديم .. مودي بنتي توها متخرجة هندسة كهربائية وعندهم مسؤولة مهندسة معمارية وشفت كثير من ربعي .. البنت للحين مترددة مع إن بيئة الشغل جيدة والمكان قريب والراتب ممتاز .. حنيت لذاك المكان ومريت على مكتبي السابق محتل بواسطة كم موظف .. شفت المخططات وبعضها قديمة بديناها ذاك الوقت وطوروا عليها

[معماري قطري]

مقطع جميل لطريقة تعامل مكتب التصميم مع طلبات المالك ودراسة الارض صح

حلو التصميم وأفكاره وكذلك الموقع

تمنيت يركز على شرح الدور الأول كمخطط واضح نشوفه

حوض السباحة فوق مرتفع شوي ينركب له بدرج ورافعين الأرضية حوله حتى يكون عمقه مناسب .. ولد عمي كان بيسوي نفس طريقته بس خاف من سوالف التسريب مع إنه لو انعمل صح ما تصير مشاكل

[معماري قطري]

شغل عزل معقد لجدران بيسمنت مستخدم فيها قوالب الستيروفوم .. هذي وصلت للسوق القطري ولا ادري شلون بيستخدمونها هل استخدام صحيح والا لا

لاحظوا يذكر ان لازم تغطى عن الشمس خلال 30 يوم لأنها لا تقاوم الأشعة فوق البنفسجية

[معماري قطري]

متابعة للفيديو السابق وتركيب غشاء ممرر للماء النازل على العازل ليصل لقنوات التصريف والمنهول ثم يسحب الماء للخارج .. هذا مهم للي يبنون بيسمنت وأتمنى لو موجود عندنا .. الاستعاضة عنه بالكنكري حيث انه يمرر الماء بالجاذبية ولا يلتصق بالحائط

[معماري قطري]

[معماري قطري]

[معماري قطري]

للي تساءلوا عن تبليط الحوش ومنهم الملياردير هذا بيت نشوف فيه مدخل السيارة خرسانة وحولها اطار عشب صناعي معطي ديكور حلو .. ولو سوينا العشب الصناعي محفور له قليل في الخرسانة بحيث يلتصق على مستوى واحد بيطلع أجمل