يوتيوبيات البناء .. مقاطع تثقيفية متجددة

[سالم الزهران]

الله لا يضيق علي مسلم، هذي الفلة يبيعها بمليون وقسيمتها في الارض بمليون.. مع ان تكلفة مشترى الارض والبنيان ما توصل ثمانمية.

لكن رغم اللمسات الجمالية (القليلة) الا اني افضل اشتري لي فلة عمرها عشرين سنة بسبعمية الف لكن 8 ماستر روم سرداحي مرداحي. والمطبخ بكبر صالة ابو جميل هذا.

[معماري قطري]

والله خوش

مدري المطورين العقارين يسون كذا عندنا ؟؟؟

حلوة وعملية لكن بالتأثيث بتشوفها غير .. أعرف عائلة عملوا صيانة لبيتهم وبيتهم بحدود 1000 أرضه بس مجلس خارجي ومكان سهل توصله .. طلعوا سكنوا حول سنة في تاون هاوس في اللؤلؤة .. حسوا بفرق الضيق وركوب درج مزعج لغاية ثلاث أدوار حتى والأدوار نازلة

الحياة قصيرة ومتعة السكن في بيت مناسب نعمة من رب العالمين .. وإذا إجتمعت أمور مثل أهلك قربك ومنطقة هادئة وآمنة وقريبة من كل متطلبات الحياة يكون وضعك وايد زين

[معماري قطري]

الله لا يضيق علي مسلم، هذي الفلة يبيعها بمليون وقسيمتها في الارض بمليون.. مع ان تكلفة مشترى الارض والبنيان ما توصل ثمانمية.

لكن رغم اللمسات الجمالية (القليلة) الا اني افضل اشتري لي فلة عمرها عشرين سنة بسبعمية الف لكن 8 ماستر روم سرداحي مرداحي. والمطبخ بكبر صالة ابو جميل هذا.

كلامك عين العقل

[معماري قطري]

مبارك عليك الشهر

من صجك ؟؟؟

انا مركبه على باب صار لين سنتين من شركة يوفي بي سي تركية.

وركبت على الدرايش (من معماري قطر) من سنة تقريبا وكلفني الشباك الواحد قريبا 300-350 ريال طبعا على حسب حجم الشباك.

وهذي صورة الشباك سويته ضلفتين (مزدوج) لأن الشباك وايد عريض. الصور مب واضحة بس اتمنى وصلت الفكرة.






تحياتي لك وللجميع.

علينا وعليك يا بو ناصر يتبارك

ما قصرت يا اخوي .. التعيسين قطر يو بي في سي عندهم نفس المنتج ووايد غالي وحتى تسعيرهم لأي شغلة غالي يبي لي أمر على شركة رفيجنا بو مطر

[معماري قطري]

[معماري قطري]

[بوNasser]

علينا وعليك يا بو ناصر يتبارك

ما قصرت يا اخوي .. التعيسين قطر يو بي في سي عندهم نفس المنتج ووايد غالي وحتى تسعيرهم لأي شغلة غالي يبي لي أمر على شركة رفيجنا بو مطر

بالنسبة ل قطر يو بي في سي كان عندي قناعة ان عندهم افضل منتج + أسوأ ادارة او نقول أسوأ مدير مبيعات ( بالذات الباكستاني نسيم او نديم، الله يغفر لنا وله) تأخير مبالغ فيه وشلخ من غير داعي. وفوق هذا يوم ركبوا لي شباك الحمام الله يعزكم كسروا الغطاء مال كرسي الحمام (ايديال ستاندارد، لو عادي ما اهتميت) وخذت معاهم شهور لين عوضوني بداله.

بس شغلهم في ذالك الوقت كان ممتاز (اتكلم عن خمس ست سنين قبل، ما ادري الحين الوضع شلون).
--

على فكرة بالنسبة حق شبك الحشرات هو عبارة عن اطار او فريم وداخله الشبك السحاب على جنب، ويركب على الالمنيوم أو يو بي في سي بتثبيت اربع او ست براغي في زوايا الفريم.

[معماري قطري]

ما قصرت أكيد عملية التركيب سهلة ونحتاج لبيتنا شوية أماكن وعندي بلكونة ناوي اسكرها وأخليها للزراعة الداخلية وبإذن الله أصور عملية التطوير اللي بتكون بسيطة

[معماري قطري]

[سالم الزهران]

كلامك عين العقل

صباح الخير ابو عبدالله والاخوة المتابعين لموضوعك الشيق
تتذكر يبو عبدالله سلمك الله اني ما احب المخططات الواسعة على عماها.. يعني استغلال المساحة بذكاء، وقد ما تقدر اترك مساحة في الحوش منها يطلع مدخل او مدخلين للسيارات وباركنج وحديقة.. كلها تتسوى بالتخطيط المناسب.

لي الحين ابغي اوصل لأساس معين اقدر احكم فيه المساحة لأجزاء البيت بحيث لا تضيق ولا تكون واسعة أكبر من اللازم لكن ما قدرت اتصورها فبالي.. لكن أظن مب صعب يع ف كل انسان حدوده في التوسع ومساحة أرضه وميزانيته.

[معماري قطري]

تعتمد يا اخوي أوقات المساحة الكبيرة مزعجة وصعبة التصميم وأوقات المساحة الصغيرة تكون صعبة لو المتطلبات وايد وأفكار المالك تعجيزية للمصمم .. بعض الملاك تسوي له شغل يومين أو ثلاثة ولا يرضى يقعد معاك ساعة نقاش بهدوء ينقز لك من موضوع لموضوع

الحديقة والزراعة والإنارة اللي فيها فن وهدوء للحديقة شيء مهم .. تقبل السيارات وعكس شكلهم لداخل البيت أحياناً برستيج وصورة ما تعودنا عليها .. يعني تسوي موقف السيارات خصوصاً الخاصة ملاصق لصالة وبينك وبينه حائط زجاجي .. التصميم المودرن سهل ويعطيك أريحية في توزيع المساحات واستغلالها صح ومصطلح مساحة ميتة يستوي مصطلح خاطيء لو خليت المصمم ياخذ راحته وأكيد فيه مصممين جهلة .. بعضهم يسوي حق بيت صغير مدخل واسع يركب لمدرسة ولا يوسع غرف جنبه مهمة .. وبعضهم يحط باب في الوسط وعريض من بابين لغرفة أو صالة عادية ويضيع مساحة توزيع الأثاث ويمكن تستوي الغرفة مأساة صعب تترتب وصعب تحصل باب صفاقتين يسكر بهدوء وتنخفي الفتحات الصغيرة ما تدخل صوت ولا هواء ولا نور

شوف أكثر مشاكل البناء تكون في تدخل عدة أشخاص الزوج + الزوجة + المصمم لو ضعيف يختفي دوره + المقاول لو يبغي يلعب ويشتغل زيادة ويغير السعر على كيفه حتى يغطي خسارة ممكن خسرها في التسعير أو يزيد ربحه .. آخرهم يجي المهندس المشرف لو يبغي يلعب مع الإستشاري

[معماري قطري]

[سالم الزهران]

تعتمد يا اخوي أوقات المساحة الكبيرة مزعجة وصعبة التصميم وأوقات المساحة الصغيرة تكون صعبة لو المتطلبات وايد وأفكار المالك تعجيزية للمصمم .. بعض الملاك تسوي له شغل يومين أو ثلاثة ولا يرضى يقعد معاك ساعة نقاش بهدوء ينقز لك من موضوع لموضوع


شوف أكثر مشاكل البناء تكون في تدخل عدة أشخاص الزوج + الزوجة + المصمم لو ضعيف يختفي دوره + المقاول لو يبغي يلعب ويشتغل زيادة ويغير السعر على كيفه حتى يغطي خسارة ممكن خسرها في التسعير أو يزيد ربحه .. آخرهم يجي المهندس المشرف لو يبغي يلعب مع الإستشاري

اتفق معاك يا مهندسنا الحبيب. افضل شي تسويه مع الانسان المتقلب تدخله بيت مبني جاهز

[معماري قطري]

[SouthK]

كمية معلوكات لكن الشرح غير واضح للمبتدئين!

مشكور اخوي معماري