تويت
-
-
تعليق
-
تعليق
-
عوامل كثيرة تدخل في تصميم دورة المياه منها الحائط الخارجي ووين الدريشة وشكلها شلون .. الرواشن في الحائط والتهوئة الهواء الداخل والهواء الخارج .. الشرح هذا مبدئي وبالنسبة للحمام الصغير 1.8 في 1.8 أشوف نخلي المغسلة مواجهة الباب أفضل بعد الإستعمال بيكون أول النظر يجي على ما هو مقابل الباب وليس جنب الباب مع إن المكانين جيدين
تعليق
-
تصميم حلو لمحبي الديكور والمساحات المدروسة
تعليق
-
حبيت قصة مغاسل المجالس والصالات ودخول البرواز للباب خلفها بطريقة معالجة مبتكرة ما فكرت فيها من قبل في الفيديو السابق
تعليق
-
متفق مع كل ما قال بس ليش ما نتفادى كل هذا من خلال مرحلة التصميم ونراجع المخططات الإنشائية ونطابقها مع المعمارية مع مهندس فاهم يوضح لنا شصاير
تعليق
-
أذكر أحد الأعضاء تواصل معاي في عمود صغير يبعد مترين من زاوية الصالة من كل جهة وكان عائق مزعج وبنى كامل خلص الخرسانات بس ما شطب للحين .. العمود حامل فوقه جدران حمام ولا فيه حد بيشوف له حل وطبيعي محد يتحمل المسؤولية في هالحالة .. حاولت له بحلول معمارية وتجميلية كلها ما ارتاح لها مصمم يقص العمود .. نصحته يشوف مدير مكتب استشاري كبير ومشغول ألحين بس كان هذا عرفته من حول 30 سنة من أفضل المهندسين الإنشائيين .. سوى له حل غريب بعد زيارته للموقع زرع عمدان في الجدران حديد آي بيم وركب فوق قطع آي بيم معلقة من راس العمود وممتدة ويغطيها الجبس بعدين .. ركبوا دعامات وقصوا العمود
الحل أكيد مكلف ينعمل من البداية بدراسة بيكون سهل ورخيص لكن بعدين سوى ربكة ووقف الشغل واحتاج شغل ومواد ولازم تكلفة
تعليق
-
عرض الباب حتى ل 80 سم صافي مناسب لدخول الكرسي المتحرك ولكل قطع الأثاث .. الفتحة ممكن نسويها 90 سم بس متر معقولة ويكون الباب بحدود 90 سم تقريباً صافي .. المتر من مضاعفات ال 20 سم اللي يعتمدونها أغلب المعماريين في التصميم فعادي حايط طوله من جهة لجهة ممكن نحصله 4 متر أو 4.2 أو 4.4 ومن هذي المضاعفات لكن صعبة نحصل مثلاً 4.09 وهذا يعد قصور في التصميم أو التنفيذ ولو نرجع للمخططات نحصلها 4 أو 4.2
في هالحالة لو فرضاً الباب وسط الحايط بنبداه من 2.1 إذا عرض الحايط 4.2 وفرضاً بنسوي باب عرضه 1 متر بناخذ من ال 2.1 اليمين 50 سم بتبقى لنا 1.6 متر ومن اليسار نفس الشيء .. 1.6 تركب فيها 4 طابوقات بالضبط وفوقها 3 طابوقات ونصين الطابوقة حتى يكون عندنا تداخل .. أوقات يضطر العمال يعملون مقاس صحيح يمين ويسار بمضاعفات ال 20 سم ويتركون الفتحة للباب في الوسط تقريبية مثلاً 105 سم أو 103 أو حولها وهذي بعد ما تبين في التركيب وتحسب الأبواب وحدة الا تجي متعني وتقيس بدقة
زين شيصير لو فرضاً بنسوي باب عريض وإحنا حابين العرضيكون وسيع؟ نقدر نسوي 120 سم أو 140 سم وفي حالات معينة لو زاد العرض تضطر تركب باب كبير وجنبه باب صغير حتى يكون ثابت أو كبير بس محوري اللي له محور متطرف معلق فوق وتحت وينفتح لاف .. أو 120 سم بتروح منها قرابة ال 10 سم للفريم بتبقى 110 وعندنا عرض اللوح 122 سم بيكون الباب اقتصادي بس يحتاج مفصلات مناسبة وتمسكه صح
تعليق
-
تعليق
-
تعليق
-
تكاليف الفلل الجاهزة، قيمة أرض حول 350 و تكالف البناء تقريباََ 500، يعني المجموع 850، ويعرضونا للبيع بمليون وثمان ويقولون لك تعال اشتر.
اللهــــــم ارحم أخي فايز واسكنه فسيح جناتك وسائر أموات المسلمين
تعليق
-
صباح الخيرالمشاركة الأصلية بواسطة سالم الزهران مشاهدة المشاركة
تكلفة الأرض والبناء عندكم معقولة لآخر درجة وحتى قوانين التخطيط مرنة ووجود سوق كبير لمواد البناء وتنافس ووجود معظم المواد الأولية والمستوردة .. عندنا إضرب أقل شيء في 3 وانت طالع
بتغلى الأسعار بسرعة مثل ما صار عندنا خصوصاً للأراضي .. يقول لي صديق كويتي شاري عدة أراضي في الطايف ذكر لي الرقم فوق العشر 12 أو 14 ما اذكر بالضبط وخطته استثمار لين تغلى يبيع أو يبني يستثمر .. أتذكر من وقت كانت عندنا قطع الاراضي ب 30 ألف وكانت في الوعب ب 600 ألف كبيرة 3000 متر وكنا نشوفها غالية وايد ألحين ما تحصل اللي ب 30 ب 3 مليون تضاعفت ألف مرة واللي ب 600000 مبلغ فلكي آخر الله أعلم به .. والأخيرة كانت من حدود 15 سنة
تعليق
-
صج شغلة بس النتيجة تستاهل .. سامحوني على البنت اللي طالعة في الفيديو ترددت في عرضه
تعليق
-
تعليق
تعليق