يوتيوبيات البناء .. مقاطع تثقيفية متجددة

[معماري قطري]

الشور عرض 90 سم معقول بس شوي ضيق .. لو تقدرون من 100 الى 120 سم توفرون مساحة له وتصغرون في الباقي أفضل هو الأهم .. يعني لو عندنا حمام بطول 3 متر وعرض مترين أو متر و80 سم .. العرض كافي حتى 170 سم معقول وصج شوي ضيق وتحتاج تاخذ قطع مناسبة وبعد 160 سم ممكن لحمام اقتصادي .. المهم الطول 3 متر أو 320 سم يكون أفضل وأضمن لك ترتبه أحسن بطريقة كل القطع في الجهة الطولية .. تبدأ في الأخير يكون عندنا الشور نخلي له 100 - 120 سم .. لو الطول 320 بتبقى 200 سم أو مترين في المترين تكون المغسلة أقرب شيء للباب وحتى 180 سم كفاية لمغسلة وكرسي .. 80 سم للمغسلة و 100 للكرسي تكون شوي موسع هو 80 كفاية وزود ولو تحب المغسلة كبيرة شوي وعريضة أو معاها كاونتر زيد للمغسلة وقلل لمنطقة الكرسي

[معماري قطري]

[معماري قطري]

[سالم الزهران]

شقة بابا حيدر هذا من أول ما خلص الطابق الأرضي توقعت سعرها مية وعشرين الف، طلع المطلوب مية وثلاثين ألف.. المنطقة حليوه والمرفأ اللي مصوره في البداية هذا فيه عبارة تشيل السيارات وتنزلها باسطنبول والناس كانوا يعتمدون عليها اكثر قبل ما يبنون جسر الفاتح.

عموماََ حيدروه قاعد يصور بكاميرة تعطي بعد يبين الطوفة طولها ثمانية متر وهي أقل..انا الشقة لو سعرها أقل شوي ممكن الواحد ياخذها عشان يجرب العيشة مبدئياََ.. مع ان اللي متعود على زحمة اسطنبول ما يرتاح للهدوء اللي بالمدن اللي خارجها مثل يالوفا.

[معماري قطري]

شقة بابا حيدر هذا من أول ما خلص الطابق الأرضي توقعت سعرها مية وعشرين الف، طلع المطلوب مية وثلاثين ألف.. المنطقة حليوه والمرفأ اللي مصوره في البداية هذا فيه عبارة تشيل السيارات وتنزلها باسطنبول والناس كانوا يعتمدون عليها اكثر قبل ما يبنون جسر الفاتح.

عموماََ حيدروه قاعد يصور بكاميرة تعطي بعد يبين الطوفة طولها ثمانية متر وهي أقل..انا الشقة لو سعرها أقل شوي ممكن الواحد ياخذها عشان يجرب العيشة مبدئياََ.. مع ان اللي متعود على زحمة اسطنبول ما يرتاح للهدوء اللي بالمدن اللي خارجها مثل يالوفا.

حطيتها للإطلاع الشقق ضيقة ولازم يبي لها مفاوضة ممكن حتى 100 ألف دولار حدها ولا اعرف المنطقة .. وأكيد إحنا تناسبنا المجمعات الحديثة اللي فيها خدمات كفاية تحت وفيها ارتفاع جيد وقريبة من كل شيء

[معماري قطري]

هذي لو في ألمانيا حتى لو ضواحي مدينة كبيرة وفيها مطار تسوى حتى 200000 دولار لكن تركيا كلش ما تنحب ولا تنبلع بالنسبة لي وفي ألمانيا تحصلها بسعر كبير ممكن 400000 يورو بالراحة

[سالم الزهران]

تركيا ميزتها الاسلام، وقربها الجغرافي، وعادات شعبها واكلاتهم تناسبنا.
المانيا واوروبا زينة لكنها مكلفة وما فيها تداخل مع المجتمع..

تركيا يا اخي زادت اسعار العقار بسبب العراقيين خصوصاََ.. وبعدهم يجي بقية العرب.

[سالم الزهران]

الشقة تصلح في المدن الكبيرة والعصرية، لكن خارج المدن هذي افضل بيت مستقل.. وتبقي هذي أمنيات لأن العيال أو خلنا نكون دقيقين (الزوجة) يمكن ما تبغي تعيش خارج البلاد.

[معماري قطري]

أول مرة أشوف شغل تأسيس كذا .. الشغل أكيد محسوب وزين بس استغربت من عدم وضع بسكوتات ترفع الحديد من البداية ولا فيه أي عوازل حتى لو بطبقة صبغ بيتومين على خرسانة النظافة وعلى جوانب الطابوق بتمنع تشرب ماي الخرسانة أقل شيء .. ويبين لي البنيان بيكون تحت الأرض هذا وبيرتفع فوق الله أعلم كم طابق

الجزء المدفون واللي فوق قطع أحجار كبيرة عليه شبك حديد ضعيف ومتباعد كثير هذا بينصب فوقه وبتكون ذي أرضية البيسمنت .. فيه أشياء ناقصة بالنسبة لي شلون تصريف المياه لو وجدت جوفية أو ارتفعت أو نزلت من المطر وتسربت

[معماري قطري]

تركيا ميزتها الاسلام، وقربها الجغرافي، وعادات شعبها واكلاتهم تناسبنا.
المانيا واوروبا زينة لكنها مكلفة وما فيها تداخل مع المجتمع..

تركيا يا اخي زادت اسعار العقار بسبب العراقيين خصوصاََ.. وبعدهم يجي بقية العرب.

كلامك صح إخوي سالم تركيا اسلامية وأكلهم مناسب لنا وحلال لكن ألمانيا وايد راقية ومريحة وممكن حتى آمنة أكثر والسواقة فيها متعة والزحمة ما تكون خانقة والتنظيم الحضري مسكت .. بعدين الجالية العربية والتركية وبقية الدول الإسلامية فيها وايد ومساجدهم ومدارسهم منتشرة وكذلك مطاعمهم ومخابزهم

ألمانيا نظامها السياسي ثابت أكثر تغير حزب أو رئيس ما عندك مشكلة تركيا عادي عصابة أي وقت تسرق الدولة كلها

وفي النهاية الله أعلم والبلدين حلوين وكل بلاد فيها مميزات .. للي مثلنا سفراتهم ما تزيد عن شهر أو شهرين بالكثير سنوياً .. انا تركيا آمل بسرعة حدي اسبوعين .. للي مثلنا الفنادق والشقق المفروشة المؤجرة أفضل .. بعدين سمعت نصيحة قبل لتشتري في أي منطقة اسكن فترة طويلة وقارن وأجر لو ممكن في نفس العمارة اللي مخطط تشتري فيها

[معماري قطري]

الشقة تصلح في المدن الكبيرة والعصرية، لكن خارج المدن هذي افضل بيت مستقل.. وتبقي هذي أمنيات لأن العيال أو خلنا نكون دقيقين (الزوجة) يمكن ما تبغي تعيش خارج البلاد.

مثلك الوضع عندي ولو يحصل لهم يعيشون في المولات و100 مول جنب بعض بتحصلهم يفكرون شلون يغطون كل زاوية من زوايا ال 100 مول ولو كل مول يشبه الثاني

[معماري قطري]

هذا اللي يسوي الأساسات مغربي وشغلهم معتمد على الخبرة العملية والفن والمهارة بدون حسابات وتعقيد

هنا يصبون أرضية الدرج بنوع مخلوط من السيراميك الشعبي وبدون حديد مثل ما يسوون عندنا ويتكسر بعدين بعد ما يصدي

باحط بعدين طريقة بنيان الدرج بسريع وبدائية بعد

[معماري قطري]

هذي طريقة بناء الدرج .. لاحظوا كم سمك الجسم الخرساني للدرج ومب متصل وداخل مع الطابوق مثل ما يكون في الغالب عندنا لزيادة التدعيم .. عندنا مبالغات كبيرة وخوف كأننا أوزاننا غير عن العالم وكأن الجاذبية عندنا أقوى

[معماري قطري]

بس إرتفاع العتبات مزعج 18 مب بسيط تسوي رياضة كل وقت .. مناسب للي لياقتهم زينة لكن مزعج للكبار وثقيلي الوزن وكذلك للأطفال الصغار .. يعني اللي يسوي ارتفاع 14 سم في عرض 28 سم هذا مدلع نفسه ولو قدر 13 أو 12 يكون الدلع زايد

[معماري قطري]

بعض المصممين الله يهداهم يحسسونك إن حرارة الشمس ما تدخل الا من النوافذ وهذا فكر غلط 100% .. النوافذ تعتبر عنصر تحت التحكم ودرجة عزلها مهمة وأهم شيء ما تسرب هواء وغبار وتقلل الصوت المنتقل .. ثاني شيء طبقات العزل الحراري الأهم هي الستائر ونوعيتها وسمكها ولو وجد شتر .. التظليل تأثيره بسيط جداً ومال أول نقدر نقول

الأهم في العزل الحراري هي الجدران الجانبية وشرحت أهميتها مرات عديدة