اسألني و راااااح أجاوبك

[أبوماجد]

من قلب لعبتي

/ نفسه /

الله يستر منك وعليك ياخوي الحبيب الغالي ســعــــــود ، خليتني أتخيلك مِن النوع اللي يتدربح طال عُمرك !! ههههههههه

المهم .. عليك بمليون عافية وعسى الله يجمعك مع أهلك وربعك وخلانك ولا يفرقكم "بنوب" على قولة الشوام

الجواب : نـــادر جداً وخصوصاً بعد الزواج والاستقرار لأن أولويتي أهلي والدائرة الضيقة هذي وما أحب أكبر هذي الدائرة.

ولكن لكل قاعِدَة توجد استثناءات .. يعني نروح ولكن ضمن هذي الدائرة بقدر الإمكان "يعني مُجاملات"
\
/
\
سؤال : هل تعتقد بأن الفقرات الدينية في رمضان تأخذ حقها ؟ أمام المُسلسلات والبرامج الهادمة لا الهادفة ..

[sara jsm]

لا طبعاً .. اصلا ماادري متى يعرضونهم ..
بس غالباً الفقرات الدينيه اللي قبل اذان المغرب نشوفها واحنا نجهز الطاولة بالمطبخ ..

:

س/ نفسه ؟

[أبوماجد]

لا طبعاً .. اصلا ماادري متى يعرضونهم ..
بس غالباً الفقرات الدينيه اللي قبل اذان المغرب نشوفها واحنا نجهز الطاولة بالمطبخ ..

:

س/ نفسه ؟

لا تأخذ حقها طبعاً .. والفترة اللي نتابع فيها التلفزيون والبرامج مِن بعد الفطور إلى أذان العشاء
\
/
\
سؤال : طلع كلام كثير مؤخراً عَن مضار الفيمتو !! ايش رايك في هالموضوع عموماً ؟

[sara jsm]

مايهمني .. من انولدت وانا افطر على تمر ولبن

:

س / اي سنه دخل الفيمتو في قطر ؟ ولا من كثر الاعلانات التجاريه صار اساسي عالسفرة ؟

[سعود.]

الفيمتو الاصلي خطير جدا كله سكر ومنكهات ووووالخ حاليا ومن قبل الحصار عندنا منتج قطري شركة ( روعه ) نفس اطعم بس قريبا اقل سكر صدق انه ماطاح ولا نبطح بس اخف منه

…. نفسه ….

[أبوماجد]

مايهمني .. من انولدت وانا افطر على تمر ولبن

:

س / اي سنه دخل الفيمتو في قطر ؟ ولا من كثر الاعلانات التجاريه صار اساسي عالسفرة ؟

بحثت عن الجواب ولقيت أنه دخل للبحرين عام 1927م مِن بريطانيا وانتشر في الشرق الأوسط عام 1930م

لما تم تصنيعه في بريطانيا عام 1908م كان اسمه ( vim tonic ) كان عبارة عَن صودا مُنشّطة

وتم إختصار الإسم إلى ( vimto ) تم تسجيله كدواء في عام 1912م وهذي كانت أهَم المعلومات اللي قريتها
\
/
\
سؤال : شرابك الساخن المُفضل اللي يقند راسك .. ما هُوَ ؟

[sara jsm]

شاي سليماني منعنع

:

س / عصرية رمضان كيف تقضيها ؟

[توشيبا]

طالع من الصاله داش المطبخ

طالع من المطبخ داش غرفتي

طالع من غرفتي داش المطبخ

طالع من المطبخ داش الصاله

لحد ماياذن المغرب


السوال نفسه ماحب اسال احد

[سعود.]

طالع من الصاله داش المطبخ

طالع من المطبخ داش غرفتي

طالع من غرفتي داش المطبخ

طالع من المطبخ داش الصاله

لحد ماياذن المغرب


السوال نفسه ماحب اسال احد

ههههههههههه نفسي اجاوب ولا احب اسال

[sara jsm]

هههههههههه توشيبا وضعك صعب ..
عالاقل روح تمشى بالفريج بيروح الوقت بدال القلق اللي مسويه للي بالبيت

:
العصريه غالباً اقرا قران او اتمشى بالحوش ..

:

س / مكان في قطر ودك تزوره ؟

[سالم الزهران]

ودي ازور الشمال والشاطي اللي كان يصوره اخونا بو نفس مع اني متأكد انها راحت علي شوفة السيف على طبيعته.
:
نفس السؤال

[sara jsm]

من زين المكان كله صبخة ..
ودي اروح العديد .. عمري مارحته

:

س / شنهي الاشياء اللي ماتسامح فيها مهما صار ؟

[سالم الزهران]

موالاة الظالمين
:
نفس السؤال

[سعود.]

الغش والسرقة

( نفسه )

[sara jsm]

اللي يضرني بدون سبب .. مااسامحه لين اموت

:

س / مستعد لرمضان ولا كنت تبيه بعد باجر ؟