يوتيوبيات البناء .. مقاطع تثقيفية متجددة

[معماري قطري]

جزاك الله خير يبو عبدالله

وجزاك الله بالمثل إخوي بو زيد

بعد شوف هذا حائط استنادي قوي والمفروض الطابوق مركب صح بمونة كفاية بين طابوقة وطابوقة وواضح الطابوق اللي فوق مب مشتغلينه عدل .. انا أكتب هذي الملاحظات في اليوتيوب حتى يستفيدون اللي يتابعونه

مقاس الطابوقة 39 سم في 19 سم ليش؟

السبب خط المونة يكون بسمك 2 سم بعد التركيب يعني أثناء وضع المونة تكون بحدود 2.5 سم بعد ما تنضغط شوي توصل حول 2 سم وهذي ال 2 سم تروح 1 لليمين و 1 لليسار وتستوي عندنا كل طابوقة راكبة 40 سم .. بعد ليش؟

السبب إن مقاسات البناء نحاول نخليها بين عمود وعمود أثناء التصميم مضاعفات ال 40 سم حتى يقل الهدر في الطابوق وتسوي صف طابوقة كاملة وصف يبدأ بنص طابوقة من كل جهة .. حتى في بعض الدول نص الطابوقة يصنعونها جاهزة وبعض الدول يصنعون طابوق زاوية على شكل حرف l هذي كلها تصب في منطق البناء والهندسة

أشوف استشاري مسوي المسافة بين عمود وعمود مثلاً 10.07 متر أعرف إنه شغله مب مضبوط واللي يركب بيكسر تكسير غلط

بعدين ما ننسى شيء مهم مقاس الغرفة النهائي حلاته يجي مضبوط كل ضلعين متقابلين نفس المقاس بالضبط قد ما نقدر والمقاس من زاوية للزاوية المعاكسة متساوي في الجهتين .. يعني تفرق ملمترين ثلاثة معقولة مستحيل تجي بالضبط وبقيس مكتبي بعدين بجهاز الليزر

[معماري قطري]

دوم كنت أنصح بالحديد المغلف إيبوكسي وهذا بيتي الحمد لله مبني من 17 سنة بنفس الحديد بالكامل والحمد لله بلا شلوخ ومشاكل صدأ لحديد الخرسانات .. عندنا بناية بعد أتممنا بناءها سنة 1999 وفي الدوحة وفحص التربة بين ارتفاع المياه الجوفية وسويناها حديد ايبوكسي .. اللي بيركبه وبيخدشه ومب محتاط لتركيبه صح أكيد بيدخل في المشاكل اللي تكلم عنها المهندس هنا ولا بيستفيد ومب أي مقاول بيقدر وبيعرف يركبه ويعتني به ولا أي استشاري بيعرف يصمم باستخدام الحديد الايبوكسي يحتاج نزيد طول الحديد المثني في الأخير المسمى بالمرساة أو Anchor Bend وهذا مهم حتى يثبت الحديد داخل الخرسانة وأصلاً يزيد ثباته مع تصلب الخرسانة ووصولها لأقصى قوة

ما ذكره المهندس عن الخرسانة القديمة هي كانت مونة وليست خرسانة من خليط معجوني من الرماد البركاني في روما وايطاليا قبل اكتشاف الاسمنت .. شغل يدوي وكان عندنا شبيه له الجص اللي يستخرج بحرق بعض الحجارة الجيرية وطحنها وتسوي نفس المفعول تقريباً بس الخليط الأول بركاني رمادي اللون والثاني مسود بعضه من الحرق والغالبية بيضاء أو مائلة للبياض .. هذا منقول من قوقل تأكيد لكلامي

What cement did the Romans use?
Instead of Portland cement, the Roman concrete used a mix of volcanic ash and lime to bind rock fragments. The Roman philosopher Pliny the Elder, described underwater concrete structures that become “a single stone mass, impregnable to the waves and every day stronger.” This piqued Jackson's interest.

[معماري قطري]

[معماري قطري]

[معماري قطري]

[سعود.]

من سكنت وانا اقول بشتري سلندر غاز وساعة الضغط والفيديو هذا حمسنى اكثر بدل نصب محلات التكيف

[معماري قطري]

من سكنت وانا اقول بشتري سلندر غاز وساعة الضغط والفيديو هذا حمسنى اكثر بدل نصب محلات التكيف

ما شاء الله عليك تفكيرك صح .. شغلات بسيطة والقطع اللي تستبدل رخيصة بس هذي المحلات تنهبنا استوت

[معماري قطري]

[سعود.]

من سكنت وانا اقول بشتري سلندر غاز وساعة الضغط والفيديو هذا حمسنى اكثر بدل نصب محلات التكيف

تدري بعد هذا المقطع دخلت اليوتيوب وشفت كذا فيديو طلع الموضوع بسيط جدا وسهل . قريبًا سوف يتم التطبيق

[معماري قطري]

اليوتيوب إخوي سعود مدرسة الا جامعة كبيرة مفتوحة للكل

شوف هذا المهندس مخطيء خطأ بسيط يعتبر تقديري والله ما فهمت خطأه وشو بالضبط الظاهر ما سوى تدعيم صح .. رديت عليه إن الدراسة النظرية تعلم المهندس الحسابات ويضبط شغله صح من كل ناحية مسبقاً قبل لتصير مشكلة تافهة .. القصد الإستثمار في الدراسة ينفع بعدين في العمل وأخطاء المهندسين المفروض قليلة

[معماري قطري]

[معماري قطري]

[بوNasser]

من سكنت وانا اقول بشتري سلندر غاز وساعة الضغط والفيديو هذا حمسنى اكثر بدل نصب محلات التكيف

هههههه
طال عمرك في سنة من السنين انا فكرت نفس الشي و اشتطيت وشريت سلندر الغاز والساعة

وعلى طول فوق السطح

انزين التوصيل اشلون؟ ما عرفت

وين اوصل الهوز الأحمر ووين الأزرق واي مفتاح افتح؟؟؟ ما عرفت

وصلت عشوائي وبعدين

شكثر افتح الغاز وكم لازم يكون عداد الضغط؟؟؟.... بعد ما عرفت

تمت الأغراض تلوث فوق اسطح لين الله شاف لها.

وعودت على فني المكيفات يعبي غاز ويبدل الكباستر بميتين وثلاثمية.

[سعود.]

هههههه
طال عمرك في سنة من السنين انا فكرت نفس الشي و اشتطيت وشريت سلندر الغاز والساعة

وعلى طول فوق السطح

انزين التوصيل اشلون؟ ما عرفت

وين اوصل الهوز الأحمر ووين الأزرق واي مفتاح افتح؟؟؟ ما عرفت

وصلت عشوائي وبعدين

شكثر افتح الغاز وكم لازم يكون عداد الضغط؟؟؟.... بعد ما عرفت

تمت الأغراض تلوث فوق اسطح لين الله شاف لها.

وعودت على فني المكيفات يعبي غاز ويبدل الكباستر بميتين وثلاثمية.

ههههههههههههه

الرابط الي حطه بوعبدالله واضح جدا وسهل . وهذا شوفه بتفصيل الممل
صدقني بشتريه وباذن الله تضبط معنا عاد موب قايلكم علشان محد يقولي تعال عب غاز

https://youtu.be/YlfGPjkXkJU

[سعود.]

الكمبريسر والكباستر فقط بخليها ع الفني اما الغاز شغل يدي