يوتيوبيات البناء .. مقاطع تثقيفية متجددة

[معماري قطري]

يا ساتر شهاللون بالغلط طلع شيفكنا من سين جيم ألحين

[معماري قطري]

[معماري قطري]

أشياء كثيرة ما حبيتها منها توزيع الحمامات والشورات مرمية في مكان ضيق قرب الكرسي وبدون عزل عن ترشش المياه .. بعضها المفروض كرسي ومغسلة حاطين شور .. السعر ما حطوه بس أتوقع موقعها جيد ومناسبة لكثيرين

[معماري قطري]

وإحترقت المروحة راح عليك المكيف وتم البيت كله مكيفلس .. كلما زاد التعقيد تزيد المشاكل ذيلا المسوقين يحاولون قد ما يقدرون يبيعون بعد البيع تعال ذكرهم بكلامهم بيقولون الغبار خرب المروحة واحترقت دورة الكهرباء تبي جديدة انتظر شهرين بنطلبها وبتكلفك كذا وكذا وادفع قبل

[معماري قطري]

فهمت أشياء وأشياء ما فهمتها

[معماري قطري]

كلام مبسط عن الضغوط الحرارية في المواد وشلون الاستطالة في الخرسانة والحديد مع زيادة الحرارة لين 50 درجة تتغير لين حدود نص سم في العشرة متر أو في ال 1000 سم بحدود 0.05% وتأثيرها قوي لو ما سوينا فواصل تمدد مناسبة .. يعني بيتنا يتغير خلال السنة لو كان 20 متر بحدود 1 سم يزيد عرضه ويقل وهذا يسبب كراكات في كثير من العناصر والعزل الحراري الشامل للبيت كله يخلي التفاوت في الحرارة يقل لآخر درجة .. يعني ممكن بدال 50 درجة نموذج التجربة يقل لحدود 10 درجات + أو - وتقل الاستطالة لحدود 2 ملم بدال 1 سم .. أكيد بالإضافة لتقوية العناصر الإنشائية كلها وأهمها الطابوق وتركيبه ولازم نسوي فواصل تمدد للبيوت العادية ما لها داعي لكن لقصر كبير ضرورية ولازم فواصل تمدد وانشاء خاصة

[sara jsm]

يا ساتر شهاللون بالغلط طلع شيفكنا من سين جيم ألحين

بطييييت عيونا بالفسفوري

:

حرام ذي مغاسل .. حلاتهم بوادي حق الشوربات والباجة

[معماري قطري]

بطييييت عيونا بالفسفوري

:


حرام ذي مغاسل .. حلاتهم بوادي حق الشوربات والباجة

انا حسبتهم كيك .. بس صج الفسفوري غلطة ومشيتها ما اقدر اعدل

[معماري قطري]

تجربة ممتعة رجعتني لأيام الدراسة بدأ بتصميم متوازن حديد بقطر بسيط رقم 3 تعني حول واحد سم سمك الحديد ولاحظوا العلوي بس يمسك السفلي وخفيف

ثلاثة تعني 3/8 من الانش بالقياس الأمريكي وductile failure تعني الجسر يعطي استطالة معقولة وانحناء لين يفشل يقاوم أكثر

نهاية الاختبار حصل عندنا فشل قطعي اللي يسمونه بالنجليزي شير فيلير shear failure وحصل انسلاخ لبعض نهايات الحديد الانسلاخ مستبعد في وضع طبيعي والحديد مربوط مع حديد العمود لكن المهم أكثر هو السماح للعنصر بتحميل الوزن على الحديد وموازنة الحديد الطولي مع الكانات أو ال stirrup العرضية وهذي تقاوم القوى القطعية

[معماري قطري]

عندنا للأسف يمكن 90% من التصاميم الإنشائيىة فشل مثل العينات 3 و 4 و 5 نموذج 2 و 1 ما نحصله الا عند الإستشاريين المتمكنين وعندهم الخبرة الكافية

[qatari911]

التحدي يخلص في شهرين هو مهندس يحب شغله ومافيه تلاعب من شركات البناء والشركات الثانيه ((مشاء الله تم البناء في 33 يوم))
تمل البناء كامل من اثاث وكهرباء من كل شي
وتكلفة الفيلاه عظم اعتقد 850 الف من غير تأثيث

[معماري قطري]

التحدي يخلص في شهرين هو مهندس يحب شغله ومافيه تلاعب من شركات البناء والشركات الثانيه ((مشاء الله تم البناء في 33 يوم))
تمل البناء كامل من اثاث وكهرباء من كل شي
وتكلفة الفيلاه عظم اعتقد 850 الف من غير تأثيث

يطلع المتر المربع 2760 ريال بدون المصعد وأتوقع المصعد حول 70000 الى 120000 وممكن فيه نوعيات أغلى حسب الإختيار

السعر معقول بسبب صغر المساحة لكن لو بنبني 1000 متر مربع بيكون 2.76 مليون + بعد قيمة الأرض .. عندنا إخونا صالح جوهر يبني بالحديد البارد والإسمنت بورد ومستعد يبني لين 5 أدوار وبنيانه معزول بحدود ممتازة

هذي رسالته اليوم على القروب في الوتس أب

السلام عليكم جميع ، معاكم اخوكم بوفهد . سعر البنيان السريع عندنا في الشركة ب 1850 تشطيب تسليم مفتاح .
واذا بس مع تمديدات الكهربا و بيبات الماي تقريبا 1450 ريال .
وهذا موقعنا في*الانستغرام*

https://www.instagram.com/innovationqa_/?igshid=MzRlODBiNWFlZA%3D%3D

للي يحب يطلع وانا لي نية البناء عن طريقهم بإذن الله فوق سطح بيتي

[معماري قطري]

التنفيذ بعد عندهم سريع وأكيد حسب المطلوب

[سالم الزهران]

الله يوفقكم جميع اخونا بو عبد الله، هذا اامطلوب نبغي تقنيات حديثة واسعار معقولة

[معماري قطري]

الله يوفقكم جميع اخونا بو عبد الله، هذا اامطلوب نبغي تقنيات حديثة واسعار معقولة

آمين وربي يوفق الجميع .. بعد ما ننسى الضريبة عندكم غالية بتزيد السعر 15% بيستوي من 2760 الى 3174 .. النوع الثاني الحديد الغالفانيزد البارد يختلف اختلاف كبير والنظامين جيدين ونفخر بالشباب اللي يشتغلون هذي الشغلات ويتابعونها ونتمنى لهم التوفيق سوقنا صعب وايد يمكن سوقكم أسهل