تويت
هنا مازج بين النعلة المخفية والعادية بورسلان
-
هنا مازج بين النعلة المخفية والعادية بورسلان
-
تطور السينما المنزلية لدرجة الإضاءَة التفاعلية .. يقال إن النظام موجود عند فيرجن لعشاق السينما المنزلية
تعليق
-
لازم أشغال يجيبونه عندنا ويأجرونه للشركات اللي تشتغل .. هذا تكلفة تأجيره حول 10000 يورو في اليوم في سويسرا وحسب سعته وكبره يزيد السعر هم ذاكرينه بين 10 ورقم ما اذكره
تعليق
-
يقول 8 سم يحقق متطلبات الكود لمنطقة الرياض من العزل الحراري 0.34 لليو فاليو .. انا حصلت ب 10 سم 0.25 وهي أقل وأفضل عن طريق مختبر راسلته يحسب للي يحب حسب المواد المركبة للحائط .. بس ما عطاني اوبشن الطابوق الخارجي للتكسية وهذا يزيد اليو فاليو بمقدار جيد يعني انا أتوقعها تحت ال 0.2 وهو عزل ممتاز .. المشكلة بس بتكون عندي جسور حرارية في منطقة الأعمدة وهي قليلة ولها حلول وكذلك منطقة الدرايش والأبواب وهي بعد تغطيها طبقات الستاير ونظام الزجاج طبقتين وغاز عازل بس مهما يكون اليو فاليو تكون مرتفعة حول 0.75 .. لذلك حسبة اليو فاليو بطريقة مبسطة 0.2 ضرب المساحة اللي تغطيها الجدران المعزولة العزل الجيد + اليو فاليو اللي نحصلها في منطقة الجسور ضرب مساحة الجسور + اليو فاليو اللي نحصلها في منطقة الأعمدة ضرب مساحة المناطق اللي فيها الأعمدة + اليو فاليو اللي للدرايش والأبواب ضرب مساحة الدرايش والأبواب .. كلها مقسومة على المساحة الكلية تعطينا المسماة U average وهي درجة العزل المتوسطة هذي مهمة حتى نعرف عزلنا فعال أو لا وفي وشو إحنا مقصرين ونحتاج عزل إضافي
ملاحظة بعض الدرايش العادية خصوصاً الألمنيوم وبدون زجاج مزدوج تعطيك يو تعادل 3 أو 4 .. هذا شيعني؟ يعني لو سويت نظام فعال للجدران يعطيك 0.2 والدرايش 4 الدرايش تدخل حرارة 4/0.2 = 20 ضعف اللي تدخل من نفس المساحة للجدار .. لكن لو وصلنا بطبقات الستاير والعزل للدريشة ل 0.6 مثلاً هذا معناه منطقة الدريشة تدخل 3 أضعاف الحرارة اللي تدخلها منطقة مساوية من الحائط.
انا طبعاً أفضل نظام العزل طابوق 20 داخلي مجوف + عازل 10 سم + فراغ تهوية إن أمكن 2 سم + طابوق 10 سم خارجي + طبقات البلاستر والصبغ الداخلية والخارجية
تعليق
-
حتى نقدر مفهوم العزل الحراري وفائدته لنا .. اليو فاليو عبارة عن طاقة بالواط في المتر المربع في فرق الحرارة بالدرجات .. يعني 0.2 تدخل 0.2 واط كل وقت معين نسيت شكثر بالضبط دقيقة أو ساعة ومن كل متر مربع ولكل درجة حرارة ارتفاع أو هبوط ( فرق الحرارة بين الداخل والخارج ) ولو عندنا الجدران العادية ممكن تعطينا عزل يو فاليو 1 يعني تدخل عندنا 5 أضعاف الطاقة الحرارية اللي تدخل من جدار اليو فاليو فيه 0.2 لذلك تستهلك مكيفاتنا سرعة تشتغل بكامل طاقتها + ما نكون واصلين درجة الإرتياح الحراري والتجانس الحراري في كل البيت ونحتاج نكيف كل مكان ولازم الهواء يوصلنا مباشر قرب الجدران حرارة عالية وقرب التكييف برودة قوية
تعليق
-
شرح لأهم عناصر وسمات المنازل مغربية الطابع وهي منتشرة في اوروبا وفي أمريكا الجنوبية والشمالية
تعليق
-
لو أعلق التعليق يطول بس فيه دمج بين الحديقة والداخل وفيه تعدد للأقواس ولفتحات النوافذ تختلف لكل دور .. فيه تناظر مع كسر بدرجات معينة للتناظر وهذا شيء جيد
تعليق
-
شفت فيديو في التيك توك ونقلته للوتس أب بس شلون للمنتدى ما اعرف لازم انزله على اليوتيوب وشغلة ويمكن موقع اليوتيوب يرفضه خبركم حرب خفية بينهم .. بس فيديوهات التيك توك والانستغرام مختصرة وقصيرة وتفتح لنا مجال نفكر بحاول احطه هنا لو يصير .. شرح مبسط عنه هو إنه إممكن عمل التسنين تحت بالسمنت بورد أو الجبس وممكن عمل قصات تحتلف عن زاوية ال 90 درجة ممكن تكون 105 أو أكثر مثل سن المنشار
هذي محاولة مع الرابط هذا يصير أو لا الله أعلم
[img]https://i.imgur.com/1UZ8joY.mp4[/img]
تعليق
-
-
ضبط ولله الحمد وممكن مباشرة أحط رابط التيك توكالمشاركة الأصلية بواسطة معماري قطري مشاهدة المشاركة
تعليق
-
شخبطة توضيحية توضح ما أقصد بالجزء المسنن تحت حتى لدرج قائم ممكن عمل التسنين بسهولة وكذلك ممكن تلبيس الأسطح بقطع سيراميك نختارها بعناية أو رسم عليها بنقوشات معينة مثل الجبس المغربي هذا لو نحب
الشخبطة ممكن ما تكون واضحة كثر رسم دقيق بمقاسات أو ثري دي يوضح المكونات
تعليق
-
فيديو قصير نزلته على قناة اليوتيوب يشرح طريقة عمل تمديد دورة مياه البيسمنت مع مضخة الرفع .. فرم ورفع ببايب صغير حتى .. لو نفس النوع ما عندنا كل شيء متوفر مثل خزان الطرد الأفقي وكذلك مضخة الرفع بخزانها الصغير وممكن عملهم خلف حائط مستعار ممكن اسمنت بورد أو أي بورد مناسب فيه كيردي بورد من محطة البناء نقدر نسويه بعد مع فتحة صيانة
تعليق
-
كذلك فيديو قصير عن أهمية الجسر المقلوب لحواف الدرج .. هذي صايرة في بيت الوالد الله يغفر له وصج منظر مزعج وصعب اصلاحه يحتاج شغل مع إن المقاول كان جيد .. انا أشوف ممكن في مكان مثل هذا ما يحتاج انفتاح على الدرج يسويه 10 سم ومرتفع كدرابزين وممكن تكون فيه فتحات ديكورية سواء مربعة أو دائرية تعطي انفتاح بسيط على الدرج وشكل ديكوري
https://www.youtube.com/shorts/WDLLqBDxHQE
تعليق
-
فيديو عن التخشيب للسقف كذلك قصير منزله من التيك توك .. مفيد لأنه موضوع نقاشي ولي فيه تجربة كبيرة .. الخشب هذا ينفع والتقوس بسيط تأثيره بس في المنظر لو بنتركه مكشوف لكن لو بنسوي سقف مستعار ما عندنا مشكلة بشرط نحط نايلون حماية حتى المياه ما تتسرب ولا يتشرب الخشب مياه الخلطة الخرسانية
تعليق
-
الفيديو الأخير تشعبت في الشرح عنه وذكرت سالفة صارت لي كان الخشب وقتها منتهي له يمكن 5 الى 10 سنين مرمي في الأرض تضربه الشمس .. بقايا بنيان محطة بترول الحديقة جنب بيتي .. كنت وقتها ما اتفقت مع المقاول على القبة وكانت في الرسم 1.5 متر قررت أكبرها ل 3 أمتار وأسويها كلها خرسانة فيها فتحات 8 غير منتظمة للإنارة .. المقاول وصل للسقف ولازم يصب ويبي يخلص والفورمن استوت بيني وبينه علاقة طيبة بالصدفة طلع من سكان فريجنا باكستاني طيب .. واقفين فوق قال شفت الخشب ذاك باستعمله للقبة وبنسويها لك بسرعة وبدون تكلفة اضافية توافق قمت اقلبها في راسي عرض مغري .. قال بيصير شوية بروزات وتعرجات بتتعالج بالبلاستر ووالله سويناها بعد ما عدل الاستشاري على التصميم قليل وسوى جسور مقلوبة تحمل القبة وجينا على الخشب شخبطنا شخابيط لأماكن الدرايش .. سوينا حلقات وحدة للحد العلوي للدرايش وكان في قمة القبة قربها يعني وواحد للحد السفلي وكان تحت وعريض يجي لأن دوران القبة من فوق صغير ومن تحت يكبر مثل ما هو معروف .. كان الفورمن فنان ويفهم شابي بسهولة .. سوينا أماكن الدرايش رسم وسوينا قطع فلين حطيناها مكان فتحات الدرايش .. كان باقي الحديد وكان جزء منه طالع من الجسور الحاملة حول أساس القبة والجزء الثاني ربطناه مع هذا الحديد ومددناه حول الفوم اللي مغطي فتحات الدرايش ووقت الصب الخرسانة كانت ناشفة صبوها على الحديد وبشغل يدوي لأن سمك القبة 10 سم ويمكن أقل بدون بلاستر 8 ممكن حتى تكون رقيقة وخفيفة الوزن .. في تفصيل الفوم كانت القطعة السفلية بسمك 5 سم شوي أصغر من القطعة العلوية وتستوي بعد الصب كسرة ككرسي يركب عليها الفريم .. يستوي من برا يبين ومن داخل لا ويكون فريم الألمنيوم متساوي مع سطح القبة الخارجي .. كانت أفكاري وتصميم ارتجالي على أرض الواقع .. هذا الكرسي على شكل l يلتصق في الفريم من جهتين بدال جهة وحدة ويعزل زين بسيليكون جيد وفوق مكان اتصال الفريم مع السطح تمت تغطيته بما يسمى فلاشنغ بالانجليزي ألمنيوم يثبت بلاصق وبراغي بالعربي والله ما تحضرني ترجمة مناسبة لها هذا يغطي الفتحة البسيطة المعباة سيليكون بين الفريم وجسم القبة الخرساني
عجبتني فكرة الخشب القديم بعد ما تشطبت القبة طمعت شوي وقلت ليش ما اسوي كل الدرايش مقوسة وبعد تكلمت مع قطر يو بي في سي عن التعديل ولو يأثر على التكلفة وكنت حاسب حسابها ومسوي العقد بشكل مسبق وكانت الدرايش سيدة سويناها مقوسة بعد موافقتهم ان السعر ما يتغير
تعليق
تعليق