مدرسة الشويفات الدولية في قطر

[هتـان قطر]

اقتباس المشاركة الأصلية كتبت بواسطة الساهر   والله ياخوي الفرقان والأندلس مايمدحونها انا انصح اي واحد يدخل عياله في مدارس مستقله ممتازه احسن حتى من المدارس الخاصه بس اسال ماراح تضيع وبعدين التربيه في البيت مش في المدرسه التاثير الكبير بين الاب والام هم الي يعلمون العيال وشو العدل وشو الغلط والواحد يتحمل من الدلع

الساهرة ..اختي على اي اساس ما يمدحونها..وش العذاريب اللي فيها

انا جربت الحكومية وجربت المستقله والحين السنه هذي جربت الاندلس..

الصراحة كبدايه اعتبرها ممتازة جدا..

احنا وش اللي نبي عيالنا يتعلمونه من المدارس..؟

طبعا نبي لغة عربية سليمة..نبي يحفظون القرءان الكريم

نبي يحافظون على الصلاة..وهذا كله موجود في مدرسة الاندلس..

وحده من قرايبي تشتكي من مدرسة بنتها المستقله..تخيلوا لين الحين

ما تعرف من الحروف الا حرف الدال..ما فيه منهج للغة العربيه..!!!

كل شي بالانجليزي حتى المنشورات واللافتات اللي على الجدران تقول

بالانجليزي.. اول ما علموهم ..علموهم يقولون مس فلانه للمدرسه

وبليز باث روم.. في ذمتكم هذا تعليم..
 

 

[ضوى]

انا عيالي اول ما دخلو مدارس كانت مدارس حكومية ، وبعدها كل مدارسهم صارت مستقله والحمد لله كل المدارس اللي تعلموا بها رهيبة والله ما في احسن منها

اتكلم عن المدارس التالية

مدرسة نسيبة بنت كعب حكومي ، مدرس خديجة مشتقلة

عمر بن الخطاب ابتائي

ابن سينا نموذجي ، اليرموك اعدادي ، الدوحة المستقلة

الصراحة ماشاء الله تبارك الله دين وعلم وانجليزي ولا احسن

اكيد فيه مدارس مستقلة سيئة ولله الحمد ما صدفت الا الزين وكل هذا بتوفيق من رب العالمين
 

 

[vip-qtr]

هذا كلامي قلته في موضوووع ثاني وارد اكرره

التــــــــــــــــــــــــــربيه في البيت اهم شي

الصراحه الكلام اللي ينقال عن شويفات ماشفته ابدا ومناهجهم في الانجليزي والرياضيات والعلوم قوي ومناهج العربي والشرعيه والاجتماعيات نفس الوزاره بس عندهم كتاب تدريبات زياده للغه العربيه والاجتماعيات يعني تدريبات زياده عن منهج الوزاره المدرسه قويه وشديده يعني محد يقدر يكمل فيها بسبب كثره الامتحانات اليوميه والاسبوعيه والشهريه يعني بالعربي مدرسه منظمه نظام في نظام والتزام

انا بصراحه 3 من هلي تخرجوا منها واقبلتهم احسن الجامعات وتخرجوا الحمد لله وكانت الدراسه بالنسبه لهم في الجامعه سهله على كلامهم كله ماخذينه في المدرسه والحين مدخل 2 من خواني اشوفهم ماشيين...بس اللي متعبهم الامتحانات وكثرتها .

هذا رايي عن المدرسه من شي شفته بعيني وعشت معاهم

والكلام اللي انقال على ان المدرسه تنصيريه و انهم حاطين هدايا في طاولات الطلبه وانه بابا نويل هو اللي جايبها وان هالشي صار بالدوحه تراه كله كذب ماسمعنا بهالشي >>>بالعقل لو صار هالشي الطفل بنفسه بيجي من المدرسه بيتكلم بيقول صار كذا وكذا وسالت عن هالشي من اللي كانوا يدرسون في المدرسه(طلاب )قالوا هالكلام ماصاااار
 

 

[امـ حمد]

مدرسه المها يمدحونها



وعيالنا يدرسون فيها


فعلا ممتازه من اداره ومدرسات
 

 

[(السيف)]

اقتباس المشاركة الأصلية كتبت بواسطة qarooob   بقول لكم موقف حق بنت رفيجتي في نفس المدرسه تقول دخلت على بنتي لقيتها الصدمه تسوي علامه الصليب على الوجهه وجسمها صرخت عليها شتسوين قالت انتي قلتي لي صلي انا جالسه اصلي قالت شنو صلاته قالت اصلي على المسيح والعذراء معلمتي ماريا علمتني وطلعت بنتها على طول وصار لها سنه وشوي تحاول تنسيها اللي تعلمته ولين يومكم والبنت مب قادرين يعلمنها ترجع تصلي صلاتنا

عفوا ايها الاخوة .... الم يعلق احدكم على هذه الكلمات ..... استغفر الله العظيم
 

 

[هتـان قطر]

اقتباس المشاركة الأصلية كتبت بواسطة (السيف)   عفوا ايها الاخوة .... الم يعلق احدكم على هذه الكلمات ..... استغفر الله العظيم

اخوي السيف اذا الاباء راضين..واهم شي عندهم ان الولد او البنت يتكلم انجليزي

وما يهمهم ما الثقافات وماهي الافكار اللي راح يجنيها الولد من هذي المدارس..

يا ناس عيالكم امانه في رقابكم وانتوا مسؤولين امام الله عن تربيتهم وتعليمهم

وما الذي غرستوه فيهم من قيم وفهم لعقيدتهم ..

هل تألم احد الاباء او الامهات عندما يرى ابنه او بنته ما يعرف يكتب حتى اسمه بالعربي..؟

اللي ابي افهمه ليش اذا الولد تكلم انجليزي اعتبروه مثقف وواعي وما شاءالله عليه..؟
 

 

[شويهينــه]

وش فيها المدارس العاديه
كلنا درسنا فيها وتخرجنا منها
تخرجوا مهندسين ودكاتره ومدرسين
ماشوف ان انجليزيتنا ناقصها شي
يعني الاساس كان سليم
والا هي بس سالفه مفوشر عند الناس والله عيالي يدرسون في مدرسه اجنبيه؟؟
خلو عنكم هالحجي اللي له بارض دراسه بيدرس واللي يبي يلعب والله لو وين تحطونه مب فالح
 

 

[سيزن]

اقتباس فعلا نا اعرفه ان الفرع الاول كان في لبنان وكان الهدف تبشيري وتنصيري والله اعلم ..

قال تعالي ( يا ايها الذين امنو قو انفسكم واهليكم نار وقودها الناس والحجارة )