الرخام الاسود ، والابيض . ما أسمائهم ؟؟

[Chambray]

السلام عليكم
ابحث عن رخام ابيض و رخام اسود

لكن ماعرف ماهي انواعهم او اسمائهم ..

مانعرف الا الاونيكس Onyx
والكريم مارفيل

معظم الاونيكس في الدوحة هو باكستاني المصدر .

اصحاب الخبره رايكم ..
 

 

[شموخ دائم]

,

,


مرحبا

الرخام اسمائه كثيره ومن كثرتها صاير مشكله بالمحلات كل دوله تحط اسماء خاصه فيها
وكل محجر له اسمائه الخاصه ومن كثرها صاروا يحطون رقم كود
وبعض المحلات يطلب اسم خاص له

عموما




الاسود هذا اسمه جلاكسي ويمتاز فيه نقط صغيره وهو اسباني



هذا اسود في الحمام
عاد بقطر من المستحيل حد يركب في الحمامات ارضيه رخام

طبعا السبب هو عدم الجرائه في التغيير


ابسولتي بلاك



ابسولتي بلاك ( هندي ) ABSOLUTE BLACK ويستخدم في المطابخ والمغاسل اكثر شي والدرج الخارجي
وهو جرانيت وليس رخام وقوي جدا






ابيض كراره ( ايطالي ) يستخدم بكثره للدرج
ويوجد منه كراره ( تركي )



امبرادور ( فاتح ) يوجد منه بسوق قطر اسباني ويوجد منه ايطالي ويوجد منه تركي
وارخص نوع فيهم التركي وكلهم جيدين في الكوالتي

حمام كامل رخام امبرادور ارضيات وحوائط




اليكاندا ( اسباني ) ويوجد منه تركي لونه قريب الاحمر او البرتغالي والمشمشي



جرانيت هندي



الصوره هذي للدرج بالوسط كريم مارفيل بيج وعلى الاطراف دارك امبرادور وهو البني الغامق
مزج الرخام في بعض اكثر من لون اجمل من اللون الساده



الدرج كريم مارفيل ساده مع الصاله طالع عادي لانه لون واحد مع انه غالي سعره



هذا برلاتو ايطالي ممتاز جدا للدرج والبرندات


,

,


شموخ دائم



 

 

[الســـهم]

مرحبا اخوي Moyen Orient ..

اغلب الرخام الابيض الموجود فالمحلات من نوع ( كرارا ) , وتلقى فيه عروق كثيره وتقريبا مايل للرصاصي اكثر من الابيض ..

فيه نوع ثاني اسمه ( بيانكو ) , واعتبره من افخم انواع الرخام الابيض , ولكن مشكلته انه غالي والمتر المربع بـ 800 ريال تقريبا ..

انا خذت رخام تركي لونه ابيض اسمه ( افيون وايت ) وفي منه بعد ( افيون سكر ) ومتره بحدود الـ 280 ريال تقريبا , موجود حاليا بالموقع عندي وماتركب اذا حاب تشوفه حياك الله ..

اما بالنسبة للاسود رغم اني راح اضيفه كبوردر مع الابيض , الا اني ماعرف اسمه ولكن هو اسباني تقريبا , ونصيحة اخوي ابتعد عن الرخام الباكستاني الاسود اللي يجيك فيه لون اصفر مايل للبرتقالي , شفته فكذا مكان لونه باهت جدا واكثر من شخص انصحوني ابتعد عنه ..

وان شاء الله قدرت اضيف لو معلومة بسيطة فالموضوع ..