++++++ مصاعــــد فوجــــي (( المفتاح )) ++++++

[متفاءل]

السلام عليكم

الموضوع تكرر واااايد لكن ماوصلت حق شي !!!!!

ابي اعرف كل شي عن مصاعد فوجي
صناعة الكبينة ؟؟؟
صناعة المكينة ؟؟
جودة المصعد ؟؟
الخدمة بعد البيع ؟؟
السعر اذا حد ركب لــ 5 أشخاص؟
كم سنة شركة المفتاح شغالين في المصاعد ؟؟

والسرعة 5, في الثانية هل هي السرعة مناسبة لمصعد الفيلا ؟؟؟

واايد اسأله بس تدرون ان شي مهم ومب ناقصين خساير

تحياتي للجميع
 

 

[PGR]

عندنا مصعد فوجي مركبينه تقريبا من سنه ,, الكبينه تصنع في الصين(على ماذكر), المكينه يابانيه,, جودة المصعد اعطيها 10/10 (طبعا على حسب الكبينه اللي بتطلبها وتصميمها),, خدمة ما بعد البيع لحد الان مافي مشاكل ويجون بشكل شهري يشيكون على المصعد,, السعر ل 5 اشخاص ماعندي فكره ,, وبالنسبه للسرعه اذا بيت لاتحاتي السرعه لانه ما تحتاج شي سريع كلها ثواني وانت واصل(بس اسال مب خسران شي)

بالتوفيق ان شاء الله
 

 

[متفاءل]

اقتباس المشاركة الأصلية كتبت بواسطة pgr   عندنا مصعد فوجي مركبينه تقريبا من سنه ,, الكبينه تصنع في الصين(على ماذكر), المكينه يابانيه,, جودة المصعد اعطيها 10/10 (طبعا على حسب الكبينه اللي بتطلبها وتصميمها),, خدمة ما بعد البيع لحد الان مافي مشاكل ويجون بشكل شهري يشيكون على المصعد,, السعر ل 5 اشخاص ماعندي فكره ,, وبالنسبه للسرعه اذا بيت لاتحاتي السرعه لانه ما تحتاج شي سريع كلها ثواني وانت واصل(بس اسال مب خسران شي) بالتوفيق ان شاء الله

تسلم طال عمرك وماقصرت
المكينه يابانيه �� ومن الاشياء المهمه عندي .
وانشالله الاعضاء ماراح يقصرون اذا في شي ثاني
وبنطر ردهم

بس اذا ممكن تستفسر من السعر ☺
 

 

[حسن]

اانه مركب منهم صارله اقل من سنه الصندوق يتصنع في الصين والدينمو فوجي ياباني
على قولتهم سعته عندي حق 8 اشخاص على حسبتهم صينين مهب قطرين لا اذا قطرين بيشل
سته
كان عندي مشاكل في الابواب الحساسات ووتم تصليحه عده مرات
صيانتهم لاباس
سرعته زينه مايصيده الرادار
سعره 135000
بالتوفيق
 

 

[$الملياردير$]

مشكور اخوي صاحب الموضوع و خوي حسن الله يجزاك خير ...بس ممكن اسال كم المساحة اللي لازم نتركها في الخرايط ستاندروهل لها حل لوكانت اصغر او اكبر

و شي ثاني وشي احسن الشركات للي تركب

وجزاكم الله الف خير
 

 

[سهم عتيج]

اقتباس المشاركة الأصلية كتبت بواسطة $الملياردير$   مشكور اخوي صاحب الموضوع و خوي حسن الله يجزاك خير ...بس ممكن اسال كم المساحة اللي لازم نتركها في الخرايط ستاندروهل لها حل لوكانت اصغر او اكبر و شي ثاني وشي احسن الشركات للي تركب وجزاكم الله الف خير

ممكن 1,8 x 1.8 متر مناسب

والافضل 2x2 عشان تقدر تزيد السعة عندك لين 8 اشخاص

طبعا الميتسو بيشي وال اوتس هم اللي لهم شعبية كبيرة في قطر بس اعتقد ان الفوجي ارخص منهم وقد تصل التكلفة الى النصف حسب كلام الخبراء اللي استشرتهم بهذا الخصوص
 

 

[بودحوم]

اقتباس المشاركة الأصلية كتبت بواسطة $الملياردير$   مشكور اخوي صاحب الموضوع و خوي حسن الله يجزاك خير ...بس ممكن اسال كم المساحة اللي لازم نتركها في الخرايط ستاندروهل لها حل لوكانت اصغر او اكبر و شي ثاني وشي احسن الشركات للي تركب وجزاكم الله الف خير

إذا بتركب متسوبيشي 4 ركاب تحتاج 150سم في 135سم
المساحة الصافية من الداخل .
 

 

[بوخليفة83]

بعد اذن صاحب الوضوع في شركة اسمها شركة كوني للمصاعد اشرايكم فيها
عندي مصعد 1,60 في 1.60 عطوني سعر 125000 صناعة الصين
 

 

[بودحوم]

اقتباس المشاركة الأصلية كتبت بواسطة بوخليفة83   بعد اذن صاحب الوضوع في شركة اسمها شركة كوني للمصاعد اشرايكم فيها عندي مصعد 1,60 في 1.60 عطوني سعر 125000 صناعة الصين

المتسوبيشي أضمن وارخص ( 120 الف ) . خصوصاً انه ياباني 100% وصيانة مجانية للسنه الأولى
ماأنصحك بالصيني
 

 

[الزلزال]

سبحان الله