من جرب الليزر اللحية

[VIP_QATAR]

السلام عليكم

من جرب الليزر اللحية .. وممكن تعطونى تجربتكم مع الليزر تنصحون ولا ماتنصحون


وهل يبقى خضار اللحية لو شلته ؟!!! وهل بعد الليزر في اختلاف


ولو تنصحوني وين احسن مكان يضبط لليزر اللحية

وكم عدد الجلسات


انا صراحة احلق بالموس وقالوا ان الموس يسبب خضار اللحية وحساسية البشرة

ولو شليت بالمكينة تشيل شي بسيط وانا صار فترة من بعد الحلاقة بيوم يبدء يطلع الشعر

كاني ماحلقت ولاشي

هل الليزر ايشيل كل الشعر وميخلي فيه خضار ولا ان ماينفع قالوا لنا بصراحة



حبيت اعرف تجاربكم مع الليزر


ومشكورين وماتقصرون
 

 

[النهار]

ياخوي مره شفت اعلان في مجمع المنصور الطبي
اتصل فيهم يفيدونك اكثر
والله من كثر الحك بالموس صرت اكهره الحلاقه خاطري حتى الشنب اشيله بالليزر
 

 

[Mr. H]

المفروض كما ولدتك أمك , لان الليزر يقتل الشعر من جذوره
 

 

[Anas_G]

والله هاي اكبر مشكلة عندي واللحية احلقها الصبح فالليل طالعة ومن فوق قرعة ماادري ليش

المهم اتمنى من الاعضاء يفيدونا
 

 

[الأغر]

يعني تبي تكون امرد؟؟ لم يأمرنا الرسول صلى الله عليه وسلم لقوله عليه الصلاة والسلام (خالفوا المشركين وفروا اللحى وأحفوا الشوارب ) وفي حديث آخر قال عليه الصلاة والسلام (( ليس منا من تشبه بغيرنا لا تشبهوا باليهود ولا بالنصارى )) وفي لفظ : ( من تشبه بقوم فهو منهم ) عافاك الله ان تكون منهم ..
 

 

[Qa10]

اقتباس المشاركة الأصلية كتبت بواسطة الأغر   يعني تبي تكون امرد؟؟ لم يأمرنا الرسول صلى الله عليه وسلم لقوله عليه الصلاة والسلام (خالفوا المشركين وفروا اللحى وأحفوا الشوارب ) وفي حديث آخر قال عليه الصلاة والسلام (( ليس منا من تشبه بغيرنا لا تشبهوا باليهود ولا بالنصارى )) وفي لفظ : ( من تشبه بقوم فهو منهم ) عافاك الله ان تكون منهم ..

جزيت خيرا

بس اغلب الناس يستخدمونه للعارض. يعني لتهذيب المظهر وهذا المطلوب شرعا
 

 

[Qa10]

انا اعرف ناس واجد سووها. مرتاحين بس يبين مع الفتره ان الجلد مب طبيعي
 

 

[رمح الشمال]

انا مسوي ليزر بس مشكلته ما يشيل الشعر الابيض
 

 

[الأغر]

اقتباس المشاركة الأصلية كتبت بواسطة qa10   جزيت خيرا بس اغلب الناس يستخدمونه للعارض. يعني لتهذيب المظهر وهذا المطلوب شرعا

أما تهذيبا فهذا شيء آخر ..فلا بأس في ذلك اخذ ما زاد عن اللحيه وعن علي بن أبي طالب رضي الله عنه وأبي هريرة رضي الله عنه وعبد الله بن عمر بن الخطاب رضي الله عنهما وطاووس والقاسم بن محمد بن أبي بكر رضي الله عنهما، وقال الحسن رضي الله عنه: كانوا يرخصون فيما زاد على القبضة من اللحية أن يؤخذ منها.
 

 

[alma3ani]

مرحبا اخوي انا امسوي ليزر للوجه ماعاد السكسوكه والشنب

والصراحه مرتاح لان فعلا الموس جابلي حساسية مكان الحلاقة وكان ويهي يشب حساسية بعد كل احلاقة والليزر يخلي البشره نظيفه واتروح الحساسيه بس لازم تتحمل شغلتين

اول شي الليزر مشواره طولي لا تتوقع النتيجه ابسرعه يعني من جلسه ولا ثنتين يبيلك مابين 6 الى 12 جلسة

وطبعا لو تركته فترة طويله ما سويت ليزر يرجع الشعر صح اقل من قبل بس يرجع

اول كم جلسه راح اتلاحظ ان الشعر في اماكن يطلع واماكن لا يعني ممكن اللحية اتكون كنها اشو متنتفه

بس مع ذالك افضل من قبل انصحك تستمر كل 20 يوم الى شهر خصوصا اول 6 جلسات

بنسبة للي عنده شعر ابيض لازم يصبغه اسود وبعدين يطقه ليزر

والشغله الثانيه الالم لان اليزر يعور واذا ماتبي اتحس الالم في كريم اسمه املا قولهم يحطونه لك وهو يبنج الويه بس لازم اتحطه قبله ا نص ساعه وممكن اتحطه وانت بليت واتروحلهم واطق على طول اذا ماتبي تنطر وهو يخفف الالم

وحاول ما اتقل حرارة او طاقة الليزر عن 12 وانا انصح اب 14 صح بتحس بالم بس اقل شي بفيدك لان

قبل كنت اسوي الطاقة 10 وماينفع وايد من بديت اسوي 14 وانا احس ابفرق واضح لهشي اسالهم عن الانرجي الي هي الطاقه وقولهم يحطون لك 14

بتحس بالم اول جلستين ومع تساقط الشعر واختفائه يخف الالم

وفي عيادات وايد يسون ليزر مثل عيادة الدكتور حسن عبدالله سوان عند الدكتور حسن نفسه او الدكتوره سناء

وعندك في نيرس اسمها كارمن جربت عندها اخر جلستينوشغلها وايد وايد زين وانصح فيه

وعندك عيادة الدكتوره عايدة الصالح سوان الدكتورة عايده او النيرسات يسون

اخر فترة ماصرت احب اخلي الدكاتره هم الي يسون احسهم مستعيلين وبسرعه يبون يخلصون مومثل النيرسات شغلهم ابضمير ويسونه عدل ويسون رتوش عليه وكلهم متمرسات وعارفين للجهاز

وعندك عيادة الدكتور غازي

وغيرهم من الدكاتره معظم عيادات الدوحه يسون ليزر

واساسا صار الليزر امر عادي مافي حد بدوحه ماسواه

واي استفسار انا موجود سوان بلموضوع ولا راسلني