صفحة 1 من 2 12 الأخيرةالأخيرة
النتائج 1 إلى 10 من 16

الموضوع: شهالتخبطات الإدارية ولين متى؟

  1. #1
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    49,294

    شهالتخبطات الإدارية ولين متى؟

    كلنا سمع عن موضوع التسجيل المسبق لدخول البلاد للمسافرين من المواطنين وشسوى من ربكة .. من المسؤول إذا احتراز نظام صحي أمني مشترك بين وزارة الصحة والداخلية؟

    تضرر عائلة أو عائلتين وتعطل سفرهم شيء محبط للجميع لأننا كلنا كقطريين حكومة وشعب متكاتفين ونتأثر من اللي يصير .. بعدين أقل شيء يؤثر في سمعة البلاد ككل وينتشر ويطيرون به طيور الظلام حولنا وشوضعك يا مبتكر هذي البدعة بعد التراجع السريع اللي أُجبرت عليه؟

    تخبط ثاني تكلمت عنه مرات ومرات هو مواصفات الطرق عندنا والمواقف الداخلية .. مستشفى رميلة ومستشفى حمد يعتبرون واجهات للدولة من يمر عليهم يشوف كيف التموجات في بعض الطرق هناك خصوصاً في رميلة .. أما يالجهة اللي سويتي هذي الطرق تتابعين وتصينينها كل شهر مب حتى كل سنة أو تسوين شغلج عدل مثل دول العالم كلنا في كوكب الأرض والجاذبية نفس الجاذبية والتربة متقاربة بل استويتوا تستوردون تربة وقابرو وغيره من كل مكان بدون فايدة

    والتخبط دوم يسحب وراه تخبطات ارتدادية .. منطقة مجمع المناعي وما يحيط بها والمطاعم اللي انتهت صلاحيتها والناس كرهوا المرور صوبها هذي شوارعها مأساة ولها سنين ما تعدلت .. فرجاننا يعدلون منهول ويرجع يخترب ويطلعون 10 غيره لا والحفريات ما توقف كل حياتنا استوت حفريات وبمعدات بالية تعتمد على الضربات المزعجة للسكان .. ليش ما تتجهون للتفجير المدروس وبمخمدات صوت وكله ثواني بسيطة يشق الأرض حسب اللي تبغون

    التركيز على مناطق كاس العالم بس للبهرجة وبعد ذي بنيانها أشوفه بدائي ويحتاج تطوير صح .. ما صار اللي نتمناه والانترلوك مفكك وقطع مرتفعة ونفس طريقة التركيب الرخيصة البدائية السابقة لا بايبات تصريف للمطر الخفيف تحت ولا خرسانة بسيطة تثبت القطع ما تهبط ولا تتفكك رمل وصف الانترلوك عليه وقول له اقعد مكانك لتتحرك

    والموضوع متشعب وذو شجون وباضيف عليه أكيد




  2. #2
    عضو مؤسس الصورة الرمزية naklan
    رقم العضوية
    18262
    تاريخ التسجيل
    Oct 2007
    الدولة
    فوق هام السحاب
    المشاركات
    14,309
    لا تحرق قلبك الاخطاء وارده ولكن ليش التكتم على الجرذي
    الي طلع القرار وخبص الناس لو لي صلاحية ما يجلس دقيقة

    ان كان اجنبي يرجع لبلده وان كان قطري لا يدخل في مشوره او راي ابدا
    هذا اذا ما حولته تقاعد او حولته لحديقة الحيوانات مراقب قرود

    وزارة الصحة ليش يولونهم الخيط والمخيط ووين سعادة رئيس الوزرا
    وكيف مرت هالتفاهات وهل اجازها
    الله يرحم ايام الشيخ عبدالله بن ناصر كان صاحب راي سديد

    في الفلبين المسؤول في وزارة الصحة اسمه دوكي
    صارله 6 شهور مانع الطيران والمواطنين ما يقدرون يردون
    والرئيس دو ثيرتي فاتح حلجه الشور الردي مش لازم
    يقتدى او يوخذ به كل 15 يوم يمدد هههههه
    والمساكين متكدسين بعضهم انهيت خدماته ويبي
    يرجع وبعضهم عنده وفاة

    حجر صحي وانتهى الامر
    تجري الرياح كما تجري سفينتنا نحن الرياح ونحن البحر والسفن






    لا يمكن للإنسان أن يحتفظ في يديه بأكثر من كرتين من ثلاثه ؛ الصحة والمال وراحة البـــــــــــــال



    لا اله الا الله وحده لا شريك له العلى العظيم

  3. #3
    عضو مؤسس الصورة الرمزية naklan
    رقم العضوية
    18262
    تاريخ التسجيل
    Oct 2007
    الدولة
    فوق هام السحاب
    المشاركات
    14,309
    امر مضحك حد يفرض شنقن على اهله وبلده
    باقي يفرض اقامة

    ثانيا انتو الي طعمتو الناس وانتو الي تعطون الشهادة بالتطعيم
    يعني كمبيوتر يطلع لك كل شي ليش تسوي ابلكيشن وتسال الناس
    وانت صاحب الامر
    تجري الرياح كما تجري سفينتنا نحن الرياح ونحن البحر والسفن






    لا يمكن للإنسان أن يحتفظ في يديه بأكثر من كرتين من ثلاثه ؛ الصحة والمال وراحة البـــــــــــــال



    لا اله الا الله وحده لا شريك له العلى العظيم

  4. #4
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    49,294
    اقتباس المشاركة الأصلية كتبت بواسطة naklan مشاهدة المشاركة
    امر مضحك حد يفرض شنقن على اهله وبلده
    باقي يفرض اقامة

    ثانيا انتو الي طعمتو الناس وانتو الي تعطون الشهادة بالتطعيم
    يعني كمبيوتر يطلع لك كل شي ليش تسوي ابلكيشن وتسال الناس
    وانت صاحب الامر
    صحيح ما يركبون الطيارة الا مفحوصين ومطعمين فوق هذا الفحص .. ممكن باقول مقبول للي له سنتين خارج قطر يطلب إنه يجي ويحط شهادة تطعيمه وفحصه وحتى ذيه لو فرضاً ما طعم يفحصونه ويركب الطيارة ويجي وينحجر مثل غيره لو محتاجين ضمان أو حجر منزلي أما هذا التعقيد شيء غريب ويوصف بأنه تخبط إداري

  5. #5
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    49,294
    اقتباس المشاركة الأصلية كتبت بواسطة naklan مشاهدة المشاركة
    لا تحرق قلبك الاخطاء وارده ولكن ليش التكتم على الجرذي
    الي طلع القرار وخبص الناس لو لي صلاحية ما يجلس دقيقة

    ان كان اجنبي يرجع لبلده وان كان قطري لا يدخل في مشوره او راي ابدا
    هذا اذا ما حولته تقاعد او حولته لحديقة الحيوانات مراقب قرود

    وزارة الصحة ليش يولونهم الخيط والمخيط ووين سعادة رئيس الوزرا
    وكيف مرت هالتفاهات وهل اجازها
    الله يرحم ايام الشيخ عبدالله بن ناصر كان صاحب راي سديد

    في الفلبين المسؤول في وزارة الصحة اسمه دوكي
    صارله 6 شهور مانع الطيران والمواطنين ما يقدرون يردون
    والرئيس دو ثيرتي فاتح حلجه الشور الردي مش لازم
    يقتدى او يوخذ به كل 15 يوم يمدد هههههه
    والمساكين متكدسين بعضهم انهيت خدماته ويبي
    يرجع وبعضهم عنده وفاة

    حجر صحي وانتهى الامر
    ولو فتحوا لهم كل الخدم بيروحون .. عندنا 5 وكانوا يبون يسافرون مع راس السنة شكلهم يبغون يكرمسون وعرفوا إنه صعب السفر وفيه تعقيدات .. ألحين لو افتحوا لهم غالبيتهم بيسافرون وبنتورط

  6. #6
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    49,294
    ما احرق قلبي ولا شيء بس هذي أشياء تستاهل الإنتقاد وضروري تصحيحها

    وصلني فيديو لبيت ينبني طاح فجأة وكان الهيكل الخرساني مبني ومنتهي مع الطابوق وأتوقع وصل الكثيرين وهو في روضة الحمامة

    لو كان فيه قوانين ملزمة أي شخص لازم يبني مع مقاول مرخص واستشاري متابع وفيه عقاب قوي على اللي يخالف ما بنشوف مثل هالحادث .. ممكن توفى شخص وكان ممكن تتضرر بيوت جنبه لكن شكله ما حوله شيء

    ولو افترضنا اللي مشتغل له مقاول بالإسم بدون رخصة ومشى أُموره بالفهلوة مثل المتهندسين اللي يسمون نفسهم مهندسين وهم ما خلصوا ثاني ابتدائي .. هذا شلون يحاسب بدون آلية وقوانين رادعة وشلون بيطلع المالك حقه في محاكمنا اللي تاخذ عقود ولا يطلع راعي الحق منها بحقه

  7. #7
    تميم المجد
    رقم العضوية
    34399
    تاريخ التسجيل
    Sep 2010
    المشاركات
    4,569
    والله مافيه كلام بعد كلامك اخوي معماري التخبط مستمر على كل المستويات بس حنا مابغي نتكلم اما موضوع سجل في منصة وانت راجع بلادك هذا شي خلا الكثير يضحكون علينا ومثل ماقلتوا قالوا اطعموا تطعمنا قلنا ممكن الإجراءات تتسهل
    في السفر خلآص انت متطعم بيانات المفروض في سستم وزارة الداخلية والصحة بمجرد تطلع احترازك خلآص يعتبر جواز سفرك حتى فحص كورونا ليش قبل وبعد السفر المفروض هناك اتفاقيات بين الدول المتطعم ماعليه شي الواحد لي عنده عائلة من أكثر من سبع أشخاص كم بيدفع ترى جيوبنا فضت

  8. #8
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    19,540


    الذكريات التي لا تموت ، تميت .

  9. #9
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    10,852
    الموضوع يبو عبدالله (الرجل غير المناسب في المكان اللي ما يقرب له حتى من سابع جد).

    اعط الخبز خبازه تصير الحياة حلوة.

  10. #10
    عضو مؤسس الصورة الرمزية طلعة الروح
    رقم العضوية
    28499
    تاريخ التسجيل
    Sep 2009
    الدولة
    QataR
    المشاركات
    4,484
    كل مصايب هالبلد ومصايب شعبه المفروض يتعنون تحت عنوان::: فساد اداري مدروس:::
    وصدقني كل اصحاب القرار والمسؤولين يخيطون ويبيطون ومحد يحاسبهم الا اذا شاع الخبر وانفضحوا في تويتر
    وبتصير لفلفه صريحه بأن اللي قرأ القرار فهم القرار غلط وبالتالي طبقه غلط
    لعبتهم اللفلفه

    دولتنا دولة مؤسسات... اي نعم ، بس وقت الجد محد يعرف يشتغل ولا يحل خذوها مني كاش واولهم مسؤولهم العود عنتر
    سبحان الله وبحمده

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •