بطاقات ذكية تغني عن موظفي الجوازات

[قلب الأسهم]

بطاقات ذكية تغني عن موظفي الجوازات

http://www.raya.com/mritems/images/2007/10/3/2_288623_1_209.jpg

كتب مجدي صالح:

أكد المقدم مبارك الكواري رئيس قسم الجوازات بمطار الدوحة ان الاستعدادات لموسم العمرة وعيد الفطر المبارك بدأت مبكراً منذ أول شهر رمضان من خلال اعادة تنظيم ورديات العمل لضمان تحقيق الراحة لكل المسافرين.

وأضاف الكواري: ان ادارة المطار قامت مؤخرا باستحداث نظام البوابة الالكترونية التي يمكن للمسافر العبور منها دون المرور علي موظفي الجوازات وذلك من خلال بطاقة الكترونية ذكية تخزن عليها كل معلومات جواز السفر. وان هذه البطاقة مازالت تحت التجريب وسوف يتم تعميمها قريباً.

وطالب رئيس قسم الجوازات جميع المسافرين بالتأكد من صحة جميع أوراقهم الثبوتية كي لا يتعرضوا لأي مشاكل أثناء السفر.

[صليب الراي]

والله خبر مفررررررررح

ياما والله اشوف هالبوابة الالكترونية واقول متى بنستعملها

لكن الحين الحمدلله

لكن المشكلة

الحين لموظفين الدولة

اللي رايحين مهمات رسمية

شلون يستخدمونها

لأثبات اختام الخروج والدخول

عشان بدل التمثيل

هههههههههههههههه

[jajassim]

جزاك الله خير اخوى على هالنقل

بس اعتقد هنالك رسوم في حدود 300 ريال سنوية على هالبطاقةcrazy

[jajassim]

والله خبر مفررررررررح

ياما والله اشوف هالبوابة الالكترونية واقول متى بنستعملها

لكن الحين الحمدلله

لكن المشكلة

الحين لموظفين الدولة

اللي رايحين مهمات رسمية

شلون يستخدمونها

لأثبات اختام الخروج والدخول

عشان بدل التمثيل

هههههههههههههههه


هلا والله بالغالي

كلامك صحيح ،،، بس للعلم اى مكتب مختص بالمهمات الرسمية ،،لديه الصلاحية الحصول على معلومات الدخول والخروج ،، من الجوازات :nice:

[هارودز قطر]

يعطيك العافيه

[صليب الراي]

هلا والله بالغالي

كلامك صحيح ،،، بس للعلم اى مكتب مختص بالمهمات الرسمية ،،لديه الصلاحية الحصول على معلومات الدخول والخروج ،، من الجوازات :nice:


تقصد اخوي مثلا لما نطرش المعامله للمالية الحين
او للخدمه المدنيه

موظفينهم بإمكانهم التاكد من خلال نظام كمبيوتر ؟

[¤§©أم علي¤§©]

تطور جيد للمطار !!

تسلم اخوي ع الموضوع :)

[jajassim]

تقصد اخوي مثلا لما نطرش المعامله للمالية الحين
او للخدمه المدنيه

موظفينهم بإمكانهم التاكد من خلال نظام كمبيوتر ؟

كلامك صحيح ،، وخاصة صار اللحين السفر بالبطاقة الشخصية

كان عندي دورة في دبي ،، الموظفين المختصين بلغوني ،، ان ادخل البلد بعد منتصف الليل ،، حتى لا ارجع المخصص ليوم الأخير :strong

وصلت مطار الدوحة ودخلت الصالة الساعة 11:25 مساءا ،، ضليت اماطل ،، دخلت الحمام ( الله يعز السامعين ) حتى صارت الساعة 12:05 بعد منتصف الليل ،،

وبعدين عديت الجوازات ،، :strong

وبعد يومين دوامت ،، قدمت التقرير عن الدورة ،، وهم بدورهم تاكدوا من الجوازات عن طريق النظام ،، متى دخلت البلاد

وفالك طيب :nice:

[صليب الراي]

جاجاسم خلاص ترا على مسؤوليتك

اذا رحت انا مهمة رسمية مع البطاقة الالكترونية

ترا بنطرش طلب الدفع خالي من غير صور شي

لأن على قولتك في المالية او الخدمه المدنية يبين عندهم سستم خاص بالداخليه للخروج والدخول بالرقم الشخصي

كييييييييييفك ترا اذا رجع طلب الدفع انت المسؤول هههههههه

[وطن]

أنا ابي بطااااااااااااااقه

ابي اجربها في سفرتي الجاااااااااااااية

من وين ؟؟

[jajassim]

جاجاسم خلاص ترا على مسؤوليتك

اذا رحت انا مهمة رسمية مع البطاقة الالكترونية

ترا بنطرش طلب الدفع خالي من غير صور شي

لأن على قولتك في المالية او الخدمه المدنية يبين عندهم سستم خاص بالداخليه للخروج والدخول بالرقم الشخصي

كييييييييييفك ترا اذا رجع طلب الدفع انت المسؤول هههههههه


:strong:strong:strong

[jajassim]

أنا ابي بطااااااااااااااقه

ابي اجربها في سفرتي الجاااااااااااااية

من وين ؟؟

للحين ما وزوعها :deal:

[وطن]

للحين ما وزوعها :deal:

لا مكتوب حق عيد الفطر

انا ابي
حط اسمي في الليسته حق التوزيع

:deal:

[M O 7 A M M E D]

من له الحق لامتلاك البطاقة ..؟؟
- المواطنين.
-المقيمين.
-مواطنين مجلس التعاون .(يتم توفيره قريبا).


ما هي المتطلبات للحصول على هذه البطاقة ..؟؟
-الجواز(صالحة على الاقل 6 شهور)
-رسوم التسجيل:
150 ريال لمدة سنة.
250 ريال لمدة سنتين.
350 ريال لمدة 3 سنين.
-طريقة الدفع:بطاقة الكترونية او الفيزا( ما يستلمون كاش ).
-الحضور الشخصي .


مدة التسجيل : 5 الى 10 دقائق .

المكان:
-مطار الدوحة الدولي (المغادرين جنب بنك قطر الوطني ).

ساعات الدوام:
7 صباحا الى 6 مساءا.


وسلامتكم..

:)

[وطن]

من له الحق لامتلاك البطاقة ..؟؟
- المواطنين.
-المقيمين.
-مواطنين مجلس التعاون .(يتم توفيره قريبا).


ما هي المتطلبات للحصول على هذه البطاقة ..؟؟
-الجواز(صالحة على الاقل 6 شهور)
-رسوم التسجيل:
150 ريال لمدة سنة.
250 ريال لمدة سنتين.
350 ريال لمدة 3 سنين.
-طريقة الدفع:بطاقة الكترونية او الفيزا( ما يستلمون كاش ).
-الحضور الشخصي .


مدة التسجيل : 5 الى 10 دقائق .

المكان:
-مطار الدوحة الدولي (المغادرين جنب بنك قطر الوطني ).

ساعات الدوام:
7 صباحا الى 6 مساءا.


وسلامتكم..

:)




مداومين باجر؟
يبون صورة؟؟

زين يصير استخدمها اذا بدخل دول الخليج
القصد هل هذي تغني عن البطاقة الشخصية ؟؟؟

[الخيميائي]

البطاقة موجودة في ابوظبي ودبي واعتقد رسومها 200 ريال وتاخذها ب5 دقايق :)

وبصراحة تفتك من زحمة الجوازات :p

مشكور قلب الاسهم على الخبرية

[M O 7 A M M E D]

مداومين باجر؟
يبون صورة؟؟

زين يصير استخدمها اذا بدخل دول الخليج
القصد هل هذي تغني عن البطاقة الشخصية ؟؟؟

اللي اعرفه من 7 لين 6 اما يوم الجمعة والسبت ما عندي فكره الصراحة ..

وبخصوص الصورة انا وديت معاي صورة ما وافقوا ..
عندهم ألة تصوير وهم اللي بيصورونج ..

البطاقة تغنيج عن ختم الجواز في دخول وخروج البلاد ..

:)

[الخيميائي]

مداومين باجر؟
يبون صورة؟؟

زين يصير استخدمها اذا بدخل دول الخليج
القصد هل هذي تغني عن البطاقة الشخصية ؟؟؟

اعتقد تقدرين تستخدمينها في مطار الدوحة فقط

يعني لو تبين تستخدمينها في باقي المطارات الى تقبل الدخول بالبطاقة الشخصية

لازم يكون عندج بطاقة ذكية من الامارات والبحرين والكويت وعمان يعني باختصار خلج على البطاقة الشخصية احسن :p

نتمنى بالمستقبل بعد ماتتوحد دول الخليج اقتصاديا ويصير عندنا عملة موحدة ونظام جمركي موحد وجواز موحد يكون عندنا بطاقة ذكية موحدة :p

[al_lord]

ننتظر اليوم الذي يتم تطبيق نظام السفر فيه بهذه البطاقه بين دول الخليج كافه

[وطن]

البطاقة موجودة في ابوظبي ودبي واعتقد رسومها 200 ريال وتاخذها ب5 دقايق :)

وبصراحة تفتك من زحمة الجوازات :p

مشكور قلب الاسهم على الخبرية


يعني اخذ لي وحده بعد من الامارات :dance



اللي اعرفه من 7 لين 6 اما يوم الجمعة والسبت ما عندي فكره الصراحة ..

وبخصوص الصورة انا وديت معاي صورة ما وافقوا ..
عندهم ألة تصوير وهم اللي بيصورونج ..

البطاقة تغنيج عن ختم الجواز في دخول وخروج البلاد ..

:)

امحق
جان بيصوروني
بتحترق الكاميرا

:funny::funny::funny:

[صليب الراي]

يا اخوان يعني يستقبلون الطلبات نروح ؟

او لين الحين ما افتحوا ؟

ارجو الافاده


والصراحه التصوير عندهم فيه شوي احراج يعني لازم اودي اهلي الحريم عشان يصورونهم مناك !

[Qa6ar]

والله خبر مفررررررررح

ياما والله اشوف هالبوابة الالكترونية واقول متى بنستعملها

لكن الحين الحمدلله

لكن المشكلة

الحين لموظفين الدولة

اللي رايحين مهمات رسمية

شلون يستخدمونها

لأثبات اختام الخروج والدخول

عشان بدل التمثيل

هههههههههههههههه


عادي اتكون مسجله بالكمبيوتر

[Qa6ar]

اي استفسار انا حاضر

شكرا اخوي على نقل الخبر

[ajaqeel]

ياليت يكون الجهد واحد ونعمل على تطوير البطاقة الشخصية ( تكون ذكية ) بدل حمل بطاقتين واحدة ذكية والثانية شخصية
واليت توحد طريقة ألقراءة في دول الخليج وتكون بطاقة خليجية شخصية وذكية

[AL_MUTAEM]

البطاقه مستخدمه بمطار دبي من عدة سنوات وانا استخرجتها بـ200درهم وما تاخرت الا خمس دقايق .

بخصوص البطاقه اللي يستخرجونها بمطار الدوحه ماتستخدم الا بمطار الدوحه (مغادره + قدوم)

بس اتوقع مش لازم التصوير عندهم لانهم يقدرون ياخذون نفس الصوره اللي بالجواز ..

ملاحظه

اللي مستخدمه بماطر دبي لازم البصمه .. يعني ماتفتح لك البوابه الا ببصمة الاصبع ..

بس بطاقة مطار الدوحه بالبصمه ولا يكتفون بالصوره

اتوقع اذا بالصوره بتصير مشاكل وايد .

[رايق]

اعتقد تقدرين تستخدمينها في مطار الدوحة فقط

يعني لو تبين تستخدمينها في باقي المطارات الى تقبل الدخول بالبطاقة الشخصية

لازم يكون عندج بطاقة ذكية من الامارات والبحرين والكويت وعمان يعني باختصار خلج على البطاقة الشخصية احسن :p

نتمنى بالمستقبل بعد ماتتوحد دول الخليج اقتصاديا ويصير عندنا عملة موحدة ونظام جمركي موحد وجواز موحد يكون عندنا بطاقة ذكية موحدة :p


مالها داعي كلش .. انت اصلا ماخذ الجواز او البطاقة الشخصية معك .. مب ناقص تشيل بطاقة غبية زيادة ..

همممم .. احس تسلسل الأفكار عندي اليوم مخبط .. اقط الكلمات قط .. انتوا رتبوها crazy

[Qa6ar]

البطاقه مستخدمه بمطار دبي من عدة سنوات وانا استخرجتها بـ200درهم وما تاخرت الا خمس دقايق .

بخصوص البطاقه اللي يستخرجونها بمطار الدوحه ماتستخدم الا بمطار الدوحه (مغادره + قدوم)

بس اتوقع مش لازم التصوير عندهم لانهم يقدرون ياخذون نفس الصوره اللي بالجواز ..

ملاحظه

اللي مستخدمه بماطر دبي لازم البصمه .. يعني ماتفتح لك البوابه الا ببصمة الاصبع ..

بس بطاقة مطار الدوحه بالبصمه ولا يكتفون بالصوره

اتوقع اذا بالصوره بتصير مشاكل وايد .

التصوير بمطار الدوحه اخوي بمكتب اصدار البطاقات

[صليب الراي]

اوكي اخوي قطر

ياريت توضح لنا


1- متى نقدر نروح ونصدرها؟ هل يصير من الاحد ؟ او توهم لين الحين ؟
2- اذا علي عادي اروح اصور عندهم لكن قصدي اهلي شلون اطلع لهم البطاقه لازم يروحون بنفسهم
ويصورون مناك او اقدر انا اسويلهم البطاقات
3- هل استطيع استخدامها في مطار القطرية للدرجة الاولى ورجال الاعمال الخاص والمستقل ؟ ام فقط في مبنى المطار العادي ؟
انا اقصد في المغادرة من الدوحة

[الخيميائي]

مالها داعي كلش .. انت اصلا ماخذ الجواز او البطاقة الشخصية معك .. مب ناقص تشيل بطاقة غبية زيادة ..

همممم .. احس تسلسل الأفكار عندي اليوم مخبط .. اقط الكلمات قط .. انتوا رتبوها crazy

:funny:

سبحان الله القلوب عند بعضها

نفس الشعور احس اني قمت اقطع في الكتابة ويبيلي شنفرة وسنفرة مخ :p

وبعدين انت شوف الايجابيات

بيكون عند بطاقة زيادة في البوك يعني البطاقة الشخصية + بطاقات البنك وياكثرهم من فيزا وماستر وداينرز وامريكن اكسبرس والاي تم ام + البطاقة الطبية + بطاقة البريد + بطاقة النادي + بطاقة العمل + بطاقة خصم من الشاهين ورامز والعالم الجديد :p

يعني بتصير The King of Betakat :dance

ادري طلعت عن الموضوع بس الافكار الغير متسلسلة هي السبب :(

وشكرا على الموضوع والبطاقة :)

[رايق]

:funny:

سبحان الله القلوب عند بعضها

نفس الشعور احس اني قمت اقطع في الكتابة ويبيلي شنفرة وسنفرة مخ :p

وبعدين انت شوف الايجابيات

بيكون عند بطاقة زيادة في البوك يعني البطاقة الشخصية + بطاقات البنك وياكثرهم من فيزا وماستر وداينرز وامريكن اكسبرس والاي تم ام + البطاقة الطبية + بطاقة البريد + بطاقة النادي + بطاقة العمل + بطاقة خصم من الشاهين ورامز والعالم الجديد :p

يعني بتصير The King of Betakat :dance

ادري طلعت عن الموضوع بس الافكار الغير متسلسلة هي السبب :(

وشكرا على الموضوع والبطاقة :)


انت وش تقول ؟ هههههههههههههههه

:p

معلش يا جماعه امسحوها فيني .. كملوا نقاشكم

خيمو تعال برى شوي ابيك :court:

[الخيميائي]

انت وش تقول ؟ هههههههههههههههه

:p

معلش يا جماعه امسحوها فيني .. كملوا نقاشكم

خيمو تعال برى شوي ابيك :court:

:shy:

Ok The King of Betakat

اسمحوا لنا يالربع اختلاف الرأي لا يفسد للود قضية

والصلح خير

والله يتقبل طاعتكم ان شاء الله

ومع السلامة

[Qa6ar]

اوكي اخوي قطر

ياريت توضح لنا


1- متى نقدر نروح ونصدرها؟ هل يصير من الاحد ؟ او توهم لين الحين ؟
2- اذا علي عادي اروح اصور عندهم لكن قصدي اهلي شلون اطلع لهم البطاقه لازم يروحون بنفسهم
ويصورون مناك او اقدر انا اسويلهم البطاقات
3- هل استطيع استخدامها في مطار القطرية للدرجة الاولى ورجال الاعمال الخاص والمستقل ؟ ام فقط في مبنى المطار العادي ؟
انا اقصد في المغادرة من الدوحة

الدوام طوال ايام الاسبوع من الساعه السابعه صباحا الى السادسه مساء طوال ايام الاسبوع

وتقدر تستخدمها بصاله الدرجه الاولى وصاله المغادره العاديه

لازم صاحب العلاقه يروح بنفسه يسوي البطاقه

[رايق]

:shy:

Ok The King of Betakat

اسمحوا لنا يالربع اختلاف الرأي لا يفسد للود قضية

والصلح خير

والله يتقبل طاعتكم ان شاء الله

ومع السلامة

لا ترووووووووووح

بتونس فيييك و انت معااياا :D

زين شرايك لو سووا بصمة العين .. يعني و انت طالع من البوابه تقز الجهاز و يقرا بياناتك بلا بطاقة ذكية .. ما تشوف انها عملية اكثر ؟

[السديم]

لا ترووووووووووح

بتونس فيييك و انت معااياا :D

زين شرايك لو سووا بصمة العين .. يعني و انت طالع من البوابه تقز الجهاز و يقرا بياناتك بلا بطاقة ذكية .. ما تشوف انها عملية اكثر ؟


:looking::looking::looking:


:con2:

[رايق]

:looking::looking::looking:


:con2:

مش عملية ؟

بصمة خشم طيب ؟ :looking:

و الواحد طالع من البوابه يقول للجهاز "خشمك"

[السديم]

مش عملية ؟

بصمة خشم طيب ؟ :looking:

و الواحد طالع من البوابه يقول للجهاز "خشمك"

crazycrazycrazy

:funny::funny::funny: بس بصراحة ضحكتني :p

[AL_MUTAEM]

التصوير بمطار الدوحه اخوي بمكتب اصدار البطاقات

يعطيك العافيه اخوي قطر ..

بس انا كنت استفسر عن اكتفاء ادراة المطار بالصوره الشخصيه ولا بالبصمه كما متبع ببعض الدول التي سبقتنا بهذه البطاقه ..

لان اللي اعرفه لازم البوابه الذكيه اللي تغنيني عن المرور على موظف الجوازات ولا البوابه تتعرف على الشخص من صورته بالبطاقه ..!:con2:

يمكن يحطون موظف يشييك على المسافرين .. وموظفه للنساء

[relaax]

لا ترووووووووووح

بتونس فيييك و انت معااياا :D

زين شرايك لو سووا بصمة العين .. يعني و انت طالع من البوابه تقز الجهاز و يقرا بياناتك بلا بطاقة ذكية .. ما تشوف انها عملية اكثر ؟

كنت حأولها :eek2:

عمليه و مافيها تلاعب

واحد شارد - عليه امر قبض - منع من السفر

ياخذ بطاقة اي شخص ويطلع بها :looking:







مش عملية ؟

بصمة خشم طيب ؟ :looking:

و الواحد طالع من البوابه يقول للجهاز "خشمك"
:funny::funny::funny:

والانسات والسيدات:con2:

[jajassim]

غدا ان شاء الله سيعقد مؤتمر صحفي عن البطاقة الشخصية الذكية بمبنى وزارة الداخلية

الملحق الاداري بالدفنة



وارجو من الجميع طرح أسلتهم في هذا الموضوع ويكون السؤال مباشر وواضح ;)

باستثناء الخيميائي والزاجل لان اسئلتهم ملتويه crazy

[وطن]

اي استفسار انا حاضر

شكرا اخوي على نقل الخبر

أنا عندي استفساااااااار

اذا ما عجبتني الصورة اللي صوروني اياها
يصير يصوروني لين ما تعجبني الصورة ؟؟

omen

[jajassim]

أنا عندي استفساااااااار

اذا ما عجبتني الصورة اللي صوروني اياها
يصير يصوروني لين ما تعجبني الصورة ؟؟

omen

من المفروض ،، لان التصوير بالديجتيل ،، يعني يصور كذا صورة وانتي تختارين الصورة

[وطن]

من المفروض ،، لان التصوير بالديجتيل ،، يعني يصور كذا صورة وانتي تختارين الصورة


اخاف ما يدلعوني ويجعموني

:eek3:

وتطلع صورتي شينه

:eek3:

[صليب الراي]

يا اخوان خصوصا جاجاسم و قطر

الله يبارك فيكم ويجزيكم عننا كل خير و مثوبة على هذه الافادات والاهتمام والتوعية


لكن يا اخوان بما انكم اصحاب علاقة ومطلعين مع اصحاب القرار في الوزارة

الرجاء منكم الرجااااااااااااء

طرح نقطة : السماح للقطريات بإصدار البطاقة بذهاب رب الاسره او اخوهم
لأن تدرون اولا بيكون زحمه وثانيا بيكون مب حلوة يعني كلن مودي اهله ورايح يصورهم
مدري بس قصدي من باب التسهيل بارك الله فيكم

يعني مثال :
انا ابي اطلع بطاقة لأختي
اودي - جوازها الاصلي + صور سواء كانت صور حقيقية او صور في سي دي للتسهيل عليهم
واصدر لها البطاقة وخلاص وانا اوقع على التعهد اللي يبونه

الله يجزيكم خير بس وصلوا هالطلب للاخوان المسؤولين

والله يجزيكم عننا خير الجزاء

[bo_besht]

انا بوكي انترس من كثره البطاقات و ما فيه مكان

خلني على البطاقه الشخصيه احسن :)

[jajassim]

يا اخوان خصوصا جاجاسم و قطر

الله يبارك فيكم ويجزيكم عننا كل خير و مثوبة على هذه الافادات والاهتمام والتوعية


لكن يا اخوان بما انكم اصحاب علاقة ومطلعين مع اصحاب القرار في الوزارة

الرجاء منكم الرجااااااااااااء

طرح نقطة : السماح للقطريات بإصدار البطاقة بذهاب رب الاسره او اخوهم
لأن تدرون اولا بيكون زحمه وثانيا بيكون مب حلوة يعني كلن مودي اهله ورايح يصورهم
مدري بس قصدي من باب التسهيل بارك الله فيكم

يعني مثال :
انا ابي اطلع بطاقة لأختي
اودي - جوازها الاصلي + صور سواء كانت صور حقيقية او صور في سي دي للتسهيل عليهم
واصدر لها البطاقة وخلاص وانا اوقع على التعهد اللي يبونه

الله يجزيكم خير بس وصلوا هالطلب للاخوان المسؤولين

والله يجزيكم عننا خير الجزاء

اخوى غدا في مؤتمر صحفي عن البطاقة الشخصية الذكية

في الملحق الاداري بوزارة الداخلية بالدفنة الساعة 9 مساءا اليوم السبت 6/10/2007

ان شاء الله اذا حضرنا ،،، بنفيدكم :nice:

[jajassim]

انا بوكي انترس من كثره البطاقات و ما فيه مكان

خلني على البطاقه الشخصيه احسن :)

:con2::con2:

[Qa6ar]

يعطيك العافيه اخوي قطر ..

بس انا كنت استفسر عن اكتفاء ادراة المطار بالصوره الشخصيه ولا بالبصمه كما متبع ببعض الدول التي سبقتنا بهذه البطاقه ..

لان اللي اعرفه لازم البوابه الذكيه اللي تغنيني عن المرور على موظف الجوازات ولا البوابه تتعرف على الشخص من صورته بالبطاقه ..!:con2:

يمكن يحطون موظف يشييك على المسافرين .. وموظفه للنساء

تكفي البصمه وصعبه احد يزور البصمه ولاتنسى بصمه العين

[الخيميائي]

غدا ان شاء الله سيعقد مؤتمر صحفي عن البطاقة الشخصية الذكية بمبنى وزارة الداخلية

الملحق الاداري بالدفنة



وارجو من الجميع طرح أسلتهم في هذا الموضوع ويكون السؤال مباشر وواضح ;)

باستثناء الخيميائي والزاجل لان اسئلتهم ملتويه crazy

:court::court::court:

بالعكس اسئلتنا من ضمن المقرر الدراسي وفي صلب العملية التعليمية :eek2:

عموما خلاص كنت بسئل بس احرجتني :shy:

[jajassim]

:court::court::court:

بالعكس اسئلتنا من ضمن المقرر الدراسي وفي صلب العملية التعليمية :eek2:

عموما خلاص كنت بسئل بس احرجتني :shy:


:dance:dance

اششششششششششششششششوه ما سأل :shy:

[وطن]

جاسم متى مواعيدهم في رمضان
ابي بطاقة قبل العيد :(

[jajassim]

جاسم متى مواعيدهم في رمضان
ابي بطاقة قبل العيد :(






http://www.raya.com/mritems/images/2007/10/3/2_288623_1_209.jpg

وان هذه البطاقة مازالت تحت التجريب وسوف يتم تعميمها قريباً.






للحين ما توزعت ،، وغدا المؤتمر الصحفي ،، ان شاء الله ،، ستحدد كل شئ باذن الله وتعالى :nice:

[الذيـــب]

يا اخوان خصوصا جاجاسم و قطر

الله يبارك فيكم ويجزيكم عننا كل خير و مثوبة على هذه الافادات والاهتمام والتوعية


لكن يا اخوان بما انكم اصحاب علاقة ومطلعين مع اصحاب القرار في الوزارة

الرجاء منكم الرجااااااااااااء

طرح نقطة : السماح للقطريات بإصدار البطاقة بذهاب رب الاسره او اخوهم
لأن تدرون اولا بيكون زحمه وثانيا بيكون مب حلوة يعني كلن مودي اهله ورايح يصورهم
مدري بس قصدي من باب التسهيل بارك الله فيكم

يعني مثال :
انا ابي اطلع بطاقة لأختي
اودي - جوازها الاصلي + صور سواء كانت صور حقيقية او صور في سي دي للتسهيل عليهم
واصدر لها البطاقة وخلاص وانا اوقع على التعهد اللي يبونه

الله يجزيكم خير بس وصلوا هالطلب للاخوان المسؤولين

والله يجزيكم عننا خير الجزاء


اخوي Modmany ما يصير انك تودي الجواز ولا الصور لابد من حضور الشخص الي راح تنصدر له البطاقة ليتم أخذ بصمة العين ان شاء الله اني اكون فدتك .

[jajassim]

اخوي Modmany ما يصير انك تودي الجواز ولا الصور لابد من حضور الشخص الي راح تنصدر له البطاقة ليتم أخذ بصمة العين ان شاء الله اني اكون فدتك .

كلامك صحيح ،، هم ثلاثة أشياء

بصمة اليد

وبصمة العين

والوجه

[الخيميائي]

كلامك صحيح ،، هم ثلاثة أشياء

بصمة اليد

وبصمة العين

والوجه

بصمة يد وبصمة عين والعين :eek2::eek2:

يعني على كذا باخذ وقت اكثر من انتظاري على الكاونتر

وبعدين مشكلتنا هنية كل البشرية بتطلع هالبطاقة وبتصير الزحمة على البوابة الالكترونية اكثر من الكاونتر العادي :p

بس سؤال هل البصمة على العين لها تاثيرات صحية ؟؟!

نبي نتظمن على صحتنا قبل ما نباشر الاجراءات :p

[وطن]

كلامك صحيح ،، هم ثلاثة أشياء

بصمة اليد

وبصمة العين

والوجه

بسم الله على عيوني
بيبصمون بها

omen

[الذيـــب]

بصمة يد وبصمة عين والعين :eek2::eek2:

يعني على كذا باخذ وقت اكثر من انتظاري على الكاونتر

وبعدين مشكلتنا هنية كل البشرية بتطلع هالبطاقة وبتصير الزحمة على البوابة الالكترونية اكثر من الكاونتر العادي :p

بس سؤال هل البصمة على العين لها تاثيرات صحية ؟؟!

نبي نتظمن على صحتنا قبل ما نباشر الاجراءات :p



اخوي الخيميائي حبيت اطمنك ان بصمة العين ليس لا اي ضرر او تاثير صحي وبخصوص انه بتصير زحمة على البوابة الالكترونية ان شاء الله بمجرد ازدياد الحركة على البوابة الالكترونية راح يكون هناك اكثر من بوابة لتفادي الزحمة ولتسهيل حركة المسافرين .

[الخيميائي]

اخوي الخيميائي حبيت اطمنك ان بصمة العين ليس لا اي ضرر او تاثير صحي وبخصوص انه بتصير زحمة على البوابة الالكترونية ان شاء الله بمجرد ازدياد الحركة على البوابة الالكترونية راح يكون هناك اكثر من بوابة لتفادي الزحمة ولتسهيل حركة المسافرين .

:nice::nice:

شكرا على التوضيح اخوي الذيب

اخر سؤال

البطاقة مرتبطة ببصمة العين واليد يعني البوابة توجد بها تزويدات تمسح البطاقة والعين وبصمة اليد تفاديا لعدم استخدام اي شخص لبطاقة شخص اخر :)

[الذيـــب]

:nice::nice:

شكرا على التوضيح اخوي الذيب

اخر سؤال

البطاقة مرتبطة ببصمة العين واليد يعني البوابة توجد بها تزويدات تمسح البطاقة والعين وبصمة اليد تفاديا لعدم استخدام اي شخص لبطاقة شخص اخر :)


صحيح اخوي هناك كميرا للتاكد من بصمة العين وجهاز للتاكد من بصمة اليد ومطابقتها مع البصمة المخزنة في البطاقة .

[وطن]

صحيح اخوي هناك كميرا للتاكد من بصمة العين وجهاز للتاكد من بصمة اليد ومطابقتها مع البصمة المخزنة في البطاقة .

كأنها صارت السالفة طويله

يبه بوقف ع الكاونتر اسهل لي

خلاص هونت مابي

:eek3:

[الذيـــب]

كأنها صارت السالفة طويله

يبه بوقف ع الكاونتر اسهل لي

خلاص هونت مابي

:eek3:

اختي وطن انا مجرب البوابة الالكترونية السالفة كلها ما تاخذ 90 ثانية بالضبط .

[jajassim]

بسم الله على عيوني
بيبصمون بها

omen


:funny::funny::funny:

[رايق]

:nice::nice:

شكرا على التوضيح اخوي الذيب

اخر سؤال

البطاقة مرتبطة ببصمة العين واليد يعني البوابة توجد بها تزويدات تمسح البطاقة والعين وبصمة اليد تفاديا لعدم استخدام اي شخص لبطاقة شخص اخر :)

خيمووووووووووو .. يعني الطريقة تشوفها انت اوكي !!

يا أخي اذا السيستم بيتعرف على الشخص من بصمة عينه و يده و وجهه .. وش لزوم البطاقة الواحد يشيلها معاه !! :con2: .. تلقائيا راح تتسجل حركة مغادرتك او دخولك البلد .. اذا عليك بلاغ او منع سفر .. تولع ليتات حمر شكبرها على البوابه :D ...

[رايق]

crazycrazycrazy

:funny::funny::funny: بس بصراحة ضحكتني :p


طلع صحيح فيه بصمة عين و وجه و يد :eek2:





:funny::funny::funny:

والانسات والسيدات:con2:

المفروض تقول السيدات و الانسات .. السيدات قبل :p

أحول سؤالك لخوي جاسم و هو يسالهم بكره في المؤتمر

[bo_besht]

اقتباس
المشاركة الأصلية كتبت بواسطة bo_besht




انا بوكي انترس من كثره البطاقات و ما فيه مكان

خلني على البطاقه الشخصيه احسن







:con2::con2:

3 ثلاثه بطاقات صراف آلي:)

بطاقه فيزا:anger2:

بطاقه ماستر:anger2:

البطاقه الشخصيه:app: (مستانس عليها )

البطاقه الصحيه

الليسن:strong

بطاقه العضويه للقطريه:funny: (من كثر السفرات)

بطاقه العضويه لطيران الاتحاد :confused:

بطاقه الدوام (لازم تكون موجوده علشان الخصومات):nice:


بس تدري اخوي jajassim ممكن أغير بوكي الى بوك صعايده حتى يستحمل كل البطايق:con2::con2:

اتغشمر


بس ما يندرى متى بيوحدون البطاقات في بطاقه وحده و يفكونا (شخصيه + صحيه+ليسن)

[وطن]

اختي وطن انا مجرب البوابة الالكترونية السالفة كلها ما تاخذ 90 ثانية بالضبط .

90 ثانية = دقيقة ونص

اذا رحت من مبنى البريمم مال القطرية
تاخذ وقت اقل
ع الكاونتر

:dance

[رايق]

«الجوازات» تصدر بطاقة شخصية ذكية للمواطنين
كتب - إبراهيم النجار

طورت إدارة نظم المعلومات والإدارة العامة للجوازات البطاقة الشخصية القطرية إلى البطاقة الشخصية القطرية الذكية، التي تتضمن العديد من المزايا، وذلك في إطار جهود وزارة الداخلية المبذولة لتطوير وتحديث الخدمات المقدمة للمواطنين والمقيمين.

والبطاقة الشخصية الذكية هي بطاقة بلاستيكية تحتوي على شريحة إلكترونية، يتم تخزين البيانات الشخصية وصورة حامل البطاقة «وفق معايير ICAO الدولية»، بالإضافة إلى صورة ونموذج البصمة (السبابة اليمنى واليسرى)، وكذلك الشهادة الرقمية والتوقيع الإلكتروني (اختيـاري)، كما أن البطاقة قابلة للإضافة وفق الاحتياجات المستقبلية، وسوف تحتوي البطاقة الشخصية على شريحة لاسلكية Mayfair تخزن عليها البيانات الأساسية فقط للاستخدامات الخاصة بالبوابة الإلكترونية أو أي استخدام مشابه مستقبلا.

كما أن البطاقة الشخصية الذكية تحتوي على مجموعة من المواصفات والبيانات الظاهرة والخفية التي تحد من عمليات التزوير وذلك باعتماد عدد من وسائل التأمين المرئية وغير المرئية على البطاقة الشخصية، بالإضافة إلى الشريحة الإلكترونية.

وتستخدم البطاقة الشخصية الذكية كبطاقة تعريف لحاملها حيث سيتم استبدال البطاقة الشخصية القطرية القديمة ببطاقة شخصية قطرية ذكية، كما تستخدم في معاملات الحكومة الإلكترونية حيث ستمكن البطاقة الشخصية القطرية الذكية صاحبها من إجراء وتنفيذ الخدمات الحكومية المقدمة عن طريق الإنترنت، وذلك عن طريق بوابة الحكومة الإلكترونية، بالإضافة إلى أنها تستخدم في البوابات الإلكترونية حيث يمكن للمشتركين في خدمة البوابات الإلكترونية بمطار الدوحة الدولي استخدام البطاقة الشخصية الذكية المرور في البوابات الإلكترونية.

أوكي الحين معقولة

[jajassim]

«الجوازات» تصدر بطاقة شخصية ذكية للمواطنين
كتب - إبراهيم النجار

طورت إدارة نظم المعلومات والإدارة العامة للجوازات البطاقة الشخصية القطرية إلى البطاقة الشخصية القطرية الذكية، التي تتضمن العديد من المزايا، وذلك في إطار جهود وزارة الداخلية المبذولة لتطوير وتحديث الخدمات المقدمة للمواطنين والمقيمين.

والبطاقة الشخصية الذكية هي بطاقة بلاستيكية تحتوي على شريحة إلكترونية، يتم تخزين البيانات الشخصية وصورة حامل البطاقة «وفق معايير ICAO الدولية»، بالإضافة إلى صورة ونموذج البصمة (السبابة اليمنى واليسرى)، وكذلك الشهادة الرقمية والتوقيع الإلكتروني (اختيـاري)، كما أن البطاقة قابلة للإضافة وفق الاحتياجات المستقبلية، وسوف تحتوي البطاقة الشخصية على شريحة لاسلكية Mayfair تخزن عليها البيانات الأساسية فقط للاستخدامات الخاصة بالبوابة الإلكترونية أو أي استخدام مشابه مستقبلا.

كما أن البطاقة الشخصية الذكية تحتوي على مجموعة من المواصفات والبيانات الظاهرة والخفية التي تحد من عمليات التزوير وذلك باعتماد عدد من وسائل التأمين المرئية وغير المرئية على البطاقة الشخصية، بالإضافة إلى الشريحة الإلكترونية.

وتستخدم البطاقة الشخصية الذكية كبطاقة تعريف لحاملها حيث سيتم استبدال البطاقة الشخصية القطرية القديمة ببطاقة شخصية قطرية ذكية، كما تستخدم في معاملات الحكومة الإلكترونية حيث ستمكن البطاقة الشخصية القطرية الذكية صاحبها من إجراء وتنفيذ الخدمات الحكومية المقدمة عن طريق الإنترنت، وذلك عن طريق بوابة الحكومة الإلكترونية، بالإضافة إلى أنها تستخدم في البوابات الإلكترونية حيث يمكن للمشتركين في خدمة البوابات الإلكترونية بمطار الدوحة الدولي استخدام البطاقة الشخصية الذكية المرور في البوابات الإلكترونية.

أوكي الحين معقولة


:ok::ok:

[وطن]

من الاخر
متى اطلع لي وحده

وبعدين عندنا بالشغل اذا في دورة ولا شي يبون الختم مال المطار في الجواز
هذول شلون نجيبه لهم لو طلعنا بالبطاقة
نقول لهم راجعوا الجوازات !!!

[أم نوره]

طيب من أي سن تقدر تطلع هاي البطاقه

وهل تغنيك نهائي عن البطاقه الشخصية في كل المعاملات

[الذيـــب]

من الاخر
متى اطلع لي وحده

وبعدين عندنا بالشغل اذا في دورة ولا شي يبون الختم مال المطار في الجواز
هذول شلون نجيبه لهم لو طلعنا بالبطاقة
نقول لهم راجعوا الجوازات !!!


اختي وطن ممكن الإدارة عندكم تخاطب إدارة جوازات وأمن المطار بكتاب رسمي موضح فيه اسمك ورقم بطاقتك الشخصية ويطلبون فية تاريخ اخر خروج ودخول والدولة المسافرة اليها وادارة جوازات وامن المطار راح ترسل كتاب فيه المطلوب .

[شاهيناز]

تعجبني إدارة الجوازات
مشاءالله عليهم

كل يوم يطلعون لنا شئ جديد
وغيرهم محد داري عنهم
نايمين في العسل
وخاصه وزارة الاقتصاد

من كم سنه ماطلعو لنا بشئ وجديد

والصحه
نايمين في العسل

والبلديه حدث ولا حرج

وباقي الوزارات والهيئات ماذكرهم
نسيت اسامهم من السبات الي هم فيه
واذا فكره اكيد مب لصالحنا:looking:

[وطن]

اختي وطن ممكن الإدارة عندكم تخاطب إدارة جوازات وأمن المطار بكتاب رسمي موضح فيه اسمك ورقم بطاقتك الشخصية ويطلبون فية تاريخ اخر خروج ودخول والدولة المسافرة اليها وادارة جوازات وامن المطار راح ترسل كتاب فيه المطلوب .

اذا على برود ادارتنا
ماراح ينصرف البدل الا عقب سنة
مافي الا الجواز :(




على فكرة
وين موقع البوابة الالكترونية في مبنى البريمم مال القطرية؟

[Qa6ar]

اذا على برود ادارتنا
ماراح ينصرف البدل الا عقب سنة
مافي الا الجواز :(




على فكرة
وين موقع البوابة الالكترونية في مبنى البريمم مال القطرية؟

وانتي مسافره او بقسم الخروج اتحصلينه على يمينج بجانب بنك قطر الوطني

[وطن]

وانتي مسافره او بقسم الخروج اتحصلينه على يمينج بجانب بنك قطر الوطني

اخوي
اقصد البوابة نفسها

مو مكان الاصدار

[Qa6ar]

اخوي
اقصد البوابة نفسها

مو مكان الاصدار

البوابات موجوده بالمطار العادي بالنسبه للدخول والخروج وبعد موجوده بمبني الدرجه الاولى

[وطن]

البوابات موجوده بالمطار العادي بالنسبه للدخول والخروج وبعد موجوده بمبني الدرجه الاولى

هي اللي تكون مثل اللي بمحطات الاندر جراوند بلندن ؟؟
لان هذا الشي الوحيد الغريب اللي شفته اليوم هناك بالمبنى صوب الجوازات

[Qa6ar]

اي نفس الشيء

[وطن]

اوكى اخوي
بس عندي ملاحظة
المكان هناك كل الكاونترات اللي فيه مسكرة
ومافي غير كاونتر واحد شغال
والناس صاروا طابور
مع العلم المكان هناك مو مهيء للطوابير ولا فيه الأعمدة اللي تنظم الطابور

وهذا مبنى بريمم المفروض ان الناس ما توقف ع الكاونتر هالكثر



ولو فرضنا جا واحد يبي يطلع من البوابة الالكترونية
مافي حد واقف هناك يشرف عليه !!!

يعني يبي لهم تكثيف جهوووودهم في هالمكان

[نونـــه]

نستخدم بس للمطار ؟ بو سمره يصير؟

[Qa6ar]

اوكى اخوي
بس عندي ملاحظة
المكان هناك كل الكاونترات اللي فيه مسكرة
ومافي غير كاونتر واحد شغال
والناس صاروا طابور
مع العلم المكان هناك مو مهيء للطوابير ولا فيه الأعمدة اللي تنظم الطابور

وهذا مبنى بريمم المفروض ان الناس ما توقف ع الكاونتر هالكثر



ولو فرضنا جا واحد يبي يطلع من البوابة الالكترونية
مافي حد واقف هناك يشرف عليه !!!

يعني يبي لهم تكثيف جهوووودهم في هالمكان

المفروض يكون 3 موظفين متواجدين لكن النقص الموجود وانشاءالله بيختفي هالنقص

بالايام القادمه

[Qa6ar]

نستخدم بس للمطار ؟ بو سمره يصير؟

المطار بس

[وطن]

المفروض يكون 3 موظفين متواجدين لكن النقص الموجود وانشاءالله بيختفي هالنقص

بالايام القادمه

3 موجودين

اللي هم

وحده ع الكاونتر

وواحد او 2 في التفتيش

وواحد بغترة وعقال كان يتمشى دش من صوب البوابة الالكترونيه وطلع !!!



هذول اللي كانوا موجودين فقط

[Qa6ar]

3 موجودين

اللي هم

وحده ع الكاونتر

وواحد او 2 في التفتيش

وواحد بغترة وعقال كان يتمشى دش من صوب البوابة الالكترونيه وطلع !!!



هذول اللي كانوا موجودين فقط

شوفي اخت وطن

كل يوم وله ظروفه ومااقدر احكم والمفروض الاخ اللي واقف يساعد الاخت اللي قاعده اتخلص

المسافرين... ويمكن الموظف الثالث مستأذن شوي لغرض ما

[وطن]

شوفي اخت وطن

كل يوم وله ظروفه ومااقدر احكم والمفروض الاخ اللي واقف يساعد الاخت اللي قاعده اتخلص

المسافرين... ويمكن الموظف الثالث مستأذن شوي لغرض ما

يجووووز

هالمرة بطوفها لهم

:victory:


المره الجاية لا
قول لهم وطن ما تحب تنطر

:funny::funny::funny::funny:

[Qa6ar]

يجووووز

هالمرة بطوفها لهم

:victory:


المره الجاية لا
قول لهم وطن ما تحب تنطر

:funny::funny::funny::funny:

طيب

بالمره الجايه بنفرش لج الزل الاحمر وبنخليج اتطرشين جواز سفرج قبل السفر

[وطن]

طيب

بالمره الجايه بنفرش لج الزل الاحمر وبنخليج اتطرشين جواز سفرج قبل السفر

:fight::fight::fight::fight:

[بورش كيان]

الله يعطيهم العافيه الجماعه

خدمه حلوه وتخدم المجتمع

[نجود]

عقبالنا ان شاء الله بالسعودية