جي أكس أر 2003 كم يسوي!! [الأرشيف] - منتديات شبكة الأسهم القطرية

مشاهدة النسخة كاملة : جي أكس أر 2003 كم يسوي!!

عزيز

26-10-2005, 02:41 AM

السلام عليكم ورحمه الله وبركاته

عندي جي أكس أر 2003 أبيض نظيف ما شاء الله بس ماشي وايد تقريبا 155 ألف

كم يسوي لو جيت ابيعه !!

أفكر أخذ لي في أكس أر 2006 شرايكم في مواصفاته !!

وصج أنه الفي أكس أر الجديد (2006 فقط) أقل من سرعه معينه يشتغلون 4 سلندرات بس!!

والسموحه علي كثره الأساله وياهلا فيكم :) ..

مليونير قادم

26-10-2005, 02:55 AM

هلا اخوي عزيز

اسعار 2003 من88 الى 95

والله يوفقك اخوي

عزيز

26-10-2005, 03:03 AM

اوفففففففف شدعوووه

مع أنه أشوف أسعار الجي أكس ارات الـ 2002 بالجرايد مابين 90_100 أذا كان نظيف طبعا

ومن شهرين واحد من الربع قالي بشتري موترك بـ105بس أنا مارضيت قلت له شوي

علما أني ماخذه بـ 155 تقريبا ( أذا ماخاب ظني لأني نسيت والله)

علي العموم تسلم أخوي مليونير قادم وماقصرت علي مرورك الكريم :)

وننطر ردود الباقيين :) ..

جاسم 1

26-10-2005, 04:58 AM

يجيبلك من ال100 لين 110 الاف

عزيز

26-10-2005, 05:01 AM

تسلم أخوي جاسم علي المشاركه وهذا سعر معقول وواقعي :)

يعطيك العافيه يالغالي :) ..

sulai6i

27-10-2005, 02:46 AM

عزيز

27-10-2005, 01:35 PM

السلام عليكم ..

انا قبل اسبوع بعت جي اكس ( بدون آر ) موديل 2003 بسعر 110 آلاف ..
وكانوا كثير اللي يبون يشترونه من عندي .. يعني في طلب كبير

عزيز .. اذا موترك نظيف .. لا بحر ولا بر ولا حادث ايجيب لك 125 الف وطالع اذا جير اوتوماتيك
ماشاء الله سعر حلو بالنسبه للجي أكس

انا موتري الحمدلله عمري مادخلته بر ولا بحر وحزات أروح سيلين بس العديد ماطبيته فيه بالموتر والحمدلله أصف صوب مسجد الشاليهاات وأروح مع الشباب العديد بموترهم ( مابي أخاطر بالموتر :nice:

وجاتني مره دعمه بالصدام كانت خشنه شوي بس البدي ماتأثر خير شر والحمدلله

بس عيب الموتر أني مسافر فيه وايد وممشاه قريب من الـ 160 ألف علما أني فصلت الطبلون مره والعداد يبين عندي ألحين تقريبا قريب من الـ 150

بس ممشاه كامل حول الـ 160 :nice:

وفكرت أبيعه وأخذ لي في أكس أر 2006 ولا رنج 2004

تحياتي لك يالغالي وتسلم علي المعلومه طال عمرك :nice:

s55

27-10-2005, 01:57 PM

والله اخوي انت طالب فيه وايد شدعوه موديل 2003 مستعمل يوصل 125 زيدهم 10000 وخذلك جي اكس 2006 من الوكاله

عزيز

27-10-2005, 02:10 PM

والله اخوي انت طالب فيه وايد شدعوه موديل 2003 مستعمل يوصل 125 زيدهم 10000 وخذلك جي اكس 2006 من الوكاله
أخوي أنا ماطلبت فيه 125 بس أذا جاب لي هالسعر مارفس النعمه :) والأسعار ألي تقول عنها خبرك فيها عتيج ألحين الكروزرات اليداد خاصه 2003 وطالع (الطبلون الجديد ) زادت أسعارها بالسوق

بالنسبه للجي أكس أخبره بالوكاله بـحدود الـ 145 لين 150

طبعا الفول أوبشن والأتوماتيك

أنزلت أسعارهم ولا شسالفه !!

يعطيك العافيه يالغالي وتسلم علي مرورك :) ,,

Qa6ar

27-10-2005, 11:52 PM

المواتر يالربع غاليه حيل

سيارات مافيه الا المعارض والربح مضمون 10000

سارت تجاره جديده يحجز موتر من الشركه ويبيعه ربح عشره الاف فوق قيمه السياره

واذا بتحجز بعد 3 شهور

بن عطوان

29-10-2005, 03:30 AM

اخ عزيز ...

انا اتفق مع اخوي واحد في حاله.. اذا موترك نظيف يجيبلك بالراحة 125000 ...اسعار الكروزرات مرتفعة

Qatary

29-10-2005, 04:48 AM

اسعار الكروزرات شابه ظوو هالايام ..
وعلى فكره انا سمعت انه راح يتغير شكله كامل السنه الجايه والله اعلم ..
ومن رايي انك تبيعه هالفتره قبل لاتنزل اسعارهم