تريلا ...نقليات....لاهل الخبره

[بنت الاجاويد]

السلام عليكم اخواني واخواتي ..اصحاب الترلات ....
ممكن تفيدوني ....

الله يوفقكم ويرزقكم ان شاء الله..
ابي تريلا ..........من وين القى وحده مستعمله ؟
وشلون اشغلها؟؟؟

الله يبارك حق الي بيقولي وبيساعدني ..ويرزقه ....امـــــــــــــــــــــين:omen2:

[ابوعبدالعزيز]

لا وصلتي حق التشغيل واصليني على الخاص .

تحياتي .

[ســـهم]

اهم شي تضمنين شغلها بعقد قبل شرائها ...


بالتوفيق ان شاء الله ..

[ابـو مــحــــمـــــد]

اذا تبين الراحه اخذي دنكر ماء وشغليه بالوره
شيك اخر الشهر في الجيب مضمون ابرك من عوار الراس

[SaryQatar]

كم رأس المال؟ ضعي في الحسبان بأن تكلفة أرخص تريله (مديل 96 وطالع مع صندوق مدبل وجاهز) لن يقل عن الربع مليون ريال , وشغل التريلات مربح بإذن الله , لكن الخساره وارده (جداً) ,



أفضل الرابحين في مشاريع التريلات هم من يقومون بالإشراف المباشر على السيارت , يعني الشغله محتاجه خبره ودرايه بكل الأمور , كأماكن الشغل وأعطال التريلات وغيرها

,

[الوعد2016]

بالتوفيق

[بنت الاجاويد]

بو عبد العزيز ...سهم ...SaryQatar ..الوعد2016
لكم مني جزيل الشكر على الرد ..

...بو محمد ..اشكرك على الرد بس ممكن تعطيني معلومات اكثر عن دنكر الماء ...كم يدخل ..وشلون ادخله بالوره؟؟

وحش قطر ....اشكرك على الرد ...ولكن بريدك الخاص لا يستقبل رسائل ...للرد عليك
:rolleyes2:

[المرعب]

كم رأس المال؟ ضعي في الحسبان بأن تكلفة أرخص تريله (مديل 96 وطالع مع صندوق مدبل وجاهز) لن يقل عن الربع مليون ريال , وشغل التريلات مربح بإذن الله , لكن الخساره وارده (جداً) ,



أفضل الرابحين في مشاريع التريلات هم من يقومون بالإشراف المباشر على السيارت , يعني الشغله محتاجه خبره ودرايه بكل الأمور , كأماكن الشغل وأعطال التريلات وغيرها

,

اوافقك الراي لان النقليات اذا انت ماتابع على طول لاتشتغل فيها لانها متعبه ومربحه اذا انتي مراقب 100% اما الاجار انا مأنصح فيه الا اذا فلوسك مقدم كل شهر او كل شهرين وثاني شي يكون الفحص في الشركه المرسدس قبل الاستلام من كل النواحي وبعد انتهاء العقد يردها سليمه والفحص في الشركه يعني مثل ماخذيتها تردها عشان تكون سليم

[ابوعبدالعزيز]

اوافقك الراي لان النقليات اذا انت ماتابع على طول لاتشتغل فيها لانها متعبه ومربحه اذا انتي مراقب 100% اما الاجار انا مأنصح فيه الا اذا فلوسك مقدم كل شهر او كل شهرين وثاني شي يكون الفحص في الشركه المرسدس قبل الاستلام من كل النواحي وبعد انتهاء العقد يردها سليمه والفحص في الشركه يعني مثل ماخذيتها تردها عشان تكون سليم

مقدم على سيارة بتشتغل في نقل اطنان من الرمل والجابرو ، هذي وين صارت ؟؟؟ .

بكره يمكن اتعطل السيارة .

السائق يمكن يمرض وما يشتغل .

صارت لا قدر الله اي ازمة على مستوى الدولة أو المنطقة ، وتغيرت الأسعار .


بتضمن ذيه كله وأنه باضمن المقدم حق التشغيل .

تحياتي .

[المرعب]

مقدم على سيارة بتشتغل في نقل اطنان من الرمل والجابرو ، هذي وين صارت ؟؟؟ .

بكره يمكن اتعطل السيارة .

السائق يمكن يمرض وما يشتغل .

صارت لا قدر الله اي ازمة على مستوى الدولة أو المنطقة ، وتغيرت الأسعار .


بتضمن ذيه كله وأنه باضمن المقدم حق التشغيل .

تحياتي .

اذا بتاجر التريله عل شركات هذا هو القصد انك تخذ فلوسك مقدم عشان تكون في السيفتي ما يسرقونك مثل العالم قبل
وعزيز مجال النقليات هو مجالي الاساي

[ابوعبدالعزيز]

اذا بتاجر التريله عل شركات هذا هو القصد انك تخذ فلوسك مقدم عشان تكون في السيفتي ما يسرقونك مثل العالم قبل
وعزيز مجال النقليات هو مجالي الاساي

تحياتي :

إذا كان مجال النقليات هو مجالك الأساسي ، فأنه عندي حوالي 200 تريلا ، تقدر اتشغلهم لي ابمقدم ، يعني تعطيني مال ثلاث اشهور على الأقل مقدم ، وصدقني اني باصكر الشركة مالتي إذا وافقت ، وبافتك من عوار الراس .

مرة ثانية تحياتي .

[بوحارب]

تحياتي :

إذا كان مجال النقليات هو مجالك الأساسي ، فأنه عندي حوالي 200 تريلا ، تقدر اتشغلهم لي ابمقدم ، يعني تعطيني مال ثلاث اشهور على الأقل مقدم ، وصدقني اني باصكر الشركة مالتي إذا وافقت ، وبافتك من عوار الراس .

مرة ثانية تحياتي .

ما شاء الله عليك ياجار:shy:

اشرايك تكرك عندي اليوم ^ ــ ^

الله يزيدك من فضله

[بنت الاجاويد]

تحياتي :

إذا كان مجال النقليات هو مجالك الأساسي ، فأنه عندي حوالي 200 تريلا ، تقدر اتشغلهم لي ابمقدم ، يعني تعطيني مال ثلاث اشهور على الأقل مقدم ، وصدقني اني باصكر الشركة مالتي إذا وافقت ، وبافتك من عوار الراس .

مرة ثانية تحياتي .

بو عبد العزيز ...كم تدخل عليك التريلا ؟؟
وشلون مشغلها بعقود ولا بالدور ؟؟

والله يبارك لك :nice:

[ابوعبدالعزيز]

الأخ بو حارب :

تحياتي ، ما كو مانع إذا كان الكرك من عند النعيمي .

الأخت بنت الأجاويد :

فيه تريلات اتدخل في الشهر خمسين الف " بحساب اليوم " ، وفيه تريلات اتدخل خمس الأف إذا صارت معاها أزمة ، يعني عطل في السيارة ، السائق ، أمور خارجة عن الإرادة ، وغيرها .

ذي طبعا بدون احساب مصاريف التريلا ( ديزل ـ راتب ـ تصليح ... ) .


عشان جذيه انه استغرب اشلون الواحد يقول بيعطيني مقدم على شغل في علم الغيب !!!!! ، يعني هو يبي خسارة حق روحة !!!! ما ادري اشلون يحسبهه ؟؟

اختي : مثل ما قلتلج قبل إذا عندج تريلات وحابه اتشغلينهم انه حاضر ، فيه عقد تقرينه ولما تقتنعين اتوقينه ، بس لا تقولين لي مقدم ، علما أن عقودي سنوية والشيكات تصرف بداية كل شهر ميلادي ، ولقتنعتي في الموضوع انه باقول لج كم الصافي الي تدخلينه من وراء الشغل حق التريلات .

تحياتي .

[SaryQatar]

الأخ ابوعبدالعزيز كفى ووفى , ونصيحه مره اخرى لحد ينجرف وراء العقود الوهميه ,
مقدم كل 3 شهور , كل 6 شهور ..... ,

[ahmaaaddd]

انتبهي يابنت الاجاويد ترى سوق التريلات وعر والبوج والسرقة فيه سهلة
وانا خايف ادخل فيه من كثر ماسمعت عنه

[بنت الاجاويد]

انتبهي يابنت الاجاويد ترى سوق التريلات وعر والبوج والسرقة فيه سهلة
وانا خايف ادخل فيه من كثر ماسمعت عنه

معاك حق اخوي ..صحيح من خاف سلم ...بس بعد ..كلما زادت المخاطره زاد العائد !!..والله يستر علينا من النصابين !!:eek5:

[المرعب]

تحياتي :

إذا كان مجال النقليات هو مجالك الأساسي ، فأنه عندي حوالي 200 تريلا ، تقدر اتشغلهم لي ابمقدم ، يعني تعطيني مال ثلاث اشهور على الأقل مقدم ، وصدقني اني باصكر الشركة مالتي إذا وافقت ، وبافتك من عوار الراس .

مرة ثانية تحياتي .

اخوي ارجع للردود وشيك انا قلت اذا بتأجر ماقلت انا بأجر التريله مش محتاج اجر لي عندي فيهم البركه ان شاءالله والشركات الوهميه مالي فيها لان الشركات الي ينصبون مايخذون منك مقدم اعرف كذا شخص سمع عن التريلات ومايبي يشغلهم ولا يبي يتعب قال باجر وانا مايد احد يخذ تريله وياجر الا اذا هو معزم يكون بكيفه يخذون مقدم في تاريخ 27 قل الشهر الثاني من الشغل للعم المدير قطري والفورمن سوووري!!!والفورمن اكيد له نصيب كبير
واذا عندك 200 الله يزيدك بحلاله واذا حسيت انك متوهق في الشغل السيارات تبي شغل لهم بفيدك لوجه الله

[المرعب]

انتبهي يابنت الاجاويد ترى سوق التريلات وعر والبوج والسرقة فيه سهلة
وانا خايف ادخل فيه من كثر ماسمعت عنه

صدقت يبيله واحد متابع 100%

[ابوعبدالعزيز]

اخوي ارجع للردود وشيك انا قلت اذا بتأجر ماقلت انا بأجر التريله مش محتاج اجر لي عندي فيهم البركه ان شاءالله والشركات الوهميه مالي فيها لان الشركات الي ينصبون مايخذون منك مقدم اعرف كذا شخص سمع عن التريلات ومايبي يشغلهم ولا يبي يتعب قال باجر وانا مايد احد يخذ تريله وياجر الا اذا هو معزم يكون بكيفه يخذون مقدم في تاريخ 27 قل الشهر الثاني من الشغل للعم المدير قطري والفورمن سوووري!!!والفورمن اكيد له نصيب كبير
واذا عندك 200 الله يزيدك بحلاله واذا حسيت انك متوهق في الشغل السيارات تبي شغل لهم بفيدك لوجه الله

الغالي اسمحلي اقولك أن باسميك " أبو المروات " .

وأنه " وأعوذ بالله من كلمة أنه " عندي من الخبرة والموظفين ( مهندسين ، فورمنيه ، ميكانيك ، سائقين ، وغيرهم ) ما يكفيني لتشغيل الشركة وزيادة ، ومب محتاج حد يعلمني الشغله .

أنه ما انكر أنه فيه شركات وهمية ، أو قلة خبرة ، أو ضعف إدارة ، أو غيرهه هي إلى شوهت صورة شركات النقليات في الدوحة ، لكن تأكد عزيزي أن أصابعك مب سوى .

بعدين أنه حبيت اساسا أساعد الأخت صاحبت الأستفسار وأوجهه عشان ما تطيح في الشركات الي ذكرتهم قبل ، والله أنه مب محتاج حق كم تريلا اخذهم أجار .

وإذا أنت أتقول أن عندك شركة تدير شغل نقليات ، خلاص عيل خذ بيد الأخت ودير لها تريلاتها ، علما أن باوضح شيء حق الأخت ، وهو أن المدخول الشهري الصافي للتريلا الواحدة يترواح ما بين 18000 إلى 24000 هذا بعد خصم الراتب للسائق والديزل والمصاريف وغيرها ، أتمنى أنك تعطيهم مقدما كل شهر للأخت السائلة مثل ما تقول .


تحياتي للجميع وآسف على الإطالة .

[بنت الاجاويد]

صدقت يبيله واحد متابع 100%

ممكن تفهموني ...شلون تكون المتابعه ..؟
يعني اتابع السواق ....؟
واذا كان ..نعم ..كيف اتابعه؟
وكيف اعرف ان محد يقص علي ويبوقني !!!:eek5:

[المرعب]

بنت الاجاويد المتابعه في التحميل وتفريغ يعني يبيلج فورمن ثقه وثاني شي السواقين اكثرهم حراميه ممكن يشتغل لحسابه بدون فتوره ويخذ كاش وممكن انه يبيع التاير الجديد الي في السياره ويبدل فيه القديم ومصروف الديز ممكن يقولج انه يغبي 300ريال يومي والفعلي 220 مثل يعني وممكن يحمل تحميل زايد ويعطونه مخالفه 3000ريال على الحموله والخ...
انت مهما حاصرت شغل النقليات من سرقه من سواق من مكنيكي من كهربائي من بنشري من فورمن الي الخ يعني بيكون سرقه بسيطه بس بعد مسروق

وانصحج انج تبتعدبن منها مثل ماقالو الاخون الي ردو عليج لان ماتصلح الا حق رجال ويتابع وياهم ويكون فاهم الشغله وبعدين الاشغال مش على طول متوفره ممكن الي اتحمل من عنده يقولك بوقف مدة يوم او ايومين او سبوع انت لازم يكون عندك بديل على سبيل المثال انا متفقع مع ست شركات وموزع السيارات عليهم عشان اذا بيوقف الشغل عندهم يكون عندي بديل ثاني او ثالث الخ.. لان السياره لازم ماتوقف يوم من الايراد اذا هي صاحيه لانها خساره ولازم تعمل حسبه تحاول انك مهما سار ماتقل صافي الايراد 1200 في اليوم لان مرات اتجي هفوات يخف الشغل شهر ولا شهرين
وانصحج انج تشوفيلج شغله غيرها افضلج واحسلج وانتي راعيه القرار

[ALGROOR]

بتوفيق والي الامام