مليون دولار ثمن اقامة اسبوع في فندق خليجي..شاهد الصور

[diab911]

مليون دولار ثمن اقامة اسبوع في فندق خليجي..شاهد الصور




عرض فندق قصر الإمارات في أبو ظبي المصنّف أول فندق من نوعه في العالم من فئة سبعة نجوم

على الزوار قضاء سبع ليالي بسعر يصل مليون دولار، عن كل شخصين.

ويشمل العرض تغطية تكاليف الرحلات الجوية ذهاباً وإياباً على درجة أولى والإقامة في جناح مساحته 680 متراً مربعاً

مجهز بأثاث فخم يحتوي على المرمر والذهب وثريات الكريستال

وخادم خاص لخدمة المقيمين فيه وكلفة جميع الوجبات والمشروبات في مطاعم الفندق.

منقول من أيميلي__________________

[diab911]

أسمحولي شباب حاولت أصغر الصور بس ما عرفت
الي يعرف يصغرهم يتفضل

[diab911]

الفندق من برع

[الزعفراني82]

مليون دولار لاقامه بالفندق !!!!!!!!!!!!!!!!!! والله الي يروح مخبل حتي لو كان ملياردير

مليون دولار تقدر تشتري احلا شقه في دبي مطله علا البحر او في البالم

و بمليون دولار تقدر تبني مدارس و مساجد و مساكن في افريقيا للمساكين المسلمين هناك

هذا اسراف بنعمه رب العالمين

[غزلان]

مب صاحي

ولا الي بيدفع المبلغ صاحي

[Bin Hood]

ههههههههههههههههههههه

عبالهم الدنيا سبهلله

الجماعة شكلهم منضربين في الفندق ويبون يسووون حركات النص كم

حتى لو لو اكبر حرامي في الدنيا بعد بيقول ما تسوى السالفة !!!!!!!!!!!!!!!!!!!!!!!!!!!!!

[diab911]

اي والله تبذير بس السؤال هل المبلغ صحيح

لانه الموضوع انا ناقله من الايميل

اذا احد عنده خلفيه عن الموضوع

لان ما اعتقد انه في ناس مجانين لهدرجه

[رقم مميز]

الي عنده قرش محيره

يشتري حمام ويطيروه

[التيما]

صراحه يهبل الفندق .. بس وايد عليه مليون دولار .. مليون درهم مبلوعه بس دولار زودوها حبتين .. مب أحسن من فندق شرق بالليله خمسين الف مادري على وشو ..

[بنت المنتدى]

والله مايستاهل

[GULFSUN]

أسمحولي شباب حاولت أصغر الصور بس ما عرفت
الي يعرف يصغرهم يتفضل

http://up4mb.com/up/get-8-2008-up4mb_com_f2tubzjr.jpg (http://up4mb.com/up)

تفضل الصورة مصغرة

[راعي النيسان]

الخبر صحيح وقريته من اسبوعين بجريدة الراية .. وبروحي انصدمت من السالفة .. على فكرة اقرب فندق لقصر الامارات في ابوظبي اهو فندق الانتركونتنال والليلة بالسويت كامل 4500 ريال .. ومابينهم 300 متر والغرفة العادية سعرها 1500 ريال بالليلة .. والاثنثن ما يبعودن عن المارينا مول اكثر من نصف كيلو .. ومسافة كيلو واحد عن شارع الخالدية التجاري

المهم عاد انتوا أحرار تصرفون 4500 في سويت ملكي ومدلعيين روحكم بكل شي او مليون دولار في غرفة ؟ ولمدة اسبوع ؟

[ح.الملا.ح]

من الي بيتكرم وبيدفع لي فلوس الفندق علشان اسكن فيه

والله بدعي له بالصلاه

ههههههه

[فزعـــــ قطر ـــــة]

http://www.uaekeys.com/fwasel/www.uaekeys.com27.gif

لماذا هذا الاسراف والتبذير
قال تعالى (( ان المبذرين كانوا اخوان الشياطين وكان الشيطان لربه كفورا ...))
نستغفر الله العظيم عن كل ذنب عظيم
يعني لو وضعت هذه المبالغ لكان افضل
كم من اسرة فقيرة لا تجد ما تاكل
وهؤلاء افعالهم هكذا
اللهم لا تاخذنا بما فعل السفهاء منا
اللهم اغفر لنا ذنوبنا واسرافنا في امرنا وثبت اقدامنا وانصرنا على القوم الكافرين
والله منظر يدمي له القلب
http://www.hanaenet.com/vb/imgcache/4378.imgcache

http://www.hanaenet.com/vb/imgcache/4380.imgcache

http://www.uaekeys.com/fwasel/www.uaekeys.com27.gif

[Mo0o0oM]

اللهم ارزقنا الجنـــــــــــــــــــه . .

[Ghost]

والله اني رحت هالفندق نعم هو حلو لكن مين المجنون اللي بيدفع هالمبلغ وبعدين ولا عربي كلهم من ذوي البشرة الحمراء وعملين بارات للخمر والعياذ بالله لى الطراز الامريكي القديم في الوقت اللي رحت فيه انا واثنين من الشباب اخدنا جولة داخل الفدق والحديقة فقط ودخلنا الحديقة وطلعنا من ماحية فندق برج العرب هو حلو بس باشتري فندق بالهمبلغ

[خالي مشاعر]

إن العرض يتضمن أيضاً تغطية كلفة جميع الوجبات والمشروبات في مطاعم وبارات الفندق البالغ عددها ،١٣ والقيام برحلات يومية على متن طائرة خاصة إلى البحرين والأردن وإيران للبحث عن اللؤلو في الأولى والتمتع بطين البحر الميت في الثانية وشراء سجاد فارسي مصنوع خصيصاً لزبائن الفندق في الثالثة. وسيوفّر الفندق لزبائن هذا العرض سيارة فخمة قيمتها ٢٠٠ ألف جنيه استرليني وسائق خاص طوال فترة الأيام السبعة.

يعني العرض معاه ثلاث سفرات على طيارة خاصه للاردن على شان اتزور البر الميت والبحرين للبحث عن اللولو وايران لشراء سجاد فارسي

[أم نوره]

افرش زوليه على البحر احلى واكشخ ههههههههههه :nice::nice:
ولا ادفع ريال الا للبيبسي فقططططططططططط واتفرج على العالم

[Emarati]

أحلى فندق فالعـــــالم ..

[الوعد2016]

بس بمليوووووووووووووووووون ببلاش
اخاف مثل بعض الناس سكن وتوهق بكم مائه الف ومحد سدد عنه

[>>> غــمـــوض <<<]

الفندق واايد حلو
بس غاااالي

[غناتي1]

الللله ما احلاه 00 الواحد يتمنى يكون عنده مليون

كان حطيته على اللي عندي وكملت بيتي

[فلان]

هههههه الموضوع مفبرك ....

[hola]

الله يرزقنا بالجنة

[diab911]

شباب حصلت خصم 2%

الي بخاطره الفندق بعطيه الخصم

[Thamer_Qat]

بيت شعر فوق راس حزم ومشاهد روضه وشبة ضو في وقت الشتا والربيع وذبيحه تنطبخ على حطب ومعاك الشايب والعيوز وعييلك والأحباب حواليك

انها تسوى

وبلا مظاهر كذابه

كفاية تشوف الشيوخ والأمراء ما يرتاحون الا على البساطه وطلعات البر والقنص والبهدله

بس راحه نفسيه وابتعاد عن المدينه والبذخ والرسميات

[راعي ال2008 الاسود]

تسلم اخووي على الصور الحلوة

[diab911]

تسلم اخووي على الصور الحلوة

الله يسلمك

[شارع الأصمخ]

والله كل واحد يتكلم بمستواه يعني الي عنده مئه مليون غير عن الي عنده مليون ومهب غلط الي انت تقوله
بس حسب علمي بهذا الفندق ان غرفه العاديه 1400 درهم هالايام



تحياتي

[bo3abed]

انا لو آحجز درجة اولى لزوجتي والعيال والشغالات والدريول والجيران بعد ...واقعد معاهم في جناح...وأكل ريوقي وغداي وعشاي في الفندق لا وطلبات روم سيرفس ...واستعمل هالرولز البيضا اللي واقفه عدال (أعيش الدور يعني في انا الحين في بوظبي :tease:)الفندق في كل طلعاتي السياحيه والترفيهيه واوصل بها دبي والعين والفجيرة والشارقة ....الخ ، كل هذا وما توصل مليون دولار...اعتقد الرقم مبالغ فيه يأخوان ....

[حسين بن عاقول]

الي اعرفه انه الغرفة العادية هالايام على 1600 درهم


وبخشش الموجودين وخذ لك فره بكل مكان فلفندق من غير ماحد يكلمك وروح الحديقة ودفع الرسوم حق الالعاب وتعشى فكم مطعم مابيطلع عليك فلمطعم الواحد 1500درهم!!

يعني الموضوع كله مابياخذ عليك فسبوع مابياخذ عليك 25الف ريال!!

فشوفو الفرق بين مليوم دولار وبين 25لف ريال!!!

وذا على السفر لأيران ولااردن والبحرين فسهله مابيكلفك واجد!!

[امـ عبدالله]

http://www.cheesebuerger.de/images/midi/konfus/a018.gif

الي عطاهم بالملااس ياربي تعطيناا بالنجاال http://www.cheesebuerger.de/images/midi/konfus/c018.gif

[سعود 99]

مليون دولار لاقامه بالفندق !!!!!!!!!!!!!!!!!! والله الي يروح مخبل حتي لو كان ملياردير

مليون دولار تقدر تشتري احلا شقه في دبي مطله علا البحر او في البالم

و بمليون دولار تقدر تبني مدارس و مساجد و مساكن في افريقيا للمساكين المسلمين هناك

هذا اسراف بنعمه رب العالمين

صح:victory:

[limited]

وينه وينه الفندق ذا يهبل بروح له وبعطيهم مليون تومان

[limited]

المية تومان = روبيه هنديه =10 دراهم قطري .... والحسابه تحسب يا فندق

[limited]

لكن رغم هذا بافكر كم تطلع قبل لا اغامر

المليون تومان يعادل كم بالقطري مع المعادله اللي حطيتها؟؟؟

[بوجاسـم]

اصحاب العقول في نعمة

[راسيه]

:secret: لاتعلييييق

بس الفندق بصراحه شي شي شي

يعطيك الف عااافيه

[alkholud]

المبلغ وااااااااااااااااااااااااااااايد مبالغ فيه
والله عندنا بالمغرب فندق اسمه المامونية وبالضبط بمنطقة مراكش خيااااااااااااااااال يحط قصر الامارات هاي على جنب
وصج اسعاره غاليه وما يجوه الا الامراء والشيوخ بس ماتوصل هالمبلغ
صراحه مبالغين وايد

[diab911]

المبلغ وااااااااااااااااااااااااااااايد مبالغ فيه
والله عندنا بالمغرب فندق اسمه المامونية وبالضبط بمنطقة مراكش خيااااااااااااااااال يحط قصر الامارات هاي على جنب
وصج اسعاره غاليه وما يجوه الا الامراء والشيوخ بس ماتوصل هالمبلغ
صراحه مبالغين وايد

:nice::nice::nice::nice:

[nor85]

وحياتكم بتلقوا ناس يسكنون فيه مش عشان مايستاهل عشان يخلون الناس يتكلمون انه فلان بن فلان سكن في هذا الفندق

[ذيبه مزاجيه]

ماشوف فيه شي يشد لهالدرجه !!!!!!!!!!!!!!!!!!!!!!

على شنو عاد؟؟

[هدهد سليمان]

نفس بيتنا بس الفرق في الليتات :telephone::tease:

[المنشــــــر]

بيت شعر فوق راس حزم ومشاهد روضه وشبة ضو في وقت الشتا والربيع وذبيحه تنطبخ على حطب ومعاك الشايب والعيوز وعييلك والأحباب حواليك
انها تسوى

وبلا مظاهر كذابه

كفاية تشوف الشيوخ والأمراء ما يرتاحون الا على البساطه وطلعات البر والقنص والبهدله

بس راحه نفسيه وابتعاد عن المدينه والبذخ والرسميات


انــــــــــــــــــــــــــــت:ok::ok::ok:

ولو انه غالي لهدرجة ماخلواااا السنجل روم ب 1000 ريال في الصيف <<<< توه جاي

[قلب بو ظبي]

مب لاني من الامارات ولا من بوظبي بس لانه تخصصي يسمح لي اتفلسف في هالاشياء بتفلسف
المسألة مش مسألة إقامة او فندق او رحلات المسألة مسألة انه في ناس تحب تسوي لاسمها ضجة إعلاميه وهالشي يخدم رجل الاعمال في شغله شو ما كان الشغل اللي هو متخصص فيه
الميزة في هالاقامة انه العميل بينحط اسمه في كتاب جينس والفندق مسوي حمله اعلانيه يعني فلان بن فلان الفلاني بيعمل لنفسه زيطه وزمبليطه وهالشي لو هو روحه سواه بيكلفه مبلغ مقارب للمليون دولار لانه يبى لك فريق إعلامي ومصورين ومراسلين و و و فريق علاقات عامة هالاشياء كلها الفندق بيوفرها لك وبتطلع في عدد متعارف عليه من المجلات والجرايد وبيتسجل اسمك في موسوعة جينس
مثل هالاشياء مش في نطاق اهتمام المواطن البسيط ولا المتوسط الدخل ولكن كملياردير هالشي راح يبرز اسمك ويفرضه على المتلقي فترة معينه من الزمن وفي الاعلام المقروء ولفترة طويلة الامد بوروده في موسوعة جينس- وراح يخدمك من ناحية توسيع رقعة التعريف بشخصك وحجم تعاملاتك في السوق
يعني الملياردير اللي اسمه ما يورد على مسامع الناس بشكل كبير هاي تعتبر فرصة ولانه تخصصي دعاية وإعلان وتسويق اقوووولكم في ناس تدفع ضعف هالمبلغ على حملات الدعاية واالاعلان سنوياً وخرتها حملاتهم تفشل ولا كانه مسوي شي
هذا رايي ولو كنت ملياردير وعندي هالمبلغ راح اقدم عليه بس للاستفادة من هالناحية لانها بتخدم اسمي محلياً وعالمياً
ودمتم بخير

[بنت الدوحه_0]

فندق رسمي عندهم للامراء والملوك والشيوخ.... عجل بكم تبونه!!!!!!!!!!!!!؟؟؟؟؟؟؟؟؟؟؟

[diab911]

مب لاني من الامارات ولا من بوظبي بس لانه تخصصي يسمح لي اتفلسف في هالاشياء بتفلسف
المسألة مش مسألة إقامة او فندق او رحلات المسألة مسألة انه في ناس تحب تسوي لاسمها ضجة إعلاميه وهالشي يخدم رجل الاعمال في شغله شو ما كان الشغل اللي هو متخصص فيه
الميزة في هالاقامة انه العميل بينحط اسمه في كتاب جينس والفندق مسوي حمله اعلانيه يعني فلان بن فلان الفلاني بيعمل لنفسه زيطه وزمبليطه وهالشي لو هو روحه سواه بيكلفه مبلغ مقارب للمليون دولار لانه يبى لك فريق إعلامي ومصورين ومراسلين و و و فريق علاقات عامة هالاشياء كلها الفندق بيوفرها لك وبتطلع في عدد متعارف عليه من المجلات والجرايد وبيتسجل اسمك في موسوعة جينس
مثل هالاشياء مش في نطاق اهتمام المواطن البسيط ولا المتوسط الدخل ولكن كملياردير هالشي راح يبرز اسمك ويفرضه على المتلقي فترة معينه من الزمن وفي الاعلام المقروء ولفترة طويلة الامد بوروده في موسوعة جينس- وراح يخدمك من ناحية توسيع رقعة التعريف بشخصك وحجم تعاملاتك في السوق
يعني الملياردير اللي اسمه ما يورد على مسامع الناس بشكل كبير هاي تعتبر فرصة ولانه تخصصي دعاية وإعلان وتسويق اقوووولكم في ناس تدفع ضعف هالمبلغ على حملات الدعاية واالاعلان سنوياً وخرتها حملاتهم تفشل ولا كانه مسوي شي
هذا رايي ولو كنت ملياردير وعندي هالمبلغ راح اقدم عليه بس للاستفادة من هالناحية لانها بتخدم اسمي محلياً وعالمياً
ودمتم بخير



كلام من ذهب

[diab911]

فندق رسمي عندهم للامراء والملوك والشيوخ.... عجل بكم تبونه!!!!!!!!!!!!!؟؟؟؟؟؟؟؟؟؟؟

شكرا على المرور

[diab911]

نفس بيتنا بس الفرق في الليتات :telephone::tease:

االه يعطيك احسن منه ان شاء الله ويكون بيت العمر (( الجنه ))

[قلب بو ظبي]

كلام من ذهب

تسلم يا اخويه

[سوق واقف]

أنا حجزت عندهم من أربع شهور الليلة 1450 يال

احجز غرفة مب لازم سويت بس شنو شيء من الخيال داخل

[Revamp]

بس ما درينا يعني الريوق عليهم ولا ناخذ معانا شباتي.....تعرف يعد اليوع كافر

[سفير الدوحة]

والله لو كان عندي مليون بشتري فيها ارض وبسورها
قدر الله جار الزمن علينا
بعت الارض أو سكنت فيها أ بنيت مسجد فيها أو زرعتها أو أجَرتها أو خليتها وقف لله أو مدرسة لطلاب العلم أو بئر جاري في سببيل الله أو حوطة غنم وأبل أو.......
ممكن أرسلها لدولة ثانية أكفل فيها مئات الايتام أو أتبرع فيها لمستشفيات ... علمليات القلب والرئة والشرايين كلها تكلف ... ناس تسوي عمليات وتتسلف ليش ما أساعدهم ....
نصيحة لاخواني الاعزاء: راحة الانسان ماتكون في الدنيا , ولوكانت في الدنيا كان أخذها النبي صلى الله علية وسلم.. .... راحة المؤمن في الجنة عند لقاء ربه ......
تقبلوا تحياتي..