هل لازم اركب لوحات تصدير

[قطري 22]

عندي موتر قطري 2006 وببيعه في دبي .... هل لازم اركب عليه لوحات تصدير

[صاروخ]

عندي موتر قطري 2006 وببيعه في دبي .... هل لازم اركب عليه لوحات تصدير



تحياتي لك

1- اهم شي لوحات التصدير (شوف لك حد من ربعك من اهل الامارات على شان تسجل الموتر باسمة . واهم شي التوكيل ).
2- براءة ذمه من قطر (من المرور بان السياره لا توجد عليها متطلبات او مخالفات وغيره ).
3- البيان الجمركي ( المقاصة ) من عند المرور تاخذ رقم البيان الجمركي الي اندفعت به الرسوم الجمركيه للسياره وتراجع وكيل السياره وتاخذ منهم صوره من البيان الجمركي وتراجع (الهيئة العامة للجمارك والموانئ ) قسم المقاصة الدور الثاني بمبنى الهئيه العامة . وذلك لاحستساب قيمة الرسوم الجمركية للسياره واخذ ورقة المقاصة لبلد التصدير .
4 - بيان صادر بجمرك ابوسمره .(قطر) خروج

5- جمرك سلوى ترانزيت (السعودية) دخول

6-جمرك البطحاء ترانزيت (السعودية) خروج
7-جمرك الغويفات (الامارات) دخول والتخليص على السياره
الله يعينك على المراكز والاجراءات

و اي استفسار

[قطري 22]

تشكراااااااااااااات يالغالي
مع العلم ان الموتر وارد وكالة البورش دبي

[السد]

مشكور اخوي على المعلومات

[kemo1981]

جزاك الله خير على المعلومات

وبالتوفيق لك ولراعي الموتر

[صاروخ]

تشكراااااااااااااات يالغالي
مع العلم ان الموتر وارد وكالة البورش دبي



مب مشكله
بس لازم تصدير ونفس الاجراءات (المرور عندهم رقم البيان الجمركي والمقاصه الي مع الموتر يوم تسجل في قطر )
اي استفسار حاضرين لوتبغي رقم البيان والمقاصه :victory:

[الحـــوت]

اذا الموتر دخل قطر طريج بر يطلعونك المقاصه من جمارك بوسمره