بغيت منكم مساعده لوتكرمتوا....

[حياة]

السلام عليكم ورحه الله
سؤال للاعضاء لكرام
بغيت الافضل من حيث..
1 الابواب الداخليه وافضل المناجر
2 الابواب الخارجيه من حيث الديزاين الجديد والجوده
3الدرايش وايش افضل الالمانيه او قطر يوبي في سي
4الحمامات وافضل الانواع على المدى البعيد
5 الجي ار سي بغيت عامل ممتاز او شركه تعمل لي البيت؟
وشكرا على المساعده مقدما وهالموضوع بيفيد الجميع ان شاء الله

[حياة]

للرفع

[شموخ دائم]

,

,



مرحبا اخوي

موفق ان شاء الله

المناجر

منجره نور الدوحه
منجره اضواء الدوحه
منجره شعاع الخليج
منجره الخليج

jrc

الخليج جي ار سي شارع 50
انا ارشح هذي الشركه دائما لانها قادره على تنفيذ اي تصميم واي شكل تبيه

ابواب خارجيه

( درابزين) في النصر او السد
(فن المعادن) اشارات المجنون


الحمامات

تواي فورد
تلاقيه عند شبيب العطيه


وعندك ايديل ستاندر تلاقيه عند كافود


الشبابيك

انا ارشح الاختصاصي المنيوم دبل قلاص شارع سلوى

واذا تحب اليو بي ارشح الشركه الالمانيه اكيد
او الشركه الكويتيه القطريه



,


,


اخوك


شموخ دائم

[حياة]

مشكور اخوي ماقصرت
بس للحمامات ودي اخذ فالوري مايباخ عندك فكره عن الاسعار؟
وللدرايش هل الاختصاصي فيه عازل للصوت والماي والحراره؟وكيف الاسعار؟
ودائما اخذ برايك لاني احس انك ملم وعندك خبره
والله يجزاك خير

[حياة]

وين اخونا شموخ دائم؟؟؟؟؟

[شموخ دائم]

,

,


مرحبا

موجود هلا والله

احيانا الواحد يكتب الرد وما يرجع للموضوع من كثره المواضيع الله يبارك ويزيد

:)

فاليري اند بوخ


هذي ما عليها كلام هذا vip وتوصل ا لاسعار من 2500 الى 13 الف للطقم

:)


وهو مع الانواع الي انا ذكرتها الامريكيه والاوربيه بشكل عام لها ميزه وانا ماحب اتكلم في الامور الفنيه

ميزتها تعمل ( دوران ) للماء وهذي الميزه تجعل التنظيف سريع وسلاسه خروج الماء والتنظيف باقل كميه ماء وبدون ضجيج
من اول مره وكميه الماء 6 لتر تقريبا الي تخرج من كل سحبه

الانواع الصينيه وراس الخيمه ينزل من 10 الى 12 لتر ماء

ومافيها مسئله دوران الماء ولذلك هم يستخدمون كميه ماء اكبر للتنظيف بدل تكنولوجيا الدوران
ومع ذلك ممكن يحتاج سحب الماء مره ثانيه ويكون صوت الماء عالي وكميته اكبر ووزن الماء الكبير هذا
يسبب ليك وتسريب في القطع البلاستيكيه الي داخل الكرسي


هذا الفرق وانا ارشح انواع معينه بدون ما اتكلم على الامور الفنيه
لان صعب الشرح وياخذ جهد مني ماله داعي

الاختصاصي شغلهم ممتاز وسعرهم طيب بالمقارنه على المواصفات
شركه عريقه وتعمل الابراج الي في الدفنه اطلب ( البروفايل مالهم ) بتشوف نص ابراج الدوحه هم عاملينها

يعني تطمن على العزل الحراره والماء

نصيحتي اعمل المنيوم بطريقه الحديثه لفتح الشبابيك من فوق وعلى الداخل
هذي الطريقه مضمونه ما يدخل غبار باذن الله محكمه جدا

نصيحه اخيره لا تغامر في ماركات او انواع غير معروفه عند لناس حتى لو اعجبتك

:)

,

,

اخوك


شموخ دائم

[حياة]

شكرا اخوي ماقصرت